Shpirti dhe trupi ecin bashkë, dhe kur trupi coptohet nga dhimbja shpirti ulet dhe pret me dëshpërim, sepse ai i përket fushave te tjera te lumturise dhe masave, duke e bere të vështirë për të që ta kuptojë dhimbjen. Dashuria e shenjteron shpirtin dhe gjithashtu i përgjërohet atij qe të mos ta lërë, sepse dashuria lëvron një dëshirë në trup saqë shpirti kërkon të largohet, per të shijuar një gjendje më pak kaotike, megjithatë është ende e vërtetë që shpirti gjen tek dashuria mundësine e tij të parë për të medituar mbi vuajtjen e trupit dhe nëpërmjet kësaj ai fiton një vetëdije fizike.

Alda Merini

Jeto I Lumtur

Ato si unë të dhurojnë ëndrra, madje edhe kur rrezikojnë të mbeten pa to.
Ato si unë të japin shpirtin,
sepse një shpirt i vetmuar është si një pikë në shkretëtirë.
Ato si unë të shtrijnë dorën e të ndihmojnë të ringrihesh,
duke marrë para sysh rrezikun që mund të bien vetë,
Ato si unë shohin përpara,
edhe pse zemra u mbetet gjithmonë disa hapa pas.
Ato si unë kërkojnë sensin e jetës dhe,

kur e gjejnë atë,
përpiqen t’jua mësojnë atyre që vetēm mbijetojnë.
Ato si unë, kur duan, duan përgjithmonë,
dhe kur heqin dorë të duan kjo vetëm për shkak se
fragmente të vogla të qënies luajnë pa krahë me duart e jetës.
Ato si unë ndjekin një ëndërr
që t’i duan për atë që janë
dhe jo për atë që do të mund të kishin qenë.
Ato si unë bredhin nëpër botë në kërkim të atyre vlerave që, tani,
kanë rënë në harresën e shpirtit.
Ato si unë do të dëshironin të ndryshonin,
po të ndodhte, do të bënte që të lindnin përsëri.
Ato si unë këlthasin në heshtje,
sepse zëri i tyre nuk ngatërrohet me lotët.
Ato si unë janë ato që ti gjithmonë arrin t’jua thyesh zemrën,
sepse ti e di që ato të lenë të shkosh pa të kërkuar gjë.
Ato si unë dashurojnë marrezisht, duke e ditur se në këmbim
nuk do të marrin veç thërrime.
Ato si unë ushqehen me fare pak, dhe për fat të keq, aty e bazojnë ekzistencën e tyre.
Ato si unë kalojnë pa u vënë re.
por janë të vetmet që me të vërtetë do të të donin.
Ato si unë janë të vetmet që, në vjeshtën e jetës tënde
do të ndjesh keqardhje
për të gjitha ato që mund të kishin dhënë ty dhe …
që ti nuk ke dashur kurrë.

Shqipëroi: Elida Buçpapaj

Jeto I Lumtur

E brishtë, pasuri gruaje, matricë e parajsës,
je një pikël faji
edhe në sytë e Zotit,
përpos luftërave të tua të përgjakshme
për emancipim.
E thyejnë bukurinë tënde
dhe mbetet një skelet dashurie,
ku klith ende hakmarrja
dhe vetëm ti arrin të qash,
e pastaj kthehesh e sheh bijtë e tu
e rikthehesh duke mos ditur ç’të thuash,
duke heshtur, e befasuar
dhe ashtu, shndërrohesh e madhe sa toka.

Jeto I Lumtur

Nuk dashurohet me zemër,
dashurohet me shpirt
i mbarsur me çaste dashurie.
Nuk dashuron nëse s’ndien dhimbje,
s’është më dashuri
nëse s’ke frikë mos e humbasësh.
Por kur vërtet dashuron,
ti jeton
ndoshta keq, a mirë,
por jeton.
E di kur vdes?
Kur pushon së dashuruari;
bëhesh asgjë
kur s’të dashurojnë më.
Nëse të plagos dashuria
shëroji plagët
dhe beso,
je gjallë.
Për atë që do
për atë që të do.

ndër poezitë më të bukura për dashurinë nga Alda Merini.

Jeto I Lumtur

Alda Merini

Jeto I Lumtur

Jeto I Lumtur.al