Zëdhënësi i Ministrisë kineze të Tregtisë flet mbi “kuadrin e Londrës” Kinë-ShBA

Zëdhënësi i Ministrisë kineze të Tregtisë iu përgjigj në një konferencë shtypi të premten në Pekin pyetjeve mbi “kuadrin e Londrës”, të arritur ndërmjet Kinës dhe ShBA-së.

Një gazetar pyeti se cili është komenti i Ministrisë së Tregtisë të Kinës për deklaratat e bëra kohët e fundit nga zyrtarët dhe mediet amerikane që Kina dhe Shtetet e Bashkuara kanë arritur një mirëkuptim shtesë mbi kuadrin për zbatimin e konsensusit të Gjenevës. Sipas tyre, Kina do të përshpejtojë eksportin e mineraleve të rralla në Shtetet e Bashkuara dhe Shtetet e Bashkuara do të anulojnë masat përkatëse kufizuese kundër Kinës në përputhje me rrethanat.

Në përgjigjen e tij, zëdhënësi tha se, të udhëhequr nga konsensusi i udhëheqësve të të vendeve, ekipet ekonomike e tregtare të Kinës dhe Shteteve të Bashkuara zhvilluan bisedime ekonomike e tregtare në Londër nga 9 deri në 10 qershor dhe arritën një marrëveshje në parim mbi kuadrin për zbatimin e konsensusit të rëndësishëm të arritur nga udhëheqësit e të dy vendeve më 5 qershor dhe konsolidimin e rezultateve të bisedimeve ekonomike dhe tregtare të Gjenevës. Pas bisedimeve të Londrës, ekipet e Kinës dhe Shteteve të Bashkuara mbajtën komunikim të ngushtë. Kohët e fundit, me miratim, të dy palët konfirmuan më tej detajet e kuadrit. Kina do të miratojë kërkesat për eksport të artikujve të kontrolluar që plotësojnë kushtet në përputhje me ligjin. Shtetet e Bashkuara do të anulojnë një sërë masash kufizuese të marra kundër Kinës në përputhje me rrethanat.

“Shpresojmë që Shtetet e Bashkuara dhe Kina do të ecin në të njëjtin drejtim, në përputhje me konsensusin dhe kërkesat e rëndësishme të arritura nga të dy krerët e shtetit gjatë bisedimeve të tyre telefonike më 5 qershor, do të shfrytëzojnë më tej rolin e mekanizmit të konsultimeve ekonomike e tregtare dypalëshe, do të forcojnë vazhdimisht konsensusin, do të zvogëlojnë keqkuptimet, do të shtojnë bashkëpunimin dhe do të promovojnë së bashku zhvillimin e shëndetshëm, të qëndrueshëm e të vazhdueshëm të marrëdhënieve ekonomike dhe tregtare ndërmjet Kinës e Shteteve të Bashkuara,” theksoi zëdhënësi i Ministrisë kineze të Tregtisë.

Qyteti më i madh i Emirateve të Bashkuara Arabe, Dubai, u godit sërish nga një shi dhe kompania ajrore Emirates u detyrua të anulojë dhe vonojë disa fluturime.

Reshjet nuk ishin aq të mëdha sa dy javë më parë, por Dubai mori 20 milimetra shi në 12 orë, më shumë se dyfishi i sasisë së prillit dhe majit së bashku.

Në Abu Dhabi ranë 34 mm shi në 24 orë, më shumë se katër herë më shumë se sasia normale, raporton CNN.

Këtë herë, banorët ishin më të përgatitur: kanalizimet u hapën një ditë para shiut dhe mesazhet e urgjencës u dërguan në celularët e banorëve duke i paralajmëruar ata të qëndronin brenda nëse ishte e mundur.

Shkencëtarët ia atribuojnë sasinë rekord të shiut që ra në Emiratet e Bashkuara Arabe dhe Oman dy javë më parë ndryshimit të klimës. Autoritetet e vendit kanë vendosur që sot dhe nesër mësimi dhe puna të bëhet online në zonat e prekura nga reshjet.

Mijëra fluturime në Francë dhe Evropë u anuluan më 25 prill, për shkak të grevës të kontrollorëve të trafikut ajror në Francë.

Greva ka shkaktuar ndalesën më të madhe në trafikun ajror në dekada.

Kompanitë e fluturimeve kanë përgjysmuar fluturimet në dy aeroportet kryesore në Paris, në Orly dhe Roissy Charles-de-Gaulle. Në Marsej, po ashtu, janë anuluar shumë fluturime.

Më të prekurat janë fluturimet me destinacione të shkurtra, por edhe fluturimet e gjata janë përballur me pengesa.

Ryanair ka raportuar se ka anuluar 300 fluturime më 25 prill, ndërkaq Easyjet dhe Transavia nga 200 secili.

Në total, rreth 2.300 fluturime në aeroportet franceze pritet të realizohen të enjten, për dallim nga 5.200 sa ishin realizuar një ditë më parë, tha autoriteti i aviacionit civil, DGAC.

Në mbarë Evropën, rreth 2.000 fluturime të tjera janë anuluar dhe rreth 1.000 të tjera kanë ndryshuar rrugën për të shmangur hapësirën ajrore franceze.

Numri i fluturimeve të anuluara ishte më i larti “në 20 vjet”, sipas Augustin de Romanet, drejtor i Grupit ADP, që menaxhon aeroportet në kryeqytetin francez.

Ai paralajmëroi se “dhjetëra mijëra dollarë” po rrezikohen nga anulimi i fluturimeve për shkak të grevës.

Shoqata e trafikut ajror, IATA, akuzoi kontrollorët francezë se po “shantazhojnë” dhe po bëjnë kërkesa të parealiuiese.

Greva në e kontrollerëve ajrorë vazhdoi, pavarësisht se një shoqatë e madhe e punëtorëve të trafikut ajror u tërhoq nga greva më 25 prill, për shkak se tha se do të vazhdonte negociatat me autoritetet shtetërore lidhur me kushtet e punës.

Megjithatë, në grevë janë edhe tri shoqata të tjera.