Disa celula stuhish të izoluara nga Mali i Zi kanë depërtuar edhe në territorin e Republikës së Kosovës dhe në këto çaste po kushtëzojnë rrebeshe të izoluara shiu me vetëtima dhe bubullimë.about:blank

Vetëtimat duket qartë, ndërsa shihet edhe në pamjet satelitore. Një celulë është diku në Dukagjin afër Pejës dhe Istogut, ndërsa celula tjetRt është krijuar në pjesën qendrore të Republikës së Kosovës. E kemi përmendur një fronti të dobët të ftohtë ajror dhe ardhja e tij ka shkaktuar këtë destabilizim të atmosferës. Reshje dhe rrebeshe lokal parashihen orëve të ardhshme lokalisht dhe jo në tërë territorin.

Sidoqoftë reshjet janë të karakterit lokal dhe do të jenë kalimtare, ngase më vonë dhe nesër do të pasojë përmirësimi dhe stabilizimi i motit edhe në ato rajone ku kemi destabilizim sonte.

Reshjet në ato vise janë të mirëseardhura për shkak të thatësisë shumë të gjatë, por ne Shqiperi do te kemi nje mot me temperatura te larta dhe pa vetetima e bubullima.

Një valë të nxehti ka goditur Italinë që prej pasdites së djeshme.

Sipas parashikimeve meteorologjike, vapa intensive do të zgjasë deri nesër, por tashmë në mbrëmjen e sotme, duke nisur nga rajonet veriore të vendit, priten reshje të dendura shiu.

Ndërkohë sot termometri ka arritur në 40 gradë në Accraganta në Siçili dhe në Sardenjë, 39 në Bari, 37 në Katania dhe 36 në Romë dhe Leçe në Pulia.

Autoritetet këshilluan të moshuarit dhe qytetarët që vuajnë nga sëmundje kronike të shmangin daljen nga shtëpia, të paktën në orët më të nxehta të ditës.

Edhe nesër, sipas parashikimeve, temperatura të larta do të regjistrohen ndër të tjera në Bolonja, Firence, Romë, Verona dhe Ankona.

Gjatë fundjavës temperaturat pritet të ulen me 4 deri në 5 gradë në të gjitha zonat e gadishullit italian.