Policia Kufitarer ka arrestuar në doganën e Morinës një person të shpallur në kërkim kombëtar nga drejtësia shqiptare.

Në pranga është vënë shtetasi Dritan Kullaj, 41-vjeç, i cili ishte shpallur në kërkim nga komisariati nr. 4 në Tiranë.

Sipas autoriteteve policore, Gjykata e Tiranës ka caktuar ndaj 41-vjeçarit masën e sigurisë “Arrest në burg” për akuzat e veprave penale “Mbajtja pa leje dhe prodhimi i armëve, armëve shpërthyese dhe i municionit” dhe “Vënia në dispozicion e lokaleve për lojëra të palejuara”.

Policia e Kukësit thotë se Dritan Kullaj i është dorëzuar shërbimeve të Policisë së Tiranës, të cilët kanë ekzekutuar masën e sigurisë.