Në përfundim të hetimeve të para për ngjarjen e ndodhur dje në fshatin Qerret, Kavajë, ku një person humbi jetën dhe një tjetër u plagos gjatë punës në një pallat në ndërtim, Policia e Kavajës ka arrestuar në flagrancë shtetasen me iniciale E. Xh., 68 vjeçe, drejtoreshë teknike e punimeve.

Shtetasi H. P., 59 vjeç, humbi jetën ndërsa punonte gjatë çmontimit të një skele, ndërsa shtetasi S. H., 36 vjeç, u plagos në këmbë. Ngjarja ka ndodhur në një objekt ndërtimi, ndërkohë që specialistët për Hetimin e Krimeve të Komisariatit të Kavajës kanë ndërmarrë veprimet e para hetimore.

Për ngjarjen janë shpallur në kërkim shtetasit E. D., 53 vjeç, administrator i firmës dhe sipërmarrës i punimeve, dhe M. Sh., 31 vjeç, inxhinier i kompanisë së ndërtimit. Ata akuzohen për veprën penale “Shkelja e rregullave të mbrojtjes në punë”. Materialet hetimore janë kaluar në Prokurorinë pranë Gjykatës së Shkallës së Parë Durrës për hetime të mëtejshme.

Katër persona u plagosën me thikë në Ferizaj, Kosovë. Ngjarje e ndodhur një natë më parë. Lidhur me këtë ngjarje të rëndë u arrestua një 59-vjeçar.

59-vjeçari goditi me thikë katër kalimtarë të rastit, dy vajza dhe dy djem të cilët u dërguan për ndihmë mjekësore.

Ministri i Shëndetësisë Arben Vitia ka dhënë detaje për gjendjen shëndetësore, të vajzës 10-vjeçare që është një nga katër të plagosurit në sulmin e të hënës me thikë në Ferizaj.

Vitia ka thënë se falë ndërhyrjes së mjekëve është shpëtuar jeta e vajzës.

Gjithashtu  nga sulmi tha ai, – dy persona kanë mbetur të plagosur rëndë.

Vitia ka thënë se një nga personat është duke u trajtuar,  ndërsa nuk ka përjashtuar mundësinë që të duhet t’i nënshtrohet operimit edhe ai.