Dy persona rezultojnë të zhdukur në Katalonjë , në Spanjën verilindore , pasi shirat e rrëmbyeshëm goditën rajonin të shtunën pasdite, duke shkaktuar përmbytje të menjëhershme në disa zona dhe duke ndërprerë trafikun hekurudhor për orë të tëra.

Sipas agjencisë meteorologjike Aemet, e cila kishte vënë pjesën më të madhe të Katalonjës në alarm të kuq , më shumë se 100 milimetra ujë ranë në disa vende brenda pak orësh.

“Po kërkojmë dy persona në Cuvellès”, një komunitet prej 17,000 banorësh, rreth 50 kilometra nga Barcelona.  Sipas informacioneve fillestare, ata u rrëmbyen nga ujërat e fryra të (lumit) Fos”, i cili derdhet në Mesdhe , shpjegoi burimi, duke vënë në dukje se ekipet e tij po kërkojnë “brigjet”, si dhe “grykëderdhjen” e tij”,  tha departamenti i zjarrfikësve nëpërmjet X.

Njoftimi i departamentit të zjarrfikësve u bë publik ndërsa shirat e rrëmbyeshëm kanë rënë në Spanjën verilindore që nga pasditja e djeshme, veçanërisht në Katalonjë, ku autoritetet shpallën alarm të kuq, duke dërguar mesazhe paralajmëruese në telefonat celularë të banorëve.

Shirat shkaktuan përmbytje të menjëhershme që prekën një spital në Barcelonë, i cili u detyrua të pezullonte pranimet e pacientëve të rinj pasi u ndërpre energjia elektrike.  Në aeroportin e Barcelonës, një aeroplan që sapo ishte nisur për në Shtetet e Bashkuara u detyrua të kthehej prapa pasi hunda e tij u dëmtua nga breshëri.

Stuhia detyroi hekurudhat spanjolle ( RENFE ) të pezullonin trenat me shpejtësi të lartë, rajonalë dhe periferikë për orë të tëra në të gjithë Katalonjën.  Shërbimet e emergjencës trajtuan më shumë se 70 persona, por asnjëri nuk ishte në gjendje të rëndë, thanë ata. Alarmi i kuq, i cili u lëshua rreth orës 17:00, u hoq rreth orës 19:00.

Përveç Katalonjës, zona të tjera të Spanjës veriore dhe lindore u goditën gjithashtu nga shiu, përfshirë Aragonën , ku u vendos një njësi e Njësisë Ushtarake të Reagimit ndaj Emergjencave (UME), dhe Valencian .

Kjo e fundit përjetoi tragjedi në fund të tetorit, kur shirat e rrëmbyeshëm lanë 227 të vdekur. Autoritetet, veçanërisht autoritetet rajonale, u kritikuan ashpër në atë kohë për mungesën e përgatitjes dhe reagimit të tyre.

Ministri i Mbrojtjes i Kosovës, në detyrë, Ejup Maqedonci i është përgjigjur kërcënimeve direkte të lëshuara nga Serbia për luftë dhe pushtim.

Ai thekson se kërcënimet janë reale dhe se Beogradi zyrtar ka vendosur 70 për qind të ushtrisë në kufirin tonë, por garantoi se FSK, bashkë me aleatët amerikanë dhe të NATO-s, do të mbrojnë çdo pëllëmbë tokë të Kosovës.

“Ne i shohim gjithmonë si të mundshme këto kërcënime. Ne e shohim gjithmonë të mundshme që Serbia në një moment mund të ndërmarrë veprime për të destabilizuar rajonin. Kjo është edhe arsyeja pse ne jemi të përkushtuar që të ndërtojmë një forcë ushtarake të aftë për të mbrojtur territorin e Kosovës, për të mbrojtur jetën e qytetarëve tanë dhe për të kontribuar për paqen dhe stabilitetin në botë, duke përqafuar gjithmonë vlerat e NATO-s, vlerat perëndimore dhe duke shtyrë përpara interesat, të cilat i kemi si vendet demokratike.

Ne në vazhdimësi e ngremë si shqetësim prezencën e bazave të përparme operacionale të ushtrisë dhe xhandarmërisë serbe përgjatë vijës kufitare me Republikën e Kosovës. Diku 70% e të gjitha kapaciteteve ushtarake të ushtrisë së Serbisë janë të vendosura në jug të territorit të saj, pra jo larg Republikës së Kosovës.

Dhe kësaj duke i shtuar edhe këto 48 bazat e përparme që ne gjithmonë vlerësojmë se paraqesin kërcënim. Kur fqinji ti vendos në kufi forcat ushtarake në një farë forme apo një tjetër e kërcënon sigurinë dhe stabilitetin e atij vendi. Kjo nuk po bëhet rastësisht.

Dhe kur e kemi gjithë këtë prezencë dhe kemi një mbështetje të grupeve kriminale dhe terroriste siç ishte ai i Radoiçic, që tentoi aneksim të Veriut të vendit tonë, tregon për qasjen agresive që Serbia vijon ta ketë në raport me Republikën e Kosovës”, tha për A2 CNN, Ejup Maqedonci, Ministër i Mbrojtjes në detyrë.