Rrahin 19-vjeçarin në lavazh, policia shpall në kërkim 3 të rinj.

‘Komisariati i Policisë Sarandë referoi materialet në Prokurori dhe shpalli në kërkim shtetasit F. P., 21 vjeç, G. M., 19 vjeç dhe M. A., 20 vjeç, të tre banues në fshatin Gjashtë, pasi dyshohet se më datë 04.12.2024, në një lavazh në fshatin Metoq, gjatë një konflikti për motive të dobëta, kanë goditur me sende të forta shtetasin B. A., 19 vjeç, i cili është jashtë rrezikut për jetën.

Gjithashtu, referoi materialet në Prokurori ku nisi procedimi penal për një shtetas 15 vjeç, sepse gjatë kontrollit fizik që iu krye pas konfliktit me një bashkëmoshatar, iu gjet një mjet i vogël prerës, i cili u sekuestrua në cilësinë e provës materiale.

Materialet iu referuan prokurorive, për veprime të mëtejshme’, njofton policia vendore.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.