Një ngjarje e rëndë është regjistruar në Pogradec, ku një i ri dyshohet se ka ushtruar dhunë ndaj nuses së xhaxhait.

Bëhet fjalë për shtetasin Q. Ç., 36 vjeç, teksa konflikti mes tyre, sipas autoriteve policore, dyshohet se ka patur motive pronësie.

Pasi ka marrë dëshminë e gruas së dhunuar, Policia e Pogradecit ka proceduar penalisht 36-vjeçarin dhe ka referuar materialet në Prokuroi.

“Komisariati i Policisë Pogradec referoi materialet në Prokurori, ku filloi procedimi penal për shtetasen Q. Ç., 36 vjeç, pasi dyshohet se për motive pronësie se ka ushtruar dhunë ndaj nuses së xhaxhait të saj.” – thuhet në njoftimin e Policisë.

Një 36-vjeçar ka përfunduar në pranga nga policia, pasi dogji automjetin e një 34-vjeçari në Vlorë.

Sipas njoftimit zyrtar, të dy personat kanë pasur konflikte të mëparshme me njëri-tjetrin.

“Menjëherë pas njoftimit se rreth orës 00:30, në lagjen “28 Nëntori”, ishte djegur automjeti tip “Volvo” në përdorim të shtetasit K. D., 34 vjeç, Komisariati i Policisë Vlorë dhe Forca e Posaçme “Shqiponja” e DVP Vlorë organizuan punën për të nxjerrë përpara përgjegjësisë penale autorin/ët dhe për të zbardhur rrethanat e rastit.

Si rezultat, në kuadër të operacionit “Flames 4”, u identifikua dhe u vu në pranga, autori i dyshuar i rastit, shtetasi A. M., 36 vjeç, banues në Vlorë, i cili nga hetimet dyshohet se e ka kryer këtë krim, për shkak të një konflikti të mëparshëm, për motive të dobëta, me shtetasin K. D.”, thuhet në njoftim.

Një 36-vjeçar me inicialet S.N., i cili rezulton banues në Valias ka përfunduar në pranga nga efektivët e Komisariatit numër 5 në Kryeqytet

Sipas edhe komunikatës nga Drejtoria Vendore e Policisë së Tiranës, 36-vjeçari dyshohet se ka ushtruar dhunë ndaj bashkëshortes së tij.

Ndërkohë që materialet tashmë i kanë kaluar Prokurorisë për veprime të mëtejshme.

Njoftimi i policisë:

Specialistët për Hetimin e Krimeve të Komisariatit të Policisë Nr. 5 ndaluan shtetasin S. N., 36 vjeç, banues në Valias, pasi dyshohet se ka ushtruar dhunë ndaj bashkëshortes.

Materialet i kaluan Prokurorisë.

Një 36-vjeçar është arrestuar në kuadër të operacionit policor të koduar “Stacioni”.

Ardri Duka u vu në pranga pasi gjatë kontrollit në automjetin e tij, forcat e policisë gjetën një sasi kanabis sativa.

Lënda narkotike ishte e ndarë në dhjetëra doza të gatshme për shitje në zona të ndryshme të qytetit.

NJOFTIMI I POLICISË:

Durrës/Vijon zbatimi i masave të përcaktuara në planin operacional kombëtar të koduar “Tempulli 2”. Finalizohet nga shërbimet e Stacionit të Policisë Plazh, operacioni policor i koduar “Stacioni”.

Sekuestrohet një sasi lënde narkotike cannabis sativa, e ndarë në dhjetëra doza të gatshme për shitje. Vihet në pranga poseduesi i tyre.

Në vijim të punës operacionale me fokus goditjen e veprimtarive kriminale në fushën e narkotikëve dhe si rezultat i administrimit të shpejtë të informacioneve nga inteligjenca policore, të siguruara në vijim të megaoperacionit antidrogë të koduar “Tempulli 2”, shërbimet e Stacionit të Policisë Plazh organizuan dhe finalizuan operacionin policor të koduar “Stacioni”.

Gjatë operacionit u kap në flagrancë dhe u arrestua shtetasi A. D., 36 vjeç, banues në Lushnjë.

Nga kontrollet në automjetin që drejtonte ky shtetas, shërbimet e Policisë gjetën dhe sekuestruan në cilësinë e provës materiale, një sasi lënde narkotike cannabis sativa, të ndarë në dhjetëra doza të gatshme për shitje në zona të ndryshme të qytetit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.