Një 15-vjeçar është arrestuar në Tiranë pasi dyshohet se ka aksidentuar për vdekje këmbësorin me iniciale S.V. Viktima 82-vjeç po lëvizte me biçikletë në zonën e Yrshek kur është përplasur nga i mituri.

“Specialistët e qarkullimit rrugor bënë arrestimin e shtetasit të mitur 15 vjeç, pasi në Yrshek, ditën e sotme, rreth orës 14:40, dyshohet se duke drejtuar një automjet të familjarëve të tij, ka aksidentuar shtetasin S. V., 82 vjeç, i cili po lëvizte me biçikletë. 

Si pasojë 82-vjeçari ka humbur jetën rrugës për në spital.

Materialet procedurale iu referuan Prokurorisë së Tiranës, për veprime të mëtejshme”, njofton policia.

Një aksident rrugor ka ndodhur në Gjirokastër pranë vendit të quajtur bulevardi “18 shtatori”.

Bëhet me dije se ka ngelur e lënduar shtetasja V.K., e cila ishte pasagjere në automjetin që drejtohej nga shtetasi A.Sh.

“Gjirokastër/Informacion paraprak. Rreth orës 16:55, në bulevardin “18 shtatori”, automjeti (autoambulancë) me drejtues shtetasin R. T., ka goditur automjetin me drejtues shtetasin A. Sh.

Si pasojë është dëmtuar pacientia që ndodhej në autoambulancë shtetasja V. K., e cila ndodhet në spital në kujdesin e mjekëve.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit”, njofton policia. 

Një aksident ka ndodhur sot (2 shkurt) në hyrje të qytetit të Pogradecit në afërsi të kishës së re.

Raportohet se një makinë me targa greke ka goditur një të moshuar i cili shpërndante qumësht me biçikletë.

I plagosuri është transportuar në spital dhe fatmirësisht ndodhet jashtë rrezikut për jetën.

Policia ndodhet në vendngjarje për zbardhjen e plotë të rrethanave.

Policia Rrugore në Pogradec ka zbardhur aksidentin e rëndë që ndodhi në aksin rrugor “Korçë-Pogradec”, ku një 40 vjeçar i identifikuar si Florant Palla u aksidentua për vdekje nga një automjet, ndërsa drejtuesi u largua nga vendi i ngjarjes bashkë me mjetin e tij.

Drejtuesi i automjetit, i arrestuar nga policia është Gentjan Capo, 38 vjeç.

Njoftimi zyrtar nga Policia

“Në vijim të informacionin paraprak të dhënë ditën e djeshme, ku në aksin rrugor “Korçë-Pogradec”, tek vendi i quajtur “Ura e Leshnicës”, u gjet i pajetë shtetasi F. P. 40 vjeç dhe paraprakisht u dyshua për aksident rrugor, grupi hetimor nën drejtimin Prokurorisë vijoi veprimet hetimore për identifikimin e drejtuesit të mjetit, që shkaktoi aksidentin.

Pas një pune intensive të bërë nga Sektori i Policisë Rrugore, që nga mbrëmja e djeshme me këqyrje te kamerave qe ndodheshin ne aksin rrugor Korçë-Pogradec, kontrolle me dron dhe dylbi të territorit te fshatrave dhe zonave të banuara përreth vendndodhjes se aksidentit dhe informacioneve të marra ne rruge operative, u bë e mundur që rreth rreth orës 16:40, të lokalizohej nëpërmjet dronit automjeti tip “Volkswagen” i përfshirë në këtë ngjarje rrugore.

Gjithashtu u identifikua dhe drejtuesi i automjetit shtetasit G. C., 38 vjeç, banues në fshatin Gështenjas, Pogradec,

Shërbimet e Policisë kapën dhe shoqëruan në Komisariat shtetasin G. C., i cili u arrestua për veprat penale ” Shkelja e rregullave të qarkullimit rrugor” dhe “Largim nga vendi i aksidentit”

Ndërsa automjeti u sekuestrua në cilësinë e provës materiale.

Materialet procedurale i kaluan Prokurorisë për veprime të mëtejshme”, njoftoi Policia.

Një aksident ka ndodhur në orët e para të mëngjesit të sotëm në aksin rrugor Berat-Lushnjë.

Aksidenti ka ndodhur rreth orës 4 pranë fshatit Fier-Shegan. Në aksident janë përfshirë dy automjete, një automjet tip Toyota RAV4 ku udhëtonin 5 persona dhe një mjete tip Smart.

Të dy mjetet të cilët udhëtonin në kahe të ndryshëm janë goditur me njëra-tjetrën në pjesët anësore ku me pas kanë përfunduar në kanale.

Është dashur ndërhyrja e forcave zjarrfikëse dhe policisë për nxjerrjen e personave që ndodheshin në automjete.

Nga ky aksident pasagjerët kanë marrë lëndime të lehta, ndërsa një grua rreth të 50 ka marrë dëmtime më shumë, por jashtë rrezikut për jetën.

Të 5 personat që udhëtonin me mjetin tip Toyota ishin duke u kthyer nga një dasmë. Ekspertët të policisë rrugore nisën hetimet e shkaqeve të aksidentit duke marrë në pyetje dy drejtuesit e tyre.

Tre automjete janë përfshirë në një aksident në autostradën Rrogozhinë-Lushnjë, në afërsi të kthesës së Grabjanit. Si rezultat i përplasjeve, automjeti tip “Range Rover” ka humbur kontrollin dhe ka goditur tabelën elektronike të një karburanti.

Si rezultat i aksidentit, drejtuesi i automjetit dhe një pasagjer kanë marrë lëndime dhe janë nën kujdesin e mjekeve në spitalin e Lushnjës.

Goditja ka qenë tepër e fortë aq sa ka shkatërruar totalisht tabelën elektronike, e cila fatmirësisht ka ruajtur mjetin duke mos e lejuar të përplaset me aparaturat e shpërndarjes së karburantit.

Pa lëndime serioze kanë shpëtuar fatmirësisht drejtuesit e mjeteve të tjera të përfshira në aksident, një “Audi” dhe një furgon.

Nga të dhënat paraprake, dyshohet se shkak i përplasjeve të mjeteve ka qenë shpejtësia e lartë dhe manovra të gabuara në parakalim. Policia në vendngjarje po punon për zbardhjen e plotë të shkaqeve të aksidentit, që fatmirësisht nuk shkaktoi një tragjedi më rast të goditjes së pikës së karburantit.

14 persona humbën jetën dhe 31 të tjerë u plagosën pas një aksident të regjistruar të dielën në Meksikë. Aksidenti ka ndodhur në shtetin e Meksikës, në rajonin e kryeqytetit, kur një autobus është përmbysur në rrugë.

Aksidentet e trafikut po rriten në Meksikë nga viti 2020. Sipas Institutit Kombëtar të Statistikave të Meksikës (INEGI) janë regjistruar 377,231 aksidente trafiku në vend në vitin 2022. Më 24 shkurt, 10 persona humbën jetën në një aksident trafiku në shtetin San Luis Potosi (në qendër-veri), mes tyre katër të mitur. Të shtunën, një kamion goditi emigrantët në këmbë, duke vrarë tre prej tyre në shtetin e Oaxaca, sipas mediave meksikane.