TIRANA- Një aksident është regjistruar sot rreth orës 15:30, në Rrugën e Arbërit nga ku mësohet se një 32-vjeçar ka humbur kontrollin mbi automjetin që drejtonte dhe si pasojë mjeti ka dalë nga rruga. Sipas njoftimit të policisë, nga përplasja është dëmtuar drejtuesi i automjetit dhe pasagjeri të cilët ndodhen në spital, nën kujdesin e mjekëve, jashtë rrezikut për jetën. Ndërkohë, grupi hetimor ndodhet në vendngjarje dhe po punon për sqarimin e rrethanave të rastit.

Njoftimi:

Tiranë/Informacion paraprak

Rreth orës 15:30, në Rrugën e Arbërit, shtetasi E. M., rreth 32 vjeç, dyshohet se ka humbur kontrollin mbi automjetin që drejtonte dhe si pasojë automjeti ka dalë nga rruga.

Nga përplasja është dëmtuar drejtuesi i automjetit dhe pasagjeri në automjet shtetasi A. V., 26 vjeç, të cilët ndodhen në spital, nën kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të rastit.

Një incident i rëndë është shënuar pak minuta më parë në Rrugën e Arbrit, në vendin e njohur si Gjoricë, ku një automjet është përfshirë nga flakët dhe është shkrumbuar plotësisht.

Fatmirësisht, katër personat që ndodheshin në makinë kanë arritur të dalin në kohë dhe kanë shpëtuar pa lëndime, duke shmangur një tragjedi të mundshme.

Menjëherë pas njoftimit, në vendngjarje kanë mbërritur forcat e policisë dhe grupi hetimor, të cilët po punojnë për të zbardhur shkaqet e zjarrit. Ende nuk dihet nëse zjarri ka ardhur si pasojë e një defekti teknik apo ndonjë faktori tjetër.

Një incident ka ndodhur mbrëmjen e së dielës, në Rrugën e Arbrit, ku një automjet ka rrëshkitur nga bora e është përplasur me murin rrethues të një banese.

Ngjarja ka ndodhur në afërsi të fshatit Fshat në Klos.

Rruga e Arbrit mbetet nje nga akset me te veshtira per qarkullim ne rastet e motit te keq me reshje shiu, bore dhe ngrica.

Një aksident është regjistruar pak minuta më parë në rrugën e Arbrit.

Një automjet tip furgon është përmbysur në rrugë teksa lëvizte në drejtim të Qarkut Dibër. Furgoni në të cilin ndodheshin dy persona fatmirësisht nuk ka dalë jashtë rruge, ku mund të ishte fatale për personat që ndodheshin në të.

Kanë qenë kalimtarët e rastit ata që ju kanë dhënë ndihmën e parë duke i nxjerrë nga automjeti të dy personat, të cilët kanë pësuar lëndime të lehta.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Reshjet e shumta të dëborës kanë bllokuar makinat në Rrugën e Arbrit.

Shoferët që janë bllokuar në “Qafë Murriz”, një prej akseve më problematikem shprehen se kanë tre orë që qëndrojnë në vend. Një nga shoferët tha se rruga jo vetëm që nuk është hapur, por nuk kanë hedhur as kripë.

Një tjetër shofer deklaroi se në makinë ka pasagjerë dhe se kanë mbetur në mes të rrugës, duke pasur me vete pasagjerë burra, gra e fëmijë. Ndërsa, një shofer tjetër shprehet se ndodhen të bllokuar që nga ora 13:00.

Dhjetra makina janë bllokuar në radhë të gjata në këtë aks, teksa probleme nga dëbora ka pasur edhe në Pogradec, Korçë, Shkodër, Kukës e Tropojë, ku rrugët kanë qenë të kalueshme por me vështirësi.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Reshjet e shumta të dëborës kanë shkaktuar probleme në qarkullimin e automjeteve në rrugën e Arbrit. Qindra automjete kanë mbetur të bllokuara në bypassin e Murrizit si pasojë e pranisë së madhe të dëborës.

Edhe pse që me nisjen e reshjeve në rrugë pati borëpastruese, këto të fundit nuk kanë arritur ta mbajnë të qarkullueshëm aksin. Për pasojë qindra automjete e qindra qytetar kanë mbetur të bllokuar për orë të tëra.

Ndërkohë, mësohet se mes të bllokuarve ka qenë edhe një kortesh mortor i cili ishte nisur nga Tirana në drejtim të Klosit.

Policia rrugore u detyruar të bllokojë qarkullimin e automjeteve tek rreth-rrotullimi në fshatin Fshat duke detyruar automjetet të përdorin aksin e vjetër nga Klosi – Burrel – Milot.

Situata në bypassin e Murrizit mbetet problematike pasi shumë automjete kanë dalë nga rruga, duke krijuar radhë të gjata në trafik. Mes të bllokuarve ka edhe fëmijë të cilët qëndrojnë në automjete prej disa orësh.

Policia Rrugore do të vijojë të mbajë të mbyllur qarkullimin në këtë aks rrugor deri në hapjen e plotë të tij.

RRUGA E ARBRIT- Reshjet e vazhdueshme të shiut kanë shkaktuar probleme edhe në qarkullimin e automjeteve nga Tirana në drejtim të Qarkut Dibër e anasjelltas nëpërmjet rrugës së Arbrit. Gjithashtu si pasojë e reshjeve të vazhdueshme ka patur rënie gurësh e zhavorri në rrugë.

Po ashtu në afërsi të tunelit të Murrizit në anën e Xibrit ka patur shembje dherash të shumta duke bllokuar qarkullimin total të automjeteve. Siç shihet edhe në pamje disa automjete kanë mbetur bllokuar në të dyja anët për shkak të masivit të madh të dheut të rënë në rrugë.

Rikthehet problematika e bllokimit të “Rrugës së Arbrit”.

Prej më shumë se dy orësh ky aks raportohet se ka pengim të qarkullimit dhe radhë të gjata automjetesh.

Gazetari Mahir Jangulli raporton nga situata se ngjarja ka ndodhur te vendi i quajtur “Shkalla e Tujanit”.

Arsyeja e bllokimit janë punimet në skrapatat anësore të rrugës, për të shmangur erozionin apo rrëshqitjet e dherave dhe shkaktuar ndonjë aksident.

Teksa çdo dy orë ka bllokim rruge dhe kjo situatë është bërë problematike dhe shqetësuese, për arsye se në atë aks kombëtar ka dhe urgjenca mjekësore që kalojnë dhe kërkojnë korsi të lirë

Një familje ka mbetur e bllokuar në Qafë Murriz si pasojë e reshjeve të dendura të dëborës.about:blank

Në automjet ishin bllokuar prindërit dhe dy fëmijët e tyre, të cilëve u ka ardhur në ndihmë policia, duke i transportuar me makinën e një punonjësi policie.

Njoftimi i policisë:

Shërbimet e Policisë Rrugore të pozicionuar në bypass në Qafë Murrizë, gjatë kontakteve me drejtuesit e automjeteve që janë në pritje të hapjes së këtij aksi rrugor, pasi vijon ende të jetë i bllokuar si pasojë e motit të keq me reshje të dendura të dëborës, kanë marrë informacion se në një automjet ndodheshin të bllokuar dy fëmijë.

Ndërkohë, shërbimet e Policisë kanë marrë masa që me automjete të kalueshmërisë së lartë, të bëjnë evakuimin e pasagjerëve që ndodhen në automjete ne bypass Qafë Murrizë, për t’i nxjerrë nga zona ku kanë mbetur të bllokuar dhe për t’i transportuar në destinacion, në Klos, Bulqizë.

Rruga e Arbrit ka mbetur e bllokuar për rreth 30 minuta ditën e sotme, në zonën e bypassit të Murrizit.

Kjo pasi një makinë tip “Benz” ka dalë nga rruga dhe ka përfunduar mbi barrierën mbrojtëse.

Drejtuesi i makinës dhe 2 pasagjerët që udhëtonin në të, kanë shpëtuar mrekullisht.

Shkak i aksidentit mendohet të jetë lagështia në rrugë dhe humbja e kontrollit të mjetit.