Policia e Kosovës ka njoftuar për një konflikt fizik të ndodhur në aeroportin e ndërkombëtar “Adem Jashari”.

Bëhet me fije se rasti ka ndodhur ditën e djeshme ndërsa janë shoqëruar në komisariat tre personat e përfshirë.

“Aeroporti Adem Jashari 27.12.2024-20:00. Raportohet se pas një mosmarrëveshje janë rrahur mes veti tre të dyshuar meshkuj kosovarë”, thuhet në raport.Me vendim të prokurorit pas intervistimit dy të dyshuar janë arrestuar dhe dërgohen në mbajtje, ndërsa një lirohet në procedurë të rregullt.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një 39-vjeçar shqiptar i shpallur në kërkim është arrestuar nga policia gjermane në aeroportin e Shtutgartit.

Shqiptari është ndaluar të martën e 24 shtatorit teksa po i verifikohej identiteti pas zbritjes nga një fluturim i ardhur nga Prishtina.

Sipas kontrolleve të kryera rezultoi ai ishte dënuar me burgim të përjetshëm në Greqi për vrasje dhe armëmbajtje pa leje.

Ai ndodhej në burg deri në janar 2023 ku thuhet se është arratisur, ndoshta pas një leje të marrë, raporton media gjermane Bild.

Gjykata e Nürtingen në Gjermani urdhëroi mbajtjen e tij në paraburgim, deri në vendimin për ekstradimin apo jo drejt Greqisë.

Të gjitha fluturimet në një nga aeroportet më të mëdha të Gjermanisë janë ndaluar për shkak të mobilizimit të një organizate mjedisore.

Konkretisht, pesë anëtarë të organizatës Last Generation organizuan një protestë në pistën e aeroportit të Këlnit, duke ngjitur duart në pistë dhe duke bllokuar ngritjet dhe uljet e fluturimeve.

Të paktën katër fluturime u devijuan në aeroportet e afërta të Duseldorfit dhe Hanoverit. Ndërsa dhjetëra fluturime nga aeroporti i Këlnit janë anuluar ose do të vonohen.

Qëllimi i aktivistëve është që qeveria gjermane të arrijë një marrëveshje ndërkombëtare që do t’i japë fund përdorimit të naftës, gazit natyror dhe qymyrit deri në vitin 2030.

Sipas organizatës, “protesta të ngjashme paqësore, politike në aeroporte” janë planifikuar për të mërkurën në të gjithë Europën dhe Amerikën e Veriut.

Në maj, aeroporti i Mynihut u “mbyll” për dy orë pas një proteste të ngjashme.

Tetë persona u arrestuan ndërsa protesta shkaktoi kaos në aeroport, me zyrtarët që anuluan të paktën gjashtëdhjetë fluturime.

Prishtinë- Mediat në Kosovë kanë raportuar ditën e sotme se në Aeroportin Ndërkombëtar të Prishtinës “Adem Jashari” është regjistruar një alarm për bombë.

Ndërkohë janë publikuar fotografi nga vendi i ngjarjes, ku shihet Njësia K-9 e Policisë së Kosovës duke kontrolluar hapësirat e aeroportit.

Lajmin e ka konfirmuar Shpend Maliqi, shef i Policisë së Kosovës në ANP. Ai ka thënë se situata nuk është serioze e se ende janë duke kontrolluar zonën.