sistemin e drejtësisë në vend. Gjyqtari Astrit Kalaja u vra me armë zjarri nga 30-vjeçari Elvis Shkambi gjatë seancës gjyqësore, duke lënë të shokuar të gjithë të pranishmit në sallë dhe mbarë opinionin publik.

Shenjat e plumbave qëndrojnë ende të shënjuar në sallën nr.3 të gjykatës së Apelit, një ambient vetëm 8 metra katror aty ku ndodhi e gjithë ngjarja. 

Skena e krimit ndodhi në vetëm pak sekonda. Pasi gjyqtari Astrit Kalaja dha vendimin dhe po dilte në korridor, autori Elvis Shkambi nxori armën dhe qëlloi në drejtim të tij. Gjyqtari tentoi të mbrohej, por e kapën 2 plumba në gjoks dhe 1 bark, dhe ndërroi jetë gjatë transportit për në spital. Më tej, Elvis Shkambi i drejton pistoletën dhe qëllon një herë në drejtim të babë e tij. Ragip dhe Ervis Kurtit, banorët që jetojnë në pronën e pretenduar nga xhaxhai i tij. Me një plumb, i plagosi të dy, pa rrezik për jetën.

Pas krimit i qetë dhe gjakftohtë, autori largohet dhe del në oborrin e Gjykatës së Apelit, i dorëzon armën një nga punonjësve të sigurisë së gjykatës dhe me duar në xhepa pret policinë. Kur mbërrin policia, i riu afrohet, pranon krimin dhe dorëzohet.

Në dëshminë e parë deklaroi se e kishte kryer krimin për shkak se i ishte bërë padrejtësi. Pa ripyetjes nga grupi hetimor, 30-vjeçari deklaroi se armën e krimit e mbante gjithmonë me vete dhe pasi dëgjoi vendimin e gjyqtarit, i mllefosur ndërmori aktin ekstrem.

Ndërkohë xhaxhai i tij Gjon Shkëmbi deri në këto momente nuk ka dhënë asnjë deklarim për grupin hetimor. Ai u arrestua për akuzën e vrasjes në bashkëpunim.

Në pranga ra edhe roja i sigurisë së Gjykatës 63-vjeçari Banush Koxhaj për veprën penale të “shpërdorimit të detyrës”. Policia pasi ka këqyrur kamerat e sigurisë ka zbuluar se detektori ka dhënë sinjal, por roja i sigurisë nuk ka marrë asnjë masë dhe ka neglizhuar. Në dëshminë e tij roja i sigurisë ka pranuar faktin që nuk i ka bërë kontroll fizik personave që janë futur në seancën gjyqësore të drejtuar nga gjyqtari Astrit Kalaja.

Këtë ngjarje të rëndë e solli konflikti që zanafillën e ka në Shkodër për një godinë në lagjen “Skënderbeg”, ku disa familje janë strehuar që nga viti 1992. Në vitin 2012, Gjon Shkambi, që pretendon të jetë trashëgimtar i truallit, mori certifikatë pronësie duke ushtruar të drejtën e parablerjes nga Ministria e Financave dhe Bashkia e Shkodrës. Familjet pretendojnë se ai falsifikoi dokumentesh, ndërsa Shkambi i konsideroi zaptues. Pas një kalvari gjyqesh, ai më fatali ishte i ditës së djeshme që përfundoi me vrasjen e gjyqtarit të Apelit.

Këtë të martë në Apel janë pezulluar seancat gjyqësore të ditës së sotme dhe flamuri është ulur në gjysmë shtizë. Nesër do të mbahen nderimet shtetërore në Pallatin e Kongreseve. Kalaja do të përcillet për në banesën e fundit në Shkodër nesër në orën 16:00. (A2 Televizion)

TIRANË- Apeli i GJKKO ka lënë në fuqi vendimin për sekuestrimin e një apartamenti në zonën e Kodrës së Diellit, që dyshohet se i përket kryebashkiakut të Tiranës, Erion Veliaj dhe bashkëshortes së tij, Ajola Xoxës.

Apeli i GJKKO rrëzoi ankimimin e bërë nga kompania “AgiKons” sh.p.k., e cila kishte kundërshtuar vendimin e marrë në muaj majin ku ishte vendosur masa e sekuestros pasurore mbi pasurinë e paluajtshme në fjalë. Gjykata vendosi të miratojë në tërësi vendimin e mëparshëm, duke e konsideruar të ligjshëm sekuestrimin e apartamentit.

Gjithashtu sot në GJKKO, Prokuroria e Posaçme do të prezantojë raportin 2-mujor të hetimeve ndaj kryebashkiakut Veliaj. Prezantimi i raportit do të mbahej ditën e premte më datë 13 qershor, por u shty për shkak se në seancë mungonte biznesmeni Elman Abule, i cili është nën masën “arrest në shtëpi”.

Në seancën e sotme, Veliaj nuk është paraqitur në GJKKO, por është përfaqësuar vetëm nga avokati i tij mbrojtjes. Ndërkohë që në seancën e sotme, biznesmeni Abule ka marrë pjesë.

Tiranë- Apeli i GJKKO-së ka lënë pas hekurave Samuel Troshanin dhe Izmir Sakicën, të cilët kërkuan lirinë nga qelia. Ata ishin shpallur në kërkim dhe u vetëdorëzuan në policinë e Shkodrës më 25 Janar 2025.

Prokuroria e Posaçme i akuzon si të përfshirë në përplasjen me armë zjarri në Bushat. Sipas SPAK, Samuel Troshani, Izmir Sakica, dhe Franko Leka në bashkëpunim me persona të tjerë të paidentifikuar janë nisur të organizuar me mjete të blinduara në drejtim të fshatit Rranxë, në Bushat.

Ata kanë qenë të armatosur dhe ka dyshime të arsyeshme të bazuara në prova, se kanë shkuar në këtë zonë me qëllim vrasjen e Prendit dhe familjarëve të tij, banorë të kësaj zonë. Në kohën që ata kanë qenë duke kaluar në këtë zonë, janë qëlluar me armë zjarri nga Prendi dhe se nga provat e siguruara në vendin e ngjarjes rezulton të ketë pasur shkëmbim zjarri, jo dëmtime të shëndetit të personave të përfshirë, por vetëm të mjeteve.

Në lidhje me kontrollet, SPAK thotë se janë ushtruar në disa banesa dhe ambiente në qytetin e Shkodrës, të cilat dyshohen se përdoren si baza për strehimin e personave nën hetim ose si vende, ku mund të gjenden prova për vepra penale, të cilat po hetohen nga Prokuroria e Posaçme.

Tiranë- Gjykata e Apelit të Posaçëm ka shtyrë për ditën e nesërme shpalljen e vendimit mbi kërkesën e anëtarit të Këshillit Kombëtar të PD-së, Jamarbër Malltezit për revokim të masës së sigurisë. Bëhet me dije se gjyqtari Engert Pëllumbi shtyu për të premten në orën 10:30 seancën, ku do shpallë vendimin për pranimin ose jo të kërkesës së bërë nga Malltezi.

Gjykata e Posaçme e Apelit ka rrëzuar dje kërkesat e anëtarëve të grupit kriminal të vëllezërve Çopja duke lënë në fuqi masat e sigurisë që u miratuan nga Shkalla e Parë. Të arrestuarit e operacionit “Plumbi i artë 2”, që zbuloi dhe aktivitetin e o0rganizatës kriminale të drejtuar nga Franc e Hajdar Çopja nga Elbasani kundërshtuan masat e sigurisë, mes të cilëve bënin pjesë edhe ish gjyqtarja e Gjykatës së Elbasanit Pajtime Fetahu që ndodhet në arrest shtëpie. Ish-gjyqtarja akuzohet për ‘Korrupsion pasiv të gjyqtarëve, prokurorëve dhe funksionarëve të tjerë të organeve të drejtësisë. Më 29 korrik 2024, GJKKO firmosi 33 masa sigurie, nga të cilat 13 u ekzekutuan ndërsa, 2 rezultojnë të arrestuar më parë jashtë Shqipërisë.

Ndërkohë që lidhur me këtë operacion nisi edhe një hetim nga SPAK mbi dyshimet se u dekonspirua, gjë e cila çoi në sekuestrimin apo vëzhgimin e telefonave të një sërë zyrtarëve të lartë të policisë, punonjësve që morën pjesë në ekzekutimin e masave si dhe të agjentëve të BKH-së. SPAK thotë se organizata kriminale, kishte arritur të rekrutonte edhe dy punonjës të policisë së shtetit dhe një punonjëse në gjykatën e Elbasanit që u jepte informacione sekrete. Shtrirja e tyre sa i takon trafikut të drogës ishte në Europë dhe më gjerë se kaq pasi kishin arritur të fuqizoheshin ekonomikisht. Të paktën 4 atentate me 6 të vrarë, 3 vrasje të mbetura në tentativë, 14 të porositura, dhe grabitja e 4.6 milion eurove në Rinas në prillin e vitit 2019 janë vetëm disa prej krimeve të zbardhura.

Gjykata e Apelit ka lënë në fuqi vendimin e Shkallës së Parë për të dënuar me një vit burg, deputetin e PD, Ervin Salianji.

Në seancën e sotme, në mbështetje të Salinjit, ishin një grup i konsiderueshëm deputetësh demokratë.

Apeli i Gjykatës së Posaçme ka lënë në fuqi masat e sigurisë për ish-ministrin Ilir Beqaj, dhe 6 tjerë të akuzuar për çështjen e SASPAC.

Beqaj dhe të akuzuarit e tjerë kanë kërkuar zëvendësim të masave të sigurisë, por togat e zeza nuk ia kanë marrë parasysh kërkesat. Beqaj ka ofruar garanci pasurore 5 mln lekë për masë më të butë. Ndërsa bashkëpunëtori i tij Ermal Kurtulaj në seancën e para dy ditëve kërkoi masë më të butë sepse sipas tij ka dy fëmijë të mitur dhe nënën sëmurë.

Masat aktuale për 7 të akuzuarit janë:

Arrest në burg

1- Ilir Beqaj – Drejtori i SASPAC

2- Ermal Kurtulaj – Koordinator i projektit EUSAIR

Arrest në shtëpi:

3- Gazmend Haxhia – Pronari i ‘Landëays International’ –

4- Elton Marini – Menaxher futbollistesh -ortak i shoqërisë private

5- Alfred Nikollaj – drejtori Administrativ i ‘Landways International’

Detyrim paraqitje:

6- Bledar Leka

7- Bjona Zijaj – konsulente financiare

NJOFTIMI I APELIT TE GJKKO Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 07.08.2024, shpalli vendimin mbi çështjen penale nr. 30 akti, datë 29.07.2024 regjistrimi, mbi ankimin e Prokurorisë së Posaçme kundër Korrupsionit dhe Krimit të Organizuar, dhe ankimet e personave nën hetim I.B., E.K., A.N., G.H., E.M., B.L., M.J., B.Z., me objekt: “Ankim ndaj vendimit nr. 65, datë 03.07.2024, verifikuar me vendimin nr. 73, datë 06.07.2024 të Gjykatës së Posaçme të Shkallës së Parë për Korrupsionin dhe Krimin e Organizuar”, disponuar në lëndë të masave të sigurimit personal, dhe vendosi:

1. Miratimin e vendimit nr. 65, datë 03.07.2024, të Gjykatës së Posaçme të Shkallës së Parë për Korrupsioni dhe Krimin e Organizuar, i verifikuar me vendimin nr. 73, datë 06.07.2024, të kësaj gjykate, për personat nën hetim I.B., E.K., A.N., E.M., B.L. dhe B.Z. 2.Miratimin e vendimit nr. 65, datë 03.07.2024, të Gjykatës së Posaçme të Shkallës së Parë për Korrupsioni dhe Krimin e Organizuar, i verifikuar me vendimin nr. 77, datë 11.07.2024, të kësaj gjykate, për personin në hetim G.H. 3.Ndryshimin e vendimit nr. 65, datë 03.07.2024, të Gjykatës së Posaçme të Shkallës së Parë për Korrupsioni dhe Krimin e Organizuar, për personin nën hetim M.J., në këtë mënyrë: -Caktimin ndaj personit nën hetim M.J., të masës së sigurimit personal me karakter shtrëngues “Detyrimi për tu paraqitur në policinë gjyqësore”, e parashikuar nga neni 234 i Kodit të Procedurës Penale; -Urdhërohet personi nën hetim M.J. të paraqitet përpara oficerit të policisë gjyqësore Samet Gurguri, pranë Byrosë Kombëtare të Hetimit, të hënën e parë dhe të tretë të çdo muaji, ora 12:00; -Ngarkohet Prokuroria e Posaçme kundër Korrupsionit dhe Krimit të Organizuar për ekzekutimin e këtij vendimi. 4.Kundër këtij vendimi mund të bëhet rekurs në Gjykatën e Lartë, brenda 45 (dyzet e pesë) ditëve nga e nesërmja e njoftimit të tij.

Gjykata e Apelit ndryshon vendimin e dënimit të Arbër Paplekajt.

Gjykata vendosi: “Ndryshimi vendimi te Elbasanit dhe dënimin e Arbër Paplekajt për vrasje në kushtet e vetëmbrojtjes dhe dënimin e tij me 7 vjet

Trupa e gjykuese përbëhej nga Fadri Islamaj, Enida Petri dhe Marsela Pepi

Pafajsi per efektivët.

Jamarbër Malltezi, dhëndri i kreut të Partisë Demokratike, Sali Berisha, ka ankimuar në Apel vendimin e prokurorëve të Prokurorisë së Posaçme, dhënë më datë 15 prill 2024.

Kështu, Malltezi ka kundërshtuar një vendim të prokurorëve që kanë refuzuar kërkesat e tij.

Deputeti demokrat, Oerd Bylykbashi e ka cilësuar të drejtë dhe legjitim vendimin e Gjykatës së Apelit për ti dhënë vulën dhe logon e Partisë Demokratike Sali Berishës.

Me anë të një postimi në Facebook, Bylykbashi thekson se përfundimisht Partia Demokratike është e demokratëve. Sipas tij vota e demokratëve triumfoi mbi vulën e kryetarit.

Partia Demokratike sot përfundimisht është e demokratëve!

Demokratët e vendosën kush është PD me kurajo më 9 shtator kur kaluan me guxim “Rubikonin” e politikës.

E vendosën përgjatë 4 muajve epikë të Foltores që ngritën peshë zemrën e të gjithëve.

E vendosën më 11 dhjetor 2021 në Kuvendin e jashtëzakonshëm të demokratëve ku vota e anëtarëve fitoi mbi vulën e kryetarit.

E vendosën me referendum dhe me votime demokratike brenda partisë ku përcaktuan se vetëm vota e anëtarëve bashkon demokratët anekënd.

E vendosën votuesit se kush ishte PD në zgjedhje më 6 mars 2022 dhe 14 maj 2023.

Sot gjykata përfundimisht legjitimoi që në demokraci vendos vota dhe jo vula.