KURBIN, 6 tetor 2025 – Një aksident me pasojë vdekjen e një këmbësori ka ndodhur mbrëmjen e sotme në aksin rrugor Mamurras–Milot. Ngjarja është regjistruar rreth orës 19:50, kur një automjet i drejtuar nga shtetasi Ervis Kalthi, 38 vjeç, ka përplasur këmbësorin Vladimir Leka, 43 vjeç.

Si pasojë e përplasjes, Leka ka ndërruar jetë në vendngjarje. Policia ka shoqëruar drejtuesin e automjetit në Komisariatin e Kurbinit për veprime të mëtejshme procedurale.

Grupi hetimor po vijon punën për sqarimin e plotë të rrethanave të aksidentit, ndërsa paraprakisht dyshohet se viktima ishte duke kaluar rrugën në momentin e ngjarjes.

Kurbin / Informacion paraprak

Më datë 06.10.2025, rreth orës 19:50, në aksin rrugor “Mamurras–Milot”, automjeti që drejtohej nga shtetasi E. K., 38 vjeç, ka përplasur këmbësorin, shtetasin V. L., 43 vjeç.

Si pasojë e përplasjes, shtetasi V. L. ka humbur jetën.

Drejtuesi i automjetit është shoqëruar në Komisariatin e Policisë, për veprime të mëtejshme procedurale.

Grupi hetimor po punon për sqarimin e plotë të rrethanave të ngjarjes.

Një aksident rrugor është regjistruar mbrëmjen e sotme, rreth orës 19:50, në rrugën “Gjergj Kastrioti” në Vlorë.

Në ngjarje janë përfshirë katër automjete: një Mercedes Benz, një Toyota, një Audi dhe një tjetër automjet i parkuar.

Drejtuesi i mjetit Mercedes Benz, Mane Xhelaj, 27 vjeç, ka rezultuar pozitiv në testin e alkoolit.

Ndërkohë, drejtuesi i Toyotës, Gerisian Gjishti, 29 vjeç, ka rezultuar negativ në testin e alkoolit.

Në këtë mjet udhëtonte si pasagjere 21-vjeçarja S.Hasa, e cila pas aksidentit është dërguar në spital dhe është shtruar për mjekim.

Top Channel

Një njoftim paraprak nga policia zbulon detajet e një aksidenti të rëndë që ndodhi pak më parë në aksin rrugor Fier–Vlorë, në zonën e njohur si “Kripa”. 

Sipas raportit zyrtar, një automjet “Dacia”, me drejtues një shtetase italiane (28 vjeçe), është përplasur me një kamionçinë, nën drejtimin e Ferdinant Hasanit (62 vjeç). Nga goditja e rëndë, kamionçina u përplas me barrierat anësore të rrugës. 

Si pasojë fatale drejtuesi i kamionçinës, Ferdinant Hasani, ndërroi jetë në vend.

Pasagjeri që ishte me të, i identifikuar si A.M u plagos rëndë dhe u transportua me urgjencë në Spitalin e Vlorës, ku ndodhet nën kujdesin mjekësor.  

Në vendin e ngjarjes punon grupi hetimor, duke marrë masat dhe hetimet e nevojshme për të sqaruar plotësisht rrethanat e aksidentit. 

Greqi, 28 gusht 2025 – Raporti i departamentit të Krimeve të Zjarrvënies lidhur me aksidentin hekurudhor në Tempi, që ndodhi më 28 shkurt 2023 dhe shkaktoi 57 viktima, zbulon se vagoni i dytë i trenit nuk ka shenja djegieje, duke hedhur poshtë pretendimet se treni ishte i ngarkuar me lëndë të ndezshme.

Hetuesit e Shërbimit Hetimor Hekurudhor Helenik (DIE) vizituan zonën ku ruhen mbetjet e trenave në mars për të verifikuar këto pretendime. Raporti konfirmon se vagoni tregtar, megjithë shtrembërimet nga përplasja, nuk shfaq dëmtime nga zjarri dhe nuk ka shenja djegieje brenda kabinës.

Gjetjet vijnë pas publikimit të rezultateve të Organizatës Kombëtare për Hetimin e Aksidenteve Ajrore dhe Hekurudhore dhe Sigurinë e Transportit (EODASAAM). Aktualisht, Laboratori i Përgjithshëm Shtetëror i Kimisë po përgatit analizat përfundimtare për të mbyllur hetimin, që përfshin edhe ish-Sekretarët e Përgjithshëm të Ministrisë së Transportit dhe Infrastrukturës dhe ish-Ministrin Costas Karamanlis.

Aksidenti në Tempi ndodhi kur një tren pasagjerësh nga Athina për në Selanik u përplas ballë për ballë me një tren mallrash. Ngjarja shkaktoi vdekjen e të paktën 57 personave dhe plagosjen e dhjetëra të tjerëve, shumica të rinj. Hetimet treguan se shkaku ishte gabim njerëzor dhe defekte në sistemin hekurudhor, duke nxitur protesta të shumta dhe dorëheqjen e Ministrit të Transportit. Aksidenti nxori në pah nevojën për modernizimin e sistemit të sinjalizimit dhe menaxhimit të trafikut në hekurudhat greke.

Drejtori i Përgjithshëm i Policisë së Shtetit, Ilir Proda, i ka akorduar Certifikatën për Shërbime të Dalluara inspektorit të Policisë Rrugore, Klajdi Mustaj, për veprimin e tij të shpejtë dhe heroik në ndihmën e tre qytetarëve të plagosur pas një aksidenti në rrugën Levan-Fier.

Në një reagim zyrtar, Proda theksoi se “Veprimi i Inspektor Klajdi Mustaj tregon më së miri misionin e Policisë së Shtetit: të jemi aty ku qytetarët kanë më shumë nevojë për ne. Guximi, profesionalizmi dhe reagimi i shpejtë i punonjësit tonë në shpëtimin e tre bashkëqytetarëve është shembull frymëzues për të gjithë trupën policore. I shpreh mirënjohjen time dhe të gjithë Policisë së Shtetit për këtë akt human e profesional. Faleminderit për guximin dhe zemrën e madhe që tregove në shërbim të qytetarëve”.

Ngjarja ndodhi kur një makinë u përplas me një pishë anës rrugës, u përmbys dhe shpërtheu në flakë. Pa pritur mbërritjen e shërbimeve zjarrfikëse, inspektori Mustaj ndërhyri menjëherë dhe arriti të nxjerrë të plagosurit nga makina në flakë, duke shmangur një tragjedi të madhe.

Klajdi Mustaj është pjesë e Policisë së Shtetit që nga shkurti i vitit 2024, pasi përfundoi Kolegjin Profesional për Patrullë të Përgjithshme. Veprimi i tij është shembull i qartë i përkushtimit dhe gatishmërisë së policisë në mbrojtje të jetës dhe sigurisë së qytetarëve.

Liverpool FC i ka bërë një nder të jashtëzakonshëm familjes së sulmuesit të ndjerë, Diogo Jota, duke vendosur të paguajë pjesën e mbetur të kontratës së tij për dy vitet e ardhshme.

Lajmi është konfirmuar nga mediat portugeze, të cilat raportojnë se klubi anglez ka marrë vendimin për të nderuar marrëveshjen që do të përfundonte në qershor 2027 dhe për të siguruar mbështetje financiare për të afërmit e Jota-s

Sipas të dhënave nga platforma Capology, Jota kishte rreth 21,84 milionë paund bruto në kontratë për periudhën 2025–2027 (rreth 7,28 milionë paund/vit). Diogo Jota humbi jetën në një aksident tragjik me automjet më 3 korrik në Spanjë, së bashku me vëllain e tij Andre Silva.

Ky hap nga Liverpool është një model sjelljeje humane në sport, duke siguruar që familja e Jota-s të ketë mbështetje të qëndrueshme mbi bazën e marrëveshjes së nënshkruar.

Në një kohë kaq të vështirë, ky është një sinjal i fortë solidariteti që tejkalon kufijtë e fushës së futbollit.

FIER- Shoferi i ambulancës që u aksidentua ditën e djeshme në aksin Fier- Lushnje është vënë në pranga ditën e sotme nga policia. Bëhet me dije se në pranga është vënë 64-vjeçari me inicialet J.T.

“Specialistët e Sektorit të Qarkullimit Rrugor arrestuan në flagrancë shtetasin J. T., 64 vjeç, banues në Skrapar, pasi dje, autoambulanca që drejtonte ky shtetas, u përplas me kamionin që drejtonte shtetasi I. S”, njofton policia.

Në aksident u përfshi ambulanca e cila u përplas me një kamion. Nga ky aksident kanë mbetur të plagosur 4 persona. Të lënduarit ndodhen në spital ku janë nën kujdesin e mjekëve. Fatmirësisht ata janë jashtë rrezikut për jetën.

Një grua britanike, e cila ishte ndër katër personat që humbën jetën në aksidentin me teleferik pranë Napolit, është identifikuar nga autoritetet italiane si Margaret Elaine Uinn. Një britanik i dytë që gjithashtu humbi jetën në aksident është identifikuar nga autoritetet, por emri i tij ende nuk është bërë publik.

Kabina e teleferikut malor ra në tokë pasi një nga kabllot që e mbante u këput të enjten, thanë zyrtarët lokalë. Operatori i teleferikut deklaroi se linja kishte kaluar një inspektim sigurie vetëm dy javë më parë dhe se është hapur një hetim penal. Zyra e Jashtme britanike tha se është në kontakt me autoritetet lokale, por nuk ka konfirmuar zyrtarisht identitetin e viktimave.

Dy viktimat e tjera përfshijnë drejtuesin e teleferikut, i identifikuar nga autoritetet si Carmine Parlato, 59 vjeç, dhe një grua izraelite me emrin Janan Suliman. Një person i pestë që ndodhej në kabinë, vëllai i zonjës Suliman, është “në gjendje jashtëzakonisht të rëndë” dhe është transportuar me helikopter në spital, ku ndodhet në gjendje kritike. Autoritetet në Torre Annunziata kanë hapur një hetim mbi shkakun e aksidentit.

Gjashtëmbëdhjetë persona të tjerë u shpëtuan nga një kabinë e dytë, e cila ndodhej pranë fundit të luginës në kohën e incidentit. Ata u nxorën me helikopterë shpëtimi. Kryetari i bashkisë së Castellammare di Stabia – ku ndodhet teleferiku – tha se besohet se është këputur një kabllo tërheqëse. “Frena emergjente në fund të linjës funksionoi, por duket se jo ajo e kabinës që po afrohej në majën e kodrës,” tha ai për mediat italiane të enjten.

Ai shtoi se ishin kryer kontrolle të rregullta sigurie në linjën e teleferikut, e cila shtrihet për tre kilometra nga qyteti deri në majë të malit. Një zëdhënës i Zyrës së Jashtme britanike tha: “Po trajtojmë një incident në Itali dhe jemi në kontakt me autoritetet lokale. Mendimet tona janë me të prekurit.”

Menjëherë pas aksidentit, kryeministrja italiane Giorgia Meloni, e cila ndodhej në një udhëtim në Uashington, shprehu “ngushëllimet e saj të sinqerta” për familjet e viktimave. Teleferiku i Malit Faito është në funksion që nga viti 1952. Një aksident i ngjashëm në këtë linjë në vitin 1960 kishte lënë të vdekur katër persona.

urbin- Një aksident është regjistruar pasditen e sotme në aksin Milot-Laç. Policia bën me dije se aksidenti ka ndodhur rreth orës 16:30. Më tej bëhet me dije se një mjet ka humbur kontrollin dhe ka dalë nga rruga duke përfunduar në kanal.

Nga ky aksident kanë mbetur të plagosur shoferi dhe 4 pasagjerët. Fatmirësisht ata ndodhen jashtë rrezikut për jetën. Policia ka nisur hetimet për zbardhjen e plotë të ngjarjes dhe shkaqet që çuan në aksidentimin e 5 personave.

Njoftimi i policisë:

Kurbin/Informacion paraprak. Rreth orës 16:30, në aksin rrugor Milot – Laç, automjeti që drejtohej nga shtetasi N.A. ka dalë nga rruga. Si pasojë, është lënduar drejtuesi i mjetit dhe pasagjerët D.A., E.A., A.A. dhe L.A., të cilët ndodhen jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave dhe shkaqeve të aksidentit.

Afrim Kolgjini, 50 vjeç dhe Festim Gjeta 35 vjeç humbën jetën pas një aksidenti të rëndë të ndodhur në autostradën  Milot-Morinë.

Policia njoftoi më herët se aksidenti u regjistrua rreth orës 23:35, të datës 1 prill.

Afrim Kolgjini duke drejtuar një mjet tip “Benz” ka humbur kontrollin e makinës dhe ka dalë nga rruga.

Fatkeqësisht Kolgjini, dhe 35-vjeçari Festim Gjeta i cili ishte pasagjer humbën jetën.

Grupi hetimor po punon për zbardhjen e plotë të rrethanave dhe shkakut të daljes nga rruga të automjetit.