Në Rezidencën Studentore Universitare ne Tirane jane shenuar momente tensioni ditën e sotme mes studentëve që kërkonin të regjistroheshin për strehim në godinën nr.3 dhe stafit përkatës.

Për të qetësuar situatën u desh ndërhyrja e forcave të policisë.

Efektivet jane pare teksa shtyjne dhe largojne studentet nga radha qe mesohet se kishin zene prej oreve te mengjesit. 

Për ngjarjen reagoi edhe Rezidenca Studentore Universitare, e cila sqaroi se në godinën nr.3 ku pati momente tensioni, kapaciteti akamodues është 61 studentë në total të cilët strehohen në 30 dhoma dyshe dhe 1 vend për persona me aftësi ndryshe.

Sipas Rezidencës Studentore Universitare, aplikimet për të qëndruar në këtë konvikt kishin arritur në 300 të tilla, duke tejkaluar disa herë limitin prej 61 vendesh.

Ndodhur në rrethana të tilla, Rezidenca Studentore u bën thirrje studentëve që të regjistrohen për t’u akomoduar në godinat 24, 25, 25, 27, 28 dhe 29 të cilat ofrojnë kushtet e nevojshme.

14 godina të tjera pritet të rikonstruktohen njësoj si godina nr.3, projekt që financohet nga Banka Gjermane për Zhvillim dhe Bashkimi Evropian.

Deklarata e Rezidencës Studentore Universitare Nr.1:

Rezidenca Studentore Universitare Nr. 1 njofton se, gjatë ditës së sotme, u evidentua një fluks i pazakontë aplikimesh për regjistrim në Godinën Nr. 3, e cila sapo është rikonstruktuar me standarde bashkëkohore. Ky objekt ofron një kapacitet prej 61 vende (30 dhoma dyshe + 1 vend për persona me aftësi ndryshe), ndërkohë që numri i aplikantëve arriti në rreth 300 studentë, duke shkaktuar momente tensioni gjatë procesit të regjistrimit.

Godina Nr. 3 është pjesë e Projektit të Rikonstruksionit të Godinave të Qytetit Studenti me Efikasitet Energjetik, financuar nga Banka Gjermane për Zhvillim (KfW) dhe Bashkimi Evropian.

Faza e parë e projektit ka përfunduar me rikonstruksionin e pesë godinave.

Faza e dytë, që pritet të nisë në një periudhë të afërt, përfshin rikonstruksionin e 14 godinave të tjera.

RSU Nr. 1 siguron se kapacitetet e përgjithshme akomoduese janë të mjaftueshme për të plotësuar kërkesat e të gjithë studentëve. Aktualisht janë të disponueshme hapësira banimi në godinat 24, 25, 26, 27, 28 dhe 29, të cilat ofrojnë kushte të rregullta jetese dhe shërbimet e nevojshme për një akomodim dinjitoz.

Pamjet e publikuara dhe denoncimi i studenteve evidentojne se 

Tranzicioni i dekadave të fundit, ndryshoi veç të tjerash stilin e jetës dhe konceptin e familjes për shqiptarët. Ndër vite numri i personave të pamartuar ka ardhur duke u rritur.

Sipas të dhënave të fundit të regjistrimit të popullsisë në Shqipëri rezultojnë mbi 300 mijë beqarë, ndërsa dominojnë meshkujt. Për shqiptarët krijimi i familjes është konsideruar gjithnjë si një vendim i rëndësishëm qe dikur merrej në moshë të re, por realiteti ndryshoi si në çdo shoqëri tjetër të zhvilluar.

“Unë jam martuar 25 vjeç, është një moshë normale pjekurie për të marrë një vendim që do ndikojë gjatë gjithë jetës tënde”, është shprehur një qytetar.

“I bien shkurt, bashkëjetesë dhe kaq, por kjo është fatkeqësi se nuk ka lindje. Unë bëra 45 vjet i martuar. Harmonia dhe tolerancë gjithmonë është sekreti”, tha një tjetër qytetar.

Qytetarët me status beqar i përkasin grupmoshës produktive nga 25 deri në 59 vjeç. Por çfarë rrethanash kanë ndikuar?

Arjana Muçaj, sociologe u shpreh: “Është rritur ajo që ne i themi arsimimi i të rinjve, migrimi dhe emigrimi. Janë këta dy faktorë kyç”. Meshkujt gjithnjë dhe më shumë i janë drejtuar emigracionit, për të punuar. E kjo vonon martesën. Ndërsa e kundërta ndodh me vajzat që preferojnë të shkollohen. Por kjo ka sjelle disnivel arsimor, duke penguar meshkujt për të gjetur partneren e jetës.

“Gjetja e një partneri do të thotë të jetë i ngjashëm në cilësi dhe karakteristika dhe përsa i takon statusit social në shoqëri dhe patjetër që pretendimet janë gjithnjë më të larta.”

Tek vajzat numri më i lartë i beqareve i përket grupmoshës 25-30 vjeç.

“Kjo tregon që vajzat po martohen në një moshë më të madhe nga dikur, mosha 22 25 martesa shikohej si diçka që ndodhte pas shkollimit të tyre. Shikojmë pavarësi ekonomike tek gratë.

Sipas sociologes, tranzicioni demografik, zhvendosja e popullsisë pas viteve 90 në zonat e ulëta dhe ato urbane kanë ndikuar gjithashtu në shtimin kryesisht të meshkujve beqarë në fshatra.

BEQARËT NË SHQIPËRI

Rreth 343 mijë të pamartuar

Meshkuj 213232

Femra mbi 129 mijë