Pogradec, 17 Shtator 2025 – Një 18-vjeçar ka mbetur i plagosur rëndë pas një aksidenti rrugor të ndodhur mbrëmjen e sotme në aksin Pogradec–Qafë-llocë.

Sipas të dhënave paraprake, i riu dyshohet se ka humbur kontrollin e motorit dhe është rrëzuar në rrugë, duke pësuar dëmtime të rënda trupore.

I plagosuri është transportuar me urgjencë në Spitalin Rajonal të Pogradecit, ku ndodhet në gjendje kritike për jetën. Mjekët po bëjnë përpjekje për stabilizimin e tij, ndërsa nuk përjashtohet mundësia e transferimit drejt një spitali të specializuar.

Grupi hetimor ka nisur punën për zbardhjen e rrethanave të ngjarjes. Dyshohet se shkak i aksidentit ka qenë humbja e kontrollit nga drejtuesi i mjetit.

Segmenti Pogradec–Qafë-llocë njihet për kthesa të forta dhe mungesë ndriçimi në orët e mbrëmjes, çka e bën veçanërisht të rrezikshëm për drejtuesit e mjeteve me dy rrota.

Një aksident fatal ka ndodhur sot në zonën San Giovanni të komunës Motta di Livenza, në Treviso ku një 23-vjeçar, Kevin Anghel, banor i Pordenones dhe me origjinë shqiptare, ndërroi jetë pasi humbi kontrollin e makinës ndërsa përpiqej t’i shmangej një patrulle karabinierësh.

Mediat italiane shkruajnë se i riu, i cili drejtonte një Alfa Romeo Brera, përshpejtoi menjëherë sapo vuri re pikën e kontrollit të karabinierëve. Edhe pse forcat e rendit nuk e ndoqën drejtpërdrejt, duke qenë se e njihnin dhe raportuan automjetin në qendrën operative, aksidenti ndodhi pak minuta më vonë.

Bëhet me dije se makina rrëshqiti me shpejtësi të lartë dhe u përplas me dy pemë anës rrugës, duke u ndarë në dy pjesë nga forca e përplasjes. Copa të automjetit u shpërndanë në një perimetër të gjerë dhe një pjesë goditi edhe një furgon që po kalonte aty pranë.

Në media shkruhet se ekipet e emergjencës mbërritën menjëherë në vendngjarje dhe Kevini ishte ende gjallë, por i bllokuar në rrënoja.

Fatkeqësisht, 23-vjeçari ndërroi jetë gjatë rrugës për në spitalin e Oderzos, për shkak të plagëve të rënda. Mësohet se gjatë ndërhyrjes, karabinierët gjetën disa blloqe kanabisi të shpërndara në asfalt, të cilat besohet se ishin brenda makinës dhe u hodhën jashtë pas përplasjes. 

FIERZ- Një aksident ka ndodhur mesditën e kësaj të diele në aksin rrugor ” Qafë Mali- Fierz “. Konkretisht aksidenti ka ndodhur rreth orës 12:25. Mësohet se një turist kroat ka humbur kontrollin mbi drejtimin e motomjetit dhe si pasojë motomjeti është rrëzuar.

Më pas turisti është dërguar për mjekim në Spitalin e Pukës dhe ndodhet jashtë rrezikut për jetën. Ndërkohë grupi hetimor po punon për zbardhjen e rrethanave të aksidentit.

Njoftimi i policisë:

Pukë/Informacion paraprak

Rreth orës 12:25, në aksin rrugor “Qafë Mali- Fierz”, shtetasi kroat D. J., dyshohet se ka humbur kontrollin mbi drejtimin e motomjetit dhe si pasojë motomjeti është rrëzuar.

Nga aksidenti është dëmtuar shtetasi kroat D. J., i cili është dërguar për mjekim në Spitalin e Pukës, jashtë rrezikut për jetën. Grupi hetimor po punon për zbardhjen e rrethanave të aksidentit.

Një aksident ka ndodhur sot në rrugën “Sazani” në Vlorë, ku një vajzë 19-vjeçare nga Ukraina është përplasur nga një furgon.

Sipas policisë, vajza është dëmtuar lehtë dhe po merr ndihmën e nevojshme në spital. Ngjarja ka ndodhur kur një 47-vjeçar, banues në Vlorë, po drejtonte një furgon dhe përplasi vajzën.

Drejtuesi i mjetit është shoqëruar nga policia për të dhënë shpjegime, ndërsa hetimet për zbardhjen e ngjarjes vijojnë

Një 57-vjeçar shqiptar ka humbur jetën ndësra ishte duke punuar në një kantier ndërtimi për instalimin e disa pompave të ujit në Sant’Agata sul Santerno, përgjatë lumit. Aksidenti i rëndë ka ndodhur pasditen e djeshme në zonën e Ravenës në Itali rreth orës 15:30.

Sipas mediave italiane, shqiptari po hipte në një pirun që u përmbys dhe ra poshtë argjinaturës. 57-vjeçari humbi jetën në vendin e ngjarjes. Policia po heton ende dinamikën.

Shkodër, 5 maj 2025 – Një aksident i rëndë rrugor ka ndodhur paraditen e sotme në aksin Shkodër–Velipojë, në zonën e Bërdicës, ku një këmbësor ka humbur jetën si pasojë e përplasjes nga një automjet.

Ngjarja ka ndodhur rreth orës 10:00, kur shtetasja Z. K., duke drejtuar një automjet, dyshohet se ka humbur kontrollin mbi mjetin dhe për pasojë ka përplasur shtetasin Gj. N., 76 vjeç, i cili ishte duke lëvizur në këmbë. Fatkeqësisht, i moshuari ka ndërruar jetë në vendngjarje.

Policia dhe grupi hetimor kanë mbërritur menjëherë në vendin e ngjarjes dhe po vijojnë punën për zbardhjen e rrethanave të aksidentit. Ndërkohë, me drejtuesen e mjetit po kryhen veprimet procedurale përkatëse.

Shkodër/Informacion paraprak

Rreth orës 10:00, në aksin rrugor “Shkodër-Velipojë”, shtetasja Z. K., duke drejtuar automjetin, dyshohet se ka humbur kontrollin mbi drejtimin e tij dhe për pasojë automjeti ka përplasur shtetasin Gj. N., 76 vjeç, këmbësor.

Shtetasi Gj. N. ka humbur jetën në vendgjarje.

Me drejtuesen e automjetit po kryhen veprimet procedurale.

Një aksident me motorr ka ndodhur mesditën e kësaj të diele në aksin rrugor Sarandë-Ksamil në vendin e quajtur Manastir.

Dy të rinj që ndodhen në Sarandë për turizëm ishin duke udhëtuar me motorr me drejtim nga Saranda drejt Ksamilit. 21 vjeçari Giussepe Dani, shtetas italian që ishte gjithashtu edhe drejtuesi i motomjetit me targë BV183 ka humbur kontrollin e mjetit dhe si pasojë është rrëzuar.

Në motomjet sëbashku me 21 vjeçarin italian ndodhej edhe 21 vjeçarja shqiptare Artena Llani.

Pas rënies janë plagosur që të dy. Menjëherë janë transportuar në spitalin e Sarandës për ndihmë mjekësore. Mësohet se janë jashtë rrezikut për jetën. Sherbimet e Qarkullimit Rrugor pas njoftimit të marrë u ndodhën në vendngjarje për të zbardhur shkakun e aksidentit.

Një çift bashkëshortësh pësoi lëndime pas një aksidenti automobilistik, pasditen e sotme, në zonën e ish-Kënetës në Durrës.

Automjeti me të cilin ata po udhëtonin u përplas me një shtyllë që ndodhet në karrexhatë.

Sipas dëshmitarëve në zonë, bashkëshortët, rreth 57 vjeç, të ardhur nga Greqia po lëviznin me automjet kur u përplasën me shtyllën në rrugë.

Edhe pse rruga është asfaltuar së fundmi, shtylla nuk është zhvendosur, duke u kthyer në një rrezik të vazhdueshëm për drejtuesit e mjeteve.

Policia shkoi në vendngjarje dhe po heton rrethanat e aksidentit, ndërsa çifti ka marrë ndihmën mjekësore ne spital.

Një aksident i rëndë është regjistruar gjatë paradites së sotme në Vushtrri të Kosovës. Mësohet se një autobus gjatë transportit të nxënësve nga fshati Duboc është aksidentuar dhe si pasojë ka humbur jetën shoferi. Viktima është idenftifikuar si Hajzer Sadiku.

Nga ky aksident janë lënduar disa nxënës. Në lidhje me këtë ngjarje ka reaguar kryetari i kësaj komune, Ferit Idrizi, i cili shprehu ngushëllimet më të thella familjes Sadiku, ndërsa nxënësve të lënduar ju uroj shërim sa më të shpejtë

Me pikëllim të thellë mora lajmin për një ngjarje tragjike që ka ndodhur në komunën tonë gjatë paradites së sotme. Në një aksident që ka ndodhur gjatë transportit të nxënësve nga fshati Duboc, komuna jonë ka humbur një burrë të ndershëm e një qytetar të përgjegjshëm, shoferin e kësaj linje, Hajzer Sadiku, ndërsa janë lënduar edhe disa nxënës, të cilët tashmë janë duke marrë trajtim në Emergjencën e Spitalit “Sheikh Zayed” në Vushtrri.

Në emër të Komunës tonë, i shpreh ngushëllimet më të thella familjes Sadiku, ndërsa nxënësve të lënduar ju uroj shërim sa më të shpejtë,” shkruan ai.

Një autobus që transportonte studentë të universitetit dhe një kamion u përplasën në një autostradë në juglindje të Brazilit, në shtetin e Sao Paulo. Për pasojë 12 studentë humbën jetën dhe 21 të tjerë mbeten të plagosur. Këtë e bëjnë të ditur autoritetet lokale.

Shoferi i kamionit, i cili gjithashtu mbeti i plagosur, tentoi të largohej nga vendi i aksidentit, por më pas u ndalua dhe u dërgua në spital. Ai akuzohet për tentativë arratisjeje, vrasje nga pakujdesia dhe lëndim trupor.