Policia e Vlorës ka ashpërsuar masat për shoferët që drejtojnë mjetin në gjendje të dehur apo duke përdorur telefonin. Policia e qytetit bregdetar njofton se gjobat arrijnë deri në 400 mijë lekë të vjetra për të gjithë drejtuesit që nuk respektojnë rregullat e qarkullimit rrugor.

Policia ka ndëshkuar me gjoba drejtuesit e automjetve që përdorin telefonin si dhe mosrespektimi i sinjalistikës duke rrezikuar jetën e qytetarëve si dhe drejtuesit që lëvizin nën efektin e alkolit duke u bërë shkak për aksidente, teksa 1 person është arrestuar mbrëmjen e së shtunës në gjendje të dehur në timon

Ndërkohë, në fokus të policisë rrugore kanë qenë mjetet me xhama të zinj që nuk janë pajisur me letër identifikuese si dhe qytetarët që lëvizin me motoçikleta duke mos përdorur kasën mbrojtëse. Policia i bën thirrje drejtuesve të mjeteve të kenë kujdes në timon dhe të mos lëviz në gjendje të dehur duke rrezikuar jetën e kalimtarëve.

Dy persona janë arrestuar nga policia vendore e Korçës pas një incidenti ku ata dyshohet se kanë vënë zjarrin një automjeti të parkuar më 12 gusht. Ngjarja ndodhi në lagjen nr. 8 dhe është veçanërisht e rëndësishme për mënyrën se si është kryer krimi.

Sipas burimeve zyrtare, agresorët, të identifikuar me inicialet S. Ll., 43 vjeç dhe J. K., 38 vjeç, të dy banues në Korçë, kanë spërkatur automjetin tip “Benz” me alkool para se ta vinin flakën me çakmak. Pas zjarrvënies, automjeti ka pësuar dëme materiale, ndërsa dy të dyshuarit ishin në gjendje të dehur kur e kryen veprën.

Policia ka nisur hetimet pas denoncimit të pronarit 56-vjeçar të mjetit, i cili ka konstatuar zjarrin dhe dëmet që ishin shkaktuar. Hetimet e kryera, përfshirë verifikimin e kamerave të sigurisë dhe analizimin e gjurmëve, çuan në identifikimin dhe arrestimin e dy të dyshuarve.

Megjithatë, motivi i këtij akti dhe lloji i alkoolit të përdorur mbeten ende të panjohura. Si rezultat i këtij incidenti, makina është djegur pjesërisht.

Tre të rinj janë vënë nën hetim nga Policia e Elbasanit pasi mbrëmjen e së shtunës kanë kanë goditur me grushte dhe shkelma një të mitur 16-vjeçar. 

Të rinjtë e identifikuar me inicialet K. H., 19 vjeç, E. H., 19 vjeç dhe K. P., 21 vjeç, janë konfliktuar me të miturin në ambientet e jashtme të një lokali në lagjen “Qemal Stafa”, për motive të dobëta.

Po ashtu, është vënë nën hetim edhe një 20-vjeçar, i cili punonte kamariarer në këtë lokal. 20-vjeçari i identifikuar me inicialet H.G. është konfliktuar fizikisht me një 18-vjeçar, jashtë lokalit. 

Për më tepër, edhe pronari i lokalit i identifkuar me inicialet A. Q., 54 vjeç, është proceduar penalisht pasi dyshohet se në ambientet e lokalit të tij, kanë konsumuar alkool shtetasit e mitur.  

“-K. H., 19 vjeç, E. H., 19 vjeç dhe K. P., 21 vjeç, pasi mbrëmjen e djeshme, në ambientet e jashtme të një lokali në lagjen “Qemal Stafa”, për motive të dobëta, kanë goditur me grushte dhe shkelma një 16-vjeçar.  
Gjithashtu, nisi procedimi penal për shtetasin H. G., 20 vjeç (kamarier), pasi është konfliktuar fizikisht me një 18-vjeçar, jashtë lokalit. 

Në vijim të veprimeve hetimore janë referuar materialet në Prokurori ku nisi procedimi në gjendje të lirë edhe për shtetasin A. Q., 54 vjeç, pronari i lokalit, pasi dyshohet se në ambientet e lokalit të tij, kanë konsumuar alkool shtetasit e mitur”,-njofton policia.