Një aksident tragjik ka ndodhur sot në Horgen, Zvicër, ku një i moshuar 83-vjeçar nga Kosova ka humbur jetën. Lajmin e ka bërë të ditur gazeta zvicerane në shqip, Le Canton27.ch, duke u bazuar në informacionet e policisë lokale kantonale.

Ngjarja ka ndodhur rreth mesditës së së martës dhe ka përfshirë një këmbësor dhe një makinë. Këmbësori është goditur me kokë dhe është hedhur disa metra larg. Shërbimet e emergjencës kanë konstatuar vdekjen e 83-vjeçarit në vendngjarje.

Policia kantonale bën me dije se drejtuesi i mjetit ishte një 51-vjeçar i cili po lëvizte në Einsiedlerstrasse drejt Horgenit. Aksidenti ka ndodhur në Mühlebachstrasse teksa këmbësori po kalonte rrugën. Hetimet e detajuara po kryhen nga policia kantonale dhe prokuroria publike për të zbuluar ecurinë e saktë të ngjarjes.

Familjarët e viktimës po kujdesen nga pastorët e urgjencës. Qytetarët lokalë e përshkruajnë viktimën nga Kosova si një njeri të madh, shumë të bukur, të ëmbël, dhe të punuar shumë. Incidenti ka shokuar komunitetin vendas dhe po krijon një frymë zemëruese në lagje. Burimi:lecanton27.ch

Të paktën shtatë persona kanë mbetur të vrarë pas një shpërthimi të ndodhur në një autobus në Kabul.about:blank

Lajmi u bë me dije nga zëdhënësi i policisë lokale, Khalid Zadran. Ndërkohë menjëherë pas ngjarjes ekipet e sigurisë kanë mbërritur menjëherë në vendin e ngjarjes.

Ndërsa nuk dihen ende më shumë detaje rreth kësaj ngjarje të rëndë, autoritetet theksojnë se janë angazhuar për zbardhjen e plotë të ngjarjes.

Një 65-vjeçar ka humbur drejtimin e motomjetit të tij dhe është përplasur me bordurën anësore të rrugës. Për pasojë shtetasi me iniciale A.O., ka humbur jetën.

Ngjarja ka ndodhur këtë të enjte, rreth orës 14:30 në rrugën e fshatit Kutalli, Dimal.

Grupi hetimor po punon për përcaktimin e shkakut të aksidentit.

Një aksident i rëndë është regjistruar mëngjesin e sotëm në Rrugën e Kombit ku për pasojë ka ndërruar jetë punonjësi i policisë në Mirditë, Gëzim Lazdri ndërsa janë plagosur disa të tjerë.

Mësohet se dy makina janë përplasur njëra me tjetën në aksin Rubik-Rrëshen.

Ende nuk dihen rrethanat e ngjarjes.

Lajmi do të përditësohet së shpjeti…

Katër të vdekur dhe dy të plagosur rëndë. Ky është bilanci i një aksidenti të rëndë rrugor ndodhur në orët e para të mëngjesit të sotëm, 10 shtator, në Cagliari të Italisë.

Në aksidentin e ndodhur rreth orës 05:00 mësohet se humbën jetën, dy djem dhe dy vajza, të moshave nga 18 deri në 20 vjeç. Dy bashkëmoshatarë u transportuan në spital me kodin e kuq.

Aksidenti ka ndodhur në drejtim të Quartu Sant’Elena. Të rinjtë po udhëtonin me një Ford Fiesta, e cila për arsye të panjohura është përplasur me një trotuar pranë mbikalimit duke u përmbysur.

Një aksident i rëndë automobilistik ka ndodhur në qytetin Parana të Brazilit, ku si pasojë e përplasjes së disa automjeteve, kanë humbur jetën deri më tani shtatë persona dhe janë plagosur 11 të tjerë.about:blank

Mësohet se në aksident janë përfshirë të paktën 20 automjete dhe njëra prej tyre është djegur plotësisht. Sipas mediave të huaja, shkak është bërë një mjegull që ka “pushtuar” zonën, duke bërë që shumë shoferë kamionësh të mos kenë pasur fushëpamje e për pasojë janë përplasur vrullshëm me mjetet e tjera në trafik.

Në vendin e ngjarjes shkuan menjëherë forcat zjarrfikëse dhe ambulancat, të cilat kanë transportuar të plagosurit në spitalin rajonal, ndërsa trupat e pajetë janë dërguar në morg, për kryerjen e hetimeve të mëtejshme.

Sipas autoriteteve shkak është bërë mjegulla si pasojë e reshjeve të shiut që kanë përfshirë Brazilin, ditët e fundit.

Një aksident fatal ka ndodhur në afërsi të provincës Yozgat në Turqi, të dielën vonë mbrëma, kur një autobus pasagjerësh ra në një luginë.

Konkretisht, siç raportojnë mediat turke, drejtuesi i autobusit të pasagjerëve që udhëtonte nga Sebastia për në Stamboll ka humbur kontrollin e mjetit, si pasojë ka kaluar në anën e kundërt të trafikut dhe ka rënë në një humnerë 30 metra.

Njëmbëdhjetë pasagjerë vdiqën në vend. Një tjetër viktimë ka ndërruar jetë pas plagëve të marra pasi është dërguar në spital. 19 pasagjerë të tjerë kanë pësuar lëndime, ndërsa njëri prej tyre mësohet se ndodhet në gjendje kritike për jetën. Në autobusin fatkeq ndodheshin gjithsej 31 pasagjerë.

Një aksident tragjik ka ndodhur ditën e sotme në Greqi, ku një autobus është përplasur kokë më kokë me një automjet në autostradën Livadia – Amfissa.

Makina e drejtuar nga një 67-vjeçare me origjinë greke, u përplas me autobusin që transportonte turistë kinezë. Si pasojë e përplasjes makina është përmbysur dhe ka shpërthyer në flakë, ku fatkeqësisht 67-vjeçarja nuk ka arritur të dalë dhe për pasojë ka humbur jetën.

Ndërkohë raportohet se 5 nga 34 turistët që po udhëtonin në autobus janë lënduar dhe janë dërguar në spital për trajtim mjekësor.

Shtatë persona humbën jetën në Brazil, pasi autobusi me të cilin po udhëtonin u përmbys në një humnerë.

Ngjarja ka ndodhur në shtetin Minas Gerais, në orët e para të mëngjesit të sotëm, sipas shërbimit ushtarak të shtetit. Autobusi po transportonte tifozë të klubit të futbollit Corinthians, me qendër në qytetin e Sao Paulo-s, pasi ata kishin ndjekur një ndeshje kundër Cruzeiro në kryeqytetin e Minas Gerais, Belo Horizonte.

Mësohet se në autobus ndodheshin 43 tifozë, teksa përmbysja është shkaktuar nga mosfunksionimi i frenave dhe autobusi është përplasur dhe ka rënë në një humnerë.

Një aksident i rëndë ka ndodhur në orët e vona të mbrëmjes së të premtes në Kroaci, ku si pasojë kanë humbur jetën 3 persona dhe janë plagosur dy të tjerë.

Aksidenti ka ndodhur në autostradën A1, në afërsi të daljes së Ravçes në drejtim të Dubrovnikut, ku dy makina janë përplasur kokë më kokë me njëra tjetrën.

Në vendngjarje ndodheshin disa zjarrfikëse dhe disa ambulanca. Autoritetet kroate kanë nisur hetimet fillestate dhe shumë shpejt do të dihen detajet e para.

Seksioni i autostradës ndërmjet Zagvozdit dhe Ravçës në drejtim të Dubrovnikut është mbyllur për orë të tëra.