Një automjet ka dalë nga rruga në lagjen “10 Korriku” të Beratit, pranë Kishës Shën Thanasi.

Në makinën tip “KIA” udhëtonte një çift turistësh arabë. Shkak për aksidentin dyshohet të ketë qenë lagështia.

Pas ndihmës së menjëhershme, u bë e mundur nxjerrja nga vendi ku kishin rënë turistët, të cilët nuk kanë pësuar lëndime. Edhe mjeti, i cili duket se është marrë me qira, ka pësuar dëme të vogla.

Turistëve u ka ardhur në ndihmë si policia por edhe shërbimi zjarrfikës që ka bërë të mundur nxjerrjen e automjetit nga rrëpira ku kishte rrëshqitur.

Dy persona që merrnin pjesë në garën vjetore të jahteve në Australi nga Sidnei në Hobart kanë vdekur në incidente të veçanta, sipas policisë.

Të dy anëtarët e ekuipazhit vdiqën në incidente të veçanta pasi u goditën nga një bum – shtylla e madhe e ngjitur horizontalisht në fund të një vele, shkruan BBC.

Organizatorët e ngjarjes thanë se incidentet ndodhën në Flying Fish Arctos dhe Bowline.

Kanë humbur jetën në një aksident tragjik prindërit e trajnerit të Kombëtares “U-21″, Alban Bushi.

Ngjarja ka ndodhur në rrugën “Egnatia”, në aksin Veria – Selanik, pranë Kouloura Imathias.

Furgoni me targa P”MX-8942” i drejtuar nga 47-vjecari grek Marios Simitliotis është përplasur me automjetin tip “Mercedes-Benz” me targa shqiptare “AB 454 GF” që drejtohej nga 75-vjecari shqiptar Ali Bushi.

Si pasojë e përplasjes kanë humbur jetën 75-vjecari Ali Bushi dhe pasagjerja 71-vjecare Bukurije Bushi. I plagosur lehtë ka mbetur edhe shtetasi grek, i cili është arrestuar nga policia.

Ali dhe Bukurije Bushi janë prindërit e trajnerit të kombëtares “U-21” dhe ish-futbollistit Alban Bushi.