Analisti Neritan Sejamini deklaroi se të gjitha koncesionet e dhëna janë bërë me dijeninë e kryeministrit Edi Rama. Në një intervistë për emisionin “Të Paekspozuarit”, ai tha se këto kontrata me vlerë 3-4 miliardë euro si dhe 4 miliardë të tjera që nuk janë dhënë si koncesione nuk do të jepeshin nëse nuk do të jepte miratimin Rama.about:blank

“Nuk ka ndonjë vlerë të diskutojmë, e di nuk e di z.Rama se është e padiskutueshme që e di, dhe sa më shumë të zgjatemi me këtë është humbje e argumentit. Rama e di sepse koncesionet kanë arritur një vlerë 3-4 miliardë euro. Janë dhe 4 miliardë që nuk janë dhënë si koncesion, por janë të njëjtat skema. Këto vendime nuk jepen nëse nuk jep miratimin kryeministri.

Të gjitha koncesionet kanë një veçanti: ofrojnë një shërbim që nuk është i nevojshëm. Koncesioni i çek ap-it, nuk i duhet askujt dhe nuk është bërë në asnjë vend të botës dhe është shpikur për të shpërblyer një klient të kryeministrit.

Edhe për inceneratorët. Ne kemi patur ndihmën e huaj për zgjidhur problemin e plehrave përmes riciklimit, ripërdorimit dhe groposjes dhe incenerimi ka qenë opsioni i fundit dhe që nuk është përqafuar nga kjo qeveri. Pra qeveria zgjidh një problem që nuk është problem. Kështu edhe koncesioni i laboratorëve, që i privatizon, duke shënuar një rast unik në botë. Të gjitha këto nuk bëhen po nuk deshi kryeministri”, tha Sejamini.

Analisti Andi Bushati foli në lidhje me arrestimin e ish-kryebashkiakut Safet Gjici, pas publikimit të videos ku shfaqej duke kryer marrëdhënie seksuale në zyrën e Bashkisë së Kukësit.

I ftuar emisionin “Now” në Euronews Albania, ai theksoi se i kujtohen dy video ku Safet Gjici ndante para me thasë për reporterët sportivë.
Ai shtoi më tej se Gjici është një figurë më e errët se sa akti seksual në zyrë.

–