Dy aksidente kanë ndodhur pasditen e sotme në qytetin e Fierit.

Tre automjete janë përplasur në qendër të qytetit ndërsa si pasojë ka patur vetëm dëme materiale. Aksidenti ka ndodhur vetëm pak minuta më parë në vendin e quajtur “Vija e Ngjalës”.

Dy automjete janë përplasur me njëra – tjetrën dhe si pasojë ka mbetur një i lënduar i cili është transportuar drejt spitalit rajonal për të marrë ndihmën mjekësore ndërsa policia dhe grupi hetimor ndodhen në vendngjarje për të përcaktuar shkaqet e këtij aksidenti.

Dy aksidente rrugore janë regjistruar brenda pak minutash në dy segmente të ndryshme të rrugëve kombëtare në Qarkun e Elbasanit, duke sjellë pasoja të rënda për jetën dhe shëndetin e qytetarëve.

Një person ka humbur jetën dhe dy të tjerë kanë mbetur të plagosur si pasojë e përplasjes së automjeteve.

Ngjarja më e rëndë ka ndodhur në aksin kombëtar Elbasan–Librazhd, konkretisht në segmentin rrugor Xibrakë–Labinot Fushë, ku dy automjete janë përplasur mes tyre me një shpejtësi të konsiderueshme.

Përplasja ka qenë e fortë dhe për pasojë janë dëmtuar rëndë dy persona, të cilët u transportuan me urgjencë në spital.

Fatkeqësisht, njëri prej tyre nuk arriti t’i mbijetojë plagëve dhe ndërroi jetë në ambientet spitalore.

Ndërkohë, një tjetër aksident është regjistruar në Kthesat e Murrashit, ku një automjet ka dalë nga rruga, por fatmirësisht pa pasoja serioze për drejtuesin e mjetit. Në vendngjarje shkoi policia dhe grupi hetimor që po punon për zbardhjen e rrethanave të aksidenteve.

Në Shkodër janë regjistruar tre aksidente me pasojë vdekje.

Policia bën me dije se një makinë me drejtues Klevis Dukën ka përplasur për vdekje në aksin rrugor Shkodër-Koplik të moshuarin Burhan Triepshi 84 vjeç.

Aksidenti tjetër ka ndodhur në aksin rrugor Shirokë-Shkodër, ku drejtuesja e mjetit Elda Molika ka përplasur për vdekje 70-vjeçarin Sait Rraboshta.

Përplasen 5 automjete në dy aksidente në aksin Durrës-Tiranë.

Ngjarja ka ndodhur në afërsi të mbikalimit të Shinavlashit.

Si pasojë e aksidentit kanë mbetur të plagosur dy persona që u dërguan në spital për ndohmë mjekësore.

Në vendngjarje shkoi policia e cila normalizoi trafikun dhe administroi provat për zbardhjen e rrethanave të aksidenteve. Noa.al

Dy aksidente me dy persona të plagosur kanë ndodhur gjatë ditës së sotme në akset rrugore Fier-Vlorë dhe Sarandë-Delvinë.

Policia bën me dije se dy të plagosurit ndodhen jashtë rrezikut për jetën.

Njoftimi:

Në aksin rrugor “Fier-Vlorë”, shtetasi A. M., 33 vjeç, duke drejtuar automjetin tip “Renault”, dyshohet se ka humbur kontrollin dhe automjeti ka goditur trafikndarësen. Si pasojë është dëmtuar shtetasi A. M., i cili ndodhet në spital, jashtë rrezikut për jetën.

Në aksin rrugor “Sarandë-Delvinë”, automjeti me drejtues shtetasin G. I. është përplasur me automjetin me drejtues shtetasin D. S., 35 vjeç. Si pasojë është dëmtuar shtetasi D. S., i cili ndodhet në spital, jashtë rrezikut për jetën.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një shofere ka pësuar lëndime të rënda trupore si pasojë e një vetaksidenti që ka ndodhur sonte rreth orës 21:15 në autostraden ”Arben Xhaferi” saktesisht në segmentin Babush-Lipjan,

Kjo u konfirmua për mediat nga zëdhënësi i policisë Daut Hoxha.

Hoxha njoftoj se përveç njësitit për kontroll në autostrada, në vendin e ngjarjes kanë dalur edhe autoambulanca si dhe zjarrfikësit.

“Hetimet lidhur me shkaktarët e këtij rasti janë po vazhdojnë”, tha ai.

Po ashtu veç 30 minuta më pas ka ndodhur edhe një vetaksident në rajonin e Mitrovicës.

“Nga ekipet e terenit raportohet që shoferi i automjetit poashtu ndodhet në gjendje të rëndë shëndetsore si pasojë e lendimeve të marra”, tha Hoxha.

Ai iu bëri thirrje të gjithë pjesëmarrësve në komunikacion, e në veçanti shoferëve që të kenë kujdes.

“Duke vlerësuar këtë situatë dhe këto raste që shpesh po perfundojnë edhe me humbje të jetëve njerëzore, sipas analizave statistikore që tani më që i kemi potencuar dhe publikuar disa here, vetëm nga janari deri në shtator të këtij viti (2024), (shtatëdhjetë) 70 persona kanë humbur jetën në aksidnte të trafikut rrugor dhe rreth 55% prej tyre janë shoferë”.

“Kërkojmë sërish nga të gjithë shoferët që të jenë më të kujdesshëm gjatë vozitjes të respektojnë shenjat rrugore, kushtet e rrugës dhe dispozitat tjera ligjore që rrjedhin nga ligji mbi trafikun rrugor, në mënyrë që secili të kontribuoj në zvogëlimin e aksidenteve, që shpesh po rezultojnë me pasoja fatale”, theksoi Hoxha.

“Njësitet tona patrulluese, të rendit, të trafikut dhe ato në autostradë, po vazhdojnë aktivitetet e shtuara në teren me qëllim të shtimit të sigurisë në trafik dhe parandalimit të aksidenteve dhe vetem në 24 orët e kaluar nga policia janë shqiptuar 2136 tiketa trafiku për kundervajtje të ndryshme”.

“Megjithatë vendosja dhe mbajtja e një sigurie më të madhe në trafik, kërkon kryesisht vetëdijësim të të gjithë pjesmarrësve në trafik në veqanti vetëdijsim të drejtusve të automjeteve (shoferëve) që siç potencuam më lart rezultojnë të përbëjnë rreth 55% të viktimave në rastet e aksidenteve me fatalitet”, tha ai.

55 aksidente kanë ndodhur në 24 orët e fundit në vendin tonë.

Nga këto 55 aksidente, 19 janë me të lënduar dhe 36 me dëme materiale, përcjell JIL.al

Në 24 orët e fundit janë shqiptuar 2 mijë e 432 gjoba trafiku, janë arrestuar 20 persona dhe 13 janë dërguar në mbajtje.

PAKISTAN- Së paku 35 njerëz kanë humbur jetën dhe dhjetëra të tjerë janë lënduar si pasojë e dy aksidenteve të ndara me autobusë të dielën në Pakistan, thanë zyrtarët. Aksidenti i parë ndodhi kur një autobus, i cili po barte pelegrinë shiitë rrugës për në Iran nga Iraku, ra nga një autostradë në një luginë në veriperëndim të Pakistanit, duke i lënë të vdekur 12 njerëz dhe të lënduar 32 të tjerë, thanë policia dhe zyrtarët.

Shoferi e humbi kontrollin e timonit pasi nuk i punuan frenat kur po kalonte nëpër provincën Baluçistan, tha shefi i policisë Qazi Sabir. Disa orë më vonë, 23 njerëz humbën jetën kur autobusi me të cilin po udhëtonin ra në një luginë në rrethinën Kahuta në lindje të provincës Punjab, thanë policia dhe zyrtarët. Në mesin e viktimave janë dy gra dhe një fëmijë. Së paku shtatë të tjerë u lënduan.

Autobusi ishte duke shkuar në rajonin e Kashmirit të administruar nga Pakistani, kur ra nga një urë në një luginë në Kahuta. Presidenti i Pakistanit, Asif Ali Zaradari, dhe kryeministri Shehbaz Sharifi, në komunikata të ndara shprehën ngushëllime për viktimat dhe dhimbjen e tyre për dy aksidentet. Ata u kërkuan autoriteteve të sigurohen se pelegrinët e lënduar do të marrin tretmanin më të mirë mjekësor.

Mijëra myslimanë shiitë e vizitojnë qytetin e shenjtë të Irakut, Karbala, për ta kujtuar Arabeen – numrin 40 në gjuhën arabe – që shënon vdekjen e nipit të Profetit Muhamed, Hussein, i cili u bë simbol i qëndresës gjatë shekullit të parë të trazuar të historisë së islamit.

Aksidentet me autobus janë të zakonshme në Pakistan, kryesisht për shkak të neglizhencës së shoferëve të cilët shpesh i shkelin rregullat e trafikut./REL