Gazetari dhe ish-banori i “Big Brother VIP Albania”, Bledi Mane, ka shprehur publikisht dëshirën për të qenë pjesë e sezonit të pestë të spektaklit, këtë herë jo si konkurrent, por si opinionist.

Në një deklaratë të dhënë për “Live From Tirana”, Mane u shpreh se do të donte ta shihte veten në krah të opinionistes Neda Balluku, ndërsa theksoi se Arbër Hajdari duhet të lërë vendin për sfida të tjera.

“Besoj se do të më pëlqente në rolin e opinionistit. Ndoshta me Nedën do bëja një dyshe të lezetshme, sepse Arbri besoj e ka mbyllur ciklin e vet. Gjëra më të mëdha po e presin,” – u shpreh ai. Mane shtoi se Hajdari duhet të përqendrohet në një fazë tjetër të angazhimit publik, duke dhënë kontributin e tij në integrimin e Shqipërisë në BE dhe në politikë.

Arbër Hajdari, ka reaguar ashpër pas situatës së paprecedentë të ndodhur gjatë mbrëmjes së shkuar në spektaklin e “Big Brother VIP 4”, ku konkurrenti Jozefin Marku goditi Gjestin.

Arbri u shpreh se ‘Jozefin Marku dëshmoi se është një djalë i poshtër’, ndërsa përgëzoi policinë për shoqërimin e menjëhershëm të tij pas aktit të dhunës.

“Ajo që dua të them është se ajo që ndodhi sot ishte ngjarje e paprecedent në Big Brother. Jozefin Marku sot dëshmoi se është një djalë i poshtër.

Mua Loredana më vjen keq për ty edhe pse ju kam ndarë  në raportin që keni pasur dhe përgëzoj shoqërimin e menjëhershëm nga Policia e Shtetit”, u shpreh Arbër Hajdari.

Ndërkohë  në një postim në profilin e tij në “Instagram”, opinionisti shkruan:

“Sot pamë një akt të turpshëm nga dikush që zgjodhi dhunën në vend të dinjitetit. Një shuplakë nuk tregon forcë por dobësi. Kjo burracakëri do ta ndjekë gjatë – si njollë që nuk fshihet, si turp që nuk harrohet”.

Spektakli i së martës në Big Brother VIP Albania 4 solli një ndryshim në rregullat e nominimit, duke sjellë një dinamikë të re në lojë. Për herë të parë në historinë e këtij formati në Shqipëri, banorët nuk ishin ata që vendosën për nominimet, por opinionistët e spektaklit.

Opinionistët Arbër Hajdari dhe Neda Balluku u ngarkuan me detyrën për të zgjedhur nga një banor për nominim. Secili prej tyre zgjodhi një konkurrent nga grupet e krijuara brenda shtëpisë. Arbëri vendosi të nominojë Loredanën, duke argumentuar se ajo tregon më shumë dinamikë dhe angazhim kur ndodhet në rrezik. Nga ana tjetër, Neda vendosi të dërgojë në nominim Livian, duke e konsideruar si një nga konkurrentet më të rrezikuara në lojë.

Me këtë vendim të opinionistëve, televotimi tashmë do të vendosë se cila nga vajzat do të largohet nga shtëpia.

Ledion Liçon apo Arbana Osmanin? Kjo ishte pyetja që iu bë mbrëmjen e sotme në emisionin “Cherry on Top”, opinionistit Arbër Hajdarit.

Mirëpo ai nuk hezitoi të përgjigjej. Arbri tha se me Arbanën ia ka kaluar shumë mirë, por me Ledionin është diçka më e madhe që i lidh, Kolonja.

“Kam kaluar goxha mirë dhe me Arbanën, por me Ledionin kemi dhe një kanal që na çon në origjinë në të njëjtin vend, mamaja ime është nga Kolonja dhe Ledioni.

Mendoj se me Ledjonin kam gjetur disa të përbashkëta, komunikimin arritëm ta kemi me sy”

Në muajin janar, Arbër Hajdari, ndau me ndjekësit e tij lajmin ëmbël se u bërë baba për herë të parë, duke publikuar një foto të vogëlushes.

Por ndërkohë që konfirmoi lajmin, opinionisti i BBV nuk ka preferuar që emrin e vajzës tij ta bëjë publik.

I ftuar sot në një emision televiziv, Arbri ka folur për herë të parë për vajzën e tij, duke zbuluar ekskluzivisht emrin e saj.

“Kam kaluar shumë pak momente me të. Në mos gaboj kanë qenë vetëm dy të diela. Jam munduar të menaxhoj kohën por sërish nuk ka kohë mjaftueshëm. Por e rëndësishme është që ajo bebi nuk mban mend”, shprehet Arbëri.

“Po si e ka emrin bebi njëherë, pse më thua vetëm bebi”, pyet Bora.

“Nuk kemi dashur t’ia themi emrin por mund t’ia them sot. Ne e kemi quajtur bebin Raina”, zbulon opninionisti për herë të parë.

Spektakli i së martës (23 janar) ishte me përplot ngjarje e surpriza në Big Brother VIP Albania 3.

Një pjesë e madhe e banorëve qenë protagonistë, e disa të tjerë nuk u dëgjuan fare.

Për këtë, gjatë Prime-t u bë edhe një ironi nga opinionisti i këtij reality shou, Arbër Hajdari.

Teksa ishte në lidhje me konkurrentët, ai ngacmoi artistin Bardhyl Idrizi – Bardhi.

“Bardhi në shtëpi është?”, ka thënë Hajdari duke shtuar se nuk u dëgjua në asnjë debat.

Reperi më pas theksoi se nuk i ka rënë askush në qafë dhe se ka qenë më i distancuar nga debatet.

Nga shtëpia së fundmi u largua Alfio Rrotani dhe hynë dy të rinj: Graciano Tagani dhe Erjola Doçi.

Opinionsti Arbër Hajdari, në një intervistë për Ronaldo Sharkën në “E diell”, pak para fillimit të “Big Brother Vip 3”, tregoi për ndjesinë e të qenurit prind dhe eksperiencën e tij për herë të tretë si opinionist në këtë “reality show”.about:blank

“Kam 48 orë që jam bërë baba. Më kanë filluar ato të dridhurat e para, shpresojë të reflektojë sa më mirë te unë. Ia uroj të gjithë atyre njerëzve që janë akoma beqarë. Ishte një ndjenjë e papërshkrueshme. E kisha me të dëgjuar por e përjetova shumë mirë”, shprehet ai.

Më parë, Hajdari ishte shprehur se nuk do të merrte pjesë më në “Big Brother Vip” si opinionist, ndërsa sot tregon pse ndryshoi mendje.

“Kam rimarrë ftesën dhe e kam pranuar sepse mendoj që Big Brother, që ka një audiencë të madhe të shërbejë për të promovuar apo kritikuar dhe uroj që Banorët të ngrihen në lartësinë e duhur dhe të tregojnë kush janë dhe vlera qytetare dhe intelektuale”, tha ai.

Këtë edicion, në krah të tij si opinioniste, do të jetë Ori Nebiaj, për të cilën u shpreh se mendon që do të kenë një marrëdhënie të mirë.

“Orin e njoh edhe më parë, mendoj që do shkojë mirë, jam njeri që lidhem shpejt me njerëzit dhe gëzoj respekt si për dy opinionistet ashtu edhe për Orin”, u shpreh Arbëri, ndërsa tregoi se nga dy ish-opnioneistet Balina Bodinaku dhe Zhaklin Lekatari, kjo e fundit e ka uruar për sezonin e ri.

Arbër Hajdari, opinionisti i “Big Brother VIP3”, deklaroi se ka pranuar ftesën për këtë pozicion, që e mban për tre edicione.

Sepse dëshiron që mendimet e tij të shërbejnë për të promovuar mbështetësit.

“E pranova ftesën e Big Brother, sepse besoj dhe shpresoj se përmes audiencës së madhe që ky format ka, me opinionet e mija, të shërbejë për të promovuar, mbështetur, apo kritikuar modelet e shoqërisë sonë.

Uroj që banorët VIP të Big 3 të tregojnë veten e tyre, duke shfaqur vlera të larta, qytetare, intelektuale e njerëzore, të cilat duhet të shërbejnë si modele suksesi për shoqërinë tonë”, tha ai.

Ish-opinionisti Arbër Hajdari ka rrëfyer në lidhje me jetën e tij dhe një histori të trishtë që ka përjetuar gjatë fëmijërisë së tij.

Arbëri tek ‘S’e luan topi’ tregoi rreth një sëmundje e cila për pak sa nuk i mori jetën dhe mjekët nuk kishin më asnjë gjë në dorë për të bërë.

Kjo periudhë për të ka qenë e vështirë pasi i duhej të kalonte vite të fëmijërisë në spital si pasojë e sëmundjes dhe se prindërit e tij duhet të kujdeseshin për të gjatë gjithë kohës.

Arbër Hajdari: Fëmijërinë time e mbaj mend të ndarë në dy pjesë. Një pjesë ajo e fillimit kur kalove disa vështirësi me shëndetin dhe gjithmonë si ai djali i vogël i shtëpisë që më shikonin me sy ndryshe duke treguar më tepër kujdes për shkak dhe të asaj që kisha kaluar.

Arbër Hajdari i ftuar në emisionin “S’e luan topi”, ka folur gjatë për jetën e tij private, që nga fëmijëria deri më tani.

Ai shpreh se nënën e ka pikë të dobët dhe është e vetmja grua në jetën e tij që i ka dhënë të drejtën ta ndjekë me GPS gjatë gjithë kohës. Arbëri shprehet se ia ka dhënë këtë mundësi të ëmës sepse është gjithë kohës e shqetësuar dhe e merakosur për fëmijët e saj.

“Të dy prindërit më mirëkuptojnë shumë. Mamit i kam dhënë mundësinë që gjatë gjithë kohës të më ndjekë me GPS kudo që jam sepse di që atë nuk e le meraku. I vetmi njeri që më kontrollon mua nëpërmjet GPS është mami. Por që i falenderoj me gjithë zemër edhe mamin edhe babin që më kanë dhënë krah në punën që bëj dhe më kanë mirëkuptuar për të gjitha ato mungesa që kam bërë.

Këto janë dy momentet e jetës sime, një moment kur isha fëmijë që nuk e patëm mamin afër dhe një moment, tani që u rrita dhe jam prapë i obliguar për shkak të angazhimeve për të qenë larg saj dhe gjithmonë vras mendjen, ajo është e sëmurë, i ri mendja tek ne dhe nuk po gjej atë pjesë të kohës që duhet t’ja dedikoj asaj dhe që kam shumë boshllëqe që janë krijuar nga fëmijëria”, u shpreh Arbër Hajdari