Policia e Tiranës ka vënë në pranga dy shtetas, P. B., 26 vjeç, dhe G. B. (S.), 37 vjeç, si pjesë e operacionit të koduar “Flagranca”. 26-vjeçari, i cili ndodhej nën masën e sigurisë “Arrest në shtëpi” për vjedhje, u kap me një armë zjarri pistoletë, të cilën dyshohet se po tentonte ta shiste.

Ndërkohë, bashkëpunëtori i tij kundërshtoi me dhunë efektivët e policisë dhe tentoi të arratisej. Ngjarja ndodhi në zonën e “Zogut të Zi”, ku shërbimet e policisë ndaluan automjetin tip “Honda” me të cilin po udhëtonin të dy të arrestuarit.

Gjatë kontrollit, tek shtetasi P. B. u gjet një armë zjarri pistoletë me krehër me fishekë, e cila dyshohet se po shitej ilegalisht në kryeqytet. Përveç armës, policia sekuestroi edhe municion luftarak, tre celularë dhe automjetin e përdorur nga të dy personat.

Hetimet vijojnë për të zbuluar detaje të tjera mbi aktivitetin e paligjshëm të të arrestuarve dhe për të identifikuar persona të tjerë të përfshirë në këtë rrjet.

I riu që shihni në foto është 26-vjeçari Dritan Manjani, i cili u vra mbrëmë me thikë nga bashkëfshatari i tij, pas një sherri që patën në një lokal. Ngjarja ndodhi në fshatin Homesh, njësia https://www.jetoilumtur.al/wp-content/uploads/2010/08/triforce-wallpaper.jpgistrative Shupenzë.I riu u godit me thikë nga 30-vjeçari Dorjan Dema, para shtëpisë së viktimës, ndërkohë që ai humbi jetën në spital.

SI NISI KONFLIKTI
Sipas banorëve konflikti mes të rinjve ka nisur në një lokal e më pas autori i dyshuar Dorjan Dema i ka shkuar viktimës te banesa dhe pasi ai ka dalë e ka goditur me mjet prerës që dyshohet të jetë thikë e jo kaçavidë siç u raportua nga policia. Banorët tregojnë se viktima nuk ishte konfliktual ndërsa autori i dyshuar ndodhej në lokal i shoqëruar nga 4 persona të tjerë dhe po konsumonte alkool.

Dritan Manjani ndodhej i vetëm në një tavolinë tjetër duke konsumuar kafe dhe mësohet se aty brenda ka patur një zënkë mes të rinjve. Vetëm pak minuta më vonë, pranë banesës së viktimës kanë shkuar dy makina dhe i kanë rënë borive. Në këtë moment ka dalë nga shtëpia 26-vjeçari, i cili po konsumonte darkë me familjen. Dyshohet se ai është goditur menjëherë nga autori. Familjarët dhe të afërmit e viktimës e kanë transportuar me urgjencë për në spital, por fatkeqësisht Manjani nuk ka arritur t’i mbijetojë plagëve të marra.