Gjatë një konference të përbashkët për shtyp me homologun e tij francez Jean – Noel Barrot, ministri i jashtëm kinez Wang Yi tha se dy ministrat e jashtëm zhvilluan bisedime dhe bashkë-kryesuan takimin e 7-të të mekanizmit të dialogut të nivelit të lartë Kinë-Francë mbi shkëmbimet midis njerëzve, duke u angazhuar në shkëmbime të thella, pozitive dhe të sinqerta mbi marrëdhëniet Kinë-Francë dhe Kinë-BE, dhe duke arritur një sërë konsensusesh të rëndësishme.

Të dyja palët bashkuan përpjekjet e tyre në fushën e shkëmbimeve kulturore dhe bënë plane të reja për bashkëpunim, tha ai.

Të dyja palët ranë dakord që duke pasur parasysh situatën aktuale komplekse dhe të trazuar ndërkombëtare, vendet e mëdha duhet të marrin përsipër përgjegjësi më të mëdha.

Si anëtarë të përhershëm të Këshillit të Sigurimit të Kombeve të Bashkuara, Kina dhe Franca duhet t’u përmbahen parimeve themelore të Kombeve të Bashkuara, të mbështesin frymën e pavarësisë dhe të vetëmjaftueshmërisë që mbështeti vendosjen e marrëdhënieve diplomatike midis dy vendeve dhe të kontribuojnë së bashku për paqen, stabilitetin dhe zhvillimin botëror.