Një 18-vjeçar i cili drejtonte automjeti tip “Chevrolet” me targa greke, ka humbur kontrollin dhe është përplasur me një shtyllë elektrike.

SARANDË- Një aksident automobilistik ka ndodhur në qytetin bregdetar të Sarandës. Një 18-vjeçar i cili drejtonte automjeti tip “Chevrolet” me targa greke, ka humbur kontrollin dhe është përplasur me një shtyllë elektrike. Nga përplasja e madhe automjeti është përmbysur në trotuar.

Nuk raportohet për lëndime në njerëz, por dëmi material është i konsiderushëm. Policia ka mbërritur menjëherë në vendngjarje dhe ka bërë testin e alkolit për të riun. Nga rezultatet e testit ka dalë që 18-vjeçari Aleksandro Gunella rezultonte në gjendje të dehur. Policia ka arrestuar 18-vjeçarin, ndërsa po heton më shumë mbi rastin.

Një 18-vjeçar ka përfundunduar në prangat e policisë së Pogradecit, si autor i dyshuar i vjedhjes së telefonit dhe kuletës së një të moshuari.

Shtetasit M. L.. u arrestua në flagrancë nga efektivët pasi i mori telefonin dhe portofolin 84-vjeçarit. Gjatë kontrollit fizik atij iu sekuestrua dhe një sasi e vogël lënde narkotike e llojit kanabis sativa.

Nga verifikimet paraprake rezultohet se 18-vjeçari ishte shpallur në kërkim për një rast tjetër vjedhjeje 4 ditë më parë, ku i mori telefonin një 49-vjeçareje.

“Specialistët për Hetimin e Krimeve të Komisariatit të Policisë Pogradec arrestuan në flagrancë shtetasin M. L., 18 vjeç, banues në fshatin Trebinjë, Pogradec, pasi në fshatin Buçimas, i ka vjedhur celularin dhe kuletën, një 84-vjeçari. Gjatë kontrollit fizik, shtetasit M. L. iu gjet e sekuestrua një sasi e vogël lënde narkotike cannabis sativa. Më tej, nga verifikimet rezultoi se 18-vjeçari ishte shpallur në kërkim më datë 18.03.2024, pasi në fshatin Memëlisht, i ka vjedhur celularin një 49-vjeçareje”, thuhet në njoftimin e policisë.