Rrugorja e Lezhës ka bërë bilancin e dy javëve të para të gushtit, duke evidentuar shkelje të shumta të Kodit Rrugor. Gjatë kësaj periudhe, janë vendosur 2,094 gjoba për shkelje të ndryshme, përfshirë drejtim mjeti nën efektin e alkoolit, përdorimin e celularit dhe mosvënien e rripit të sigurimit.

Në total, 3 shoferë janë arrestuar, ndërsa 14 të tjerë do të hetohen në gjendje të lirë për veprat penale “Drejtim i mjeteve në mënyrë të parregullt” dhe “Shkelja e rregullave të qarkullimit rrugor”.

Policia apelon për respektimin e rregullave të qarkullimit dhe bashkëpunim të vazhdueshëm me drejtuesit e mjeteve.

Detaje të reja kanë dalë nga ngjarja e rëndë e ndodhur në një lokal në zonën e Skelës, ku një kamarier 18-vjeçar u dhunua nga një efektiv policie jashtë shërbimit. Burime zyrtare bëjnë me dije se pronari i lokalit V. B., 53 vjeç, ka ndërhyrë për të mbrojtur punonjësin e tij dhe ka goditur njërin prej agresorëve, ish-shefin e qarkullimit rrugor të Vlorës, Ardian Isufi, i cili më pas ka përfunduar në spital.

Ngjarja ndodhi pas një incident të parëndësishëm gjatë shërbimit, kur në tavolinën e klientëve ishte sjellë një shishe ujë më shumë sesa ishte porositur. Kjo u bë shkak që Ardian Isufi, aktualisht oficer në Policinë Kufitare Dibër, dhe shtetasi Leart Bimo, me precedentë penalë, të dhunonin fizikisht dhe verbalisht kamarierin.

Pamjet e kamerave dhe dëshmitë në vendngjarje konfirmuan agresionin e ushtruar ndaj të riut, i cili mori goditje në fytyrë dhe qafë. Menjëherë pas dhunës, pronari i lokalit ndërhyri për të ndaluar sulmin, duke goditur vetë Ardian Isufin, i cili për shkak të lëndimeve përfundoi në spital.

Ndërkohë, Drejtori i Përgjithshëm i Policisë së Shtetit, Ilir Proda, ka urdhëruar pezullimin e menjëhershëm nga detyra të oficerit Ardian Isufi, deri në përfundimin e hetimeve dhe sqarimin e plotë të rrethanave.

Reagim i Policisë së Shtetit

Pezullohet nga detyra një oficer policie i përfshirë në një konflikt fizik jashtë shërbimit, në qytetin e Vlorës

Pas përfshirjes jashtë orarit të shërbimit në një konflikt fizik, në ambientet e një lokali në lagjen “Pavarësia 2”, Vlorë, Drejtori i Përgjithshëm i Policisë së Shtetit, Drejtues Madhor Ilir Proda, ka urdhëruar pezullimin e menjëhershëm nga detyra, deri në sqarimin e plotë të rrethanave, të oficerit të Policisë Kufitare Dibër.

Ndërkohë, Drejtoria e Standardeve Profesionale në Policinë e Shtetit ka nisur ndaj Nënkomisar A. I., me detyrë Oficer Policie në Komisariatin e Policisë Kufitare Dibër, procedurën disiplinore të rëndë, bazuar në Ligjin nr. 82/2024 “Për Policinë e Shtetit”, që parashikon masa për:

-raste të sjelljeve që diskreditojnë imazhin dhe dëmtojnë besimin e publikut tek Policia e Shtetit, të kryera jashtë ushtrimit të detyrës;

-kryerjen e veprimeve që cenojnë rëndë figurën e punonjësit të policisë, institucionit apo shërbimit policor në tërësi.

Nga veprimet e para hetimore ka rezultuar se Nënkomisar A. I., jashtë shërbimit dhe në shoqërinë e shtetasit L. B., 57 vjeç, banues në lagjen “Pavarësia”, Vlorë, është konfliktuar fillimisht fizikisht me shtetasin A. B., 18 vjeç. Pas përshkallëzimit të konfliktit, janë përfshirë edhe shtetasit V. B., 53 vjeç, pronar i një hoteli në lagjen “Pavarësia 2”, dhe E. M.

Aktualisht, Nënkomisar A. I. ndodhet i shtruar në Spitalin Rajonal Vlorë.

Për këtë rast vijojnë veprimet procedurale nga oficerët e Policisë Gjyqësore pranë Prokurorisë, në bashkëpunim me Agjencinë e Mbikëqyrjes Policore.

Policia e Shtetit mbetet e vendosur të reagojë me vendosmëri ndaj çdo rasti që cenon besimin e qytetarëve. Ajo fton qytetarët të denoncojnë çdo veprim të paligjshëm apo sjellje të papërshtatshme nga punonjësit e saj, duke garantuar trajtim të paanshëm dhe konform ligjit.

Rendohet ne dy te vdekur, bilanci i aksidentit te ndodhur diten e sotme ne qytetin e Vlores.

Policia informoi se dy te rinj kane gjetur vdekjen ne spital si pasoje e ngjarjes se rende.

Njoftimi:

Vlorë/Në vijim të aksidentit të ndodhur sot, në rrugën “Demokracia”, ju informojmë se shtetasi L. Ll., 19 vjeç, i cili ndërroi jetë në vendngjarje, ka qenë drejtuesi i motomjetit.

Një 43-vjeçar shqiptar është arrestuar nga efektivët e grupit DIAS në Aharnes, i akuzuar për vjedhje, mosbindje, shkelje të ligjit për substancat e varësisë dhe drejtimin e automjeteve pa leje drejtimi .

Konkretisht, efektivët e policisë kanë pikasur një automjet me dy persona në zonën e Aharnes dhe i kanë bërë shenjë drejtuesit të ndalojë. Në shikim të tyre, i akuzuari është larguar me shpejtësi, duke synuar të arratiset, por efektivët e policisë kanë ndaluar mjetin në një vend afër dhe e kanë dërguar në Prokurorinë Aharnes, e cili e ka lënë në paraburgim.

Siç u konstatua, mjeti ishte vjedhur një muaj më parë nga zona e Aharnes , ndërsa 43-vjeçarit i mungonte leja e drejtimit të kërkuar dhe, përveç kësaj, iu gjet dhe sekuestrua një sasi e vogël kokaine.

Ka qenë momenti kur u eliminua Joz Marku së bashku me Loredana Bratin, për ta lënë shtëpinë e famshme.

Derisa Gjesti po e përcillte për te dera, ai nga ana tjetër e goditi me shuplakë dhe e gjuajti në tokë.

Ky ka qenë një nga momentet më të rënda të këtij edicioni që u përfol mjaft shumë.

I pyetur në Post Big Brother për këtë rast, fituesi i këtij edicioni zgjodhi të mos fliste fare.

Ai e injoroi këtë çast duke thënë se tani ‘u kry çdo gjë’ teksa shtoi: “Nuk kam qejf as të hy andej. Nuk dua t’i jap asgjë. Hiç, hiç”.

Disa të tjerë thanë se kjo vulosi fitoren e Gjestit, e të tjerët shtuan se ai kishte luajtur që nga fillimi kur hyri në këtë format.

Një nga çiftet më të komentuar të këtij sezoni, Gjesti dhe Egli, kanë zgjedhur t’i kalojnë orët e fundit së bashku.

Dyshja janë parë duke shkëmbyer një puthje të zjarrtë në pishinë, në një moment intim që nuk i ka shpëtuar syrit të kamerave.

Laert Vasili dhe Gjesti janë përfshirë në debate të ashpra këto ditë në shtëpinë e Big Brother.

Ka qenë aktori që ka lidhur një moment me fenë islame e më pas i është kapur banorit nga Kosova për alkool. Në videon e shpërndarë në rrjete sociale, ai shihet duke kërcënuar në një formë Gjestin, duke i thënë se do të vijë në mes të Prishtinës.

Laerti: Për këtë që the sot do të vi unë në mes të Prishtinës dhe do e shohim se si do të jetë muhabeti, more vesh.

Gjesti: Ja nisi kërcënimet.

Laerti: Që të faktoj kush o ky.

Gjesti: Kujt i vjen në Prishtinë ti.

Laerti: Në mes, te sheshi Skënderbeu.

Gjesti: Hajde të pres, jo në Prishtinë në fshat timin.

Laerti: Mashtrues që zë Allahun be me shishe birrë në dorë. Mashtrues.

Gjesti: Kush ka bërë be rrejshëm.

Laerti: Ti zë Allahun kur ke shishe birrë në dorë, alkool në dorë.

Gjesti: Zoti ma fal mua, a nuk e mban veten në mend si je pirë a.

Laerti: Nuk mbaj veten unë.

Gjesti: Mos më shti me fol për alkool, mos më fol këtu. Boll më. Të dytë pimë, ti e tepron unë e mbaj veten.

Laerti: Mbylle sqepin.

Gjesti: Alkoolin mos e përmend, unë i pi 10 copa ti 50 copa. S’ki të ndalur. Ndale gojën.

Laerti: Hajde more, ec, merrem unë me ty. Boll o boll se na lodhe kokën

Rozana dhe Gjesti biseduan mbi qëndrimin e tyre dhe sa gjatë mund të vazhdojnë aty. Gjatë bisedës, Rozana ngriti një pyetje: “A ka mundësi të sjellin Eglin sot?”. Gjesti u përgjigj shkurt: “S’e di”. Megjithatë, ai shtoi se nëse Egli do të futej në shtëpi, do të prishte sfidën e mosreagimeve.

“Jo, nëse e sjellin, e prish, menjëherë. S’ma ndien, le të ulet çmimi e krejt. Jo, s’më intereson kjo punë. Menjëherë e prish, i flas, muhabet, llaf sa të mundem”.

Rozana e pyeti: “Të ka marrë malli?”

“Po, qysh jo. E mendoj”, pranoi Gjesti, duke treguar kështu se ia ka ndjerë mungesën në shtëpi.

Një zjarr në një apartament në lagjen Pavarësia, Vlorë ka rrezikuar banorët pasi tra bombola gazi kanë rrjedhur duke krijuar një situatë të rëndë për banorët por dhe për vetë zjarrfikësit. Në katin e tretë të pallatit ku për fat të mirë nuk ka pasur banorë tre bombola gazi kanë rrjedhur dhe dy nga ato kanë shpërthyer duke bërë që flakët të djegin një dhomë të apartamentit si dhe tymi por dhe flaka të dëmtojë dhe fqinjët.

Ndërhyrja e zjarrfikësve por dhe forca të shumta të policisë të cilët larguan banorët bënë që zjarri të shuhet dhe mos të kishte dëmtime te banorët , ndërkohë që dëmet materiale ishin të shumta. Policia po merr në pyetje banorët si dhe pronarët e apartamentit.

Nëse keni zgjedhur Mandala e artë # 1

Farat e mbjella sot do të kenë potencial fantastik për ju në të ardhmen e largët. Kjo ide/farë do të marrë shumë kohë, planifikim dhe durim.

Lërini detajet të vijnë tek ju pa e detyruar këtë mundësi të madhe të realizohet para se të vijë koha. Çfarë mënyrë për të filluar ditën!

Zgjohuni me njohurinë se ka mundësi të panumërta në pragun tuaj që thjesht presin që ju t’i lejoni ato në jetën tuaj.

Nëse keni zgjedhur Mandala e artë # 2

Mirë, është koha për të hequr dorë nga gjërat që e dini se po ju “ulin poshtë”. Të gjithë kemi vese të ndryshme; kafeina, pirja e duhanit, pirja, drama… etj. Ne të gjithë kemi diçka që bëjmë ose marrim pjesë në të cilën e dimë se nuk është e mirë për shpirtin.

Sot është dita e përsosur për të ridrejtuar atë sjellje jo të shëndetshme. Zëvendësojeni me diçka pozitive, me diçka që është e mirë për shpirtin.

Nëse jeni shoqëruar me njerëz negativë ose keni vuajtur për një kohë të gjatë, ndoshta tani është koha për t’u larguar nga ajo dramë. Shpirti juaj nuk ka nevojë për këtë. Ushqeni shpirtin tuaj, jo kaosin tuaj.

Nëse keni zgjedhur Mandala e artë # 3

Sot është një ditë gjykimi për ju, por jo në mënyrë apokaliptike. Është koha të filloni të merrni më shumë përgjegjësi në jetën tuaj. Dhe ndërsa kjo mund të jetë paksa e frikshme ndonjëherë, mos lejoni që kjo t’ju ndalojë të jetoni jetën që meritoni.

Çfarë do të thotë kjo? Epo, kjo do të thotë disa gjëra:

1. Do të filloni një fazë të re në jetën tuaj.

2. Kryeengjëlli Gabriel është me ju në këtë kohë.

3. Ju mund të pastroni veten nga pasojat e veprimeve tuaja të këqija nëse gjeni kohë për të menduar dhe për të marrë përgjegjësinë për veprimet dhe pasivitetin tuaj.

Ndërsa merrni përgjegjësinë për jetën tuaj dhe pranoni gjërat ashtu siç janë në momentin aktual, ju do të shëroni, pastroni, çlironi karmën negative dhe krijoni karma të mirë/pozitive në jetën tuaj.

Çelësi këtu është të mos përsërisni atë që keni bërë përpara se të filloni të punoni për ndryshimin. Vazhdoni të ecni përpara!

Burimi: namastest.net

Përkthyer nga: JiL.al. Ndalohet kopjimi dhe shpërndarja pa autorizimin e redaksisë