Ruben Saraiva i dyshuar si autori që ekzekutoi biznesmenin Ardian Nikulaj në Shëngjin të Lezhës, pritet që brenda këtij viti të esktradohet në Shqipëri.

Një grup agjentësh shqiptarë të përzgjedhur nga Drejtoria e Përgjithshme e Policisë ndodhen prej dy ditësh në Rabatit të Marokut për të finalizuar edhe procedurat e ekstradimit të Ruben Saraivës.

Mbërritja e Ruben Saraivës në Shqipëri pritet të bëhet të dielën me 31 dhjetor. Për shkak se Shqipëria nuk ka një marrëveshje ekstradimi me Marokun në lojë ka hyrë Interpol, ashtu siç në rastin e Behar Bajrit nga Franca.

Vetëm pak ditë më parë autoritet marokene ranë dakord për esktradimin e Ruben Saraives. Për Prokurorinë e Lezhës, ardhja e Ruben Saraivës në vendin tonë shihet me interes të madh për shkak se nga pamjet filmike është vërtetuar se ai kishte rolin e ekzekutorit ndërsa është ndihmuar edhe nga disa shtetas britanikë të cilët u hoqën si turistë.

Ndërkohë mësohet se edhe për të shumëkërkuarin Dritan Rexhepi që u arrestua disa javë më parë në Stamboll, pala shqiptare është drejt finalizimit të procedurave për ta ekstraduar.

Në gjykatën e ekstradimeve në Londër është zhvilluar një seancë parapërgatitore e ekstradimit të Thomas Mithan, Steven Hunt, Harriet Bridgeman dhe shqiptarit me pasaportë britanike Edmond Haxhia.

Ata kërkohen nga drejtësia shqiptare nën dyshimin e bashkëpunimit në vrasjen e Ardian Nikulaj në 19 Prill 2023.

Nga të katër të arrestuarit vetëm Edmond Haxhia preferoi ta ndjekë këtë seancë prezent në gjykatë.

Ndërsa, Harriet Bridgeman iu bashkua online nga shtëpia e saj.

Lewis Green avokati mbrojtës i Thomas Mithan, paralajmëroi se ai do të kërkojë sjelljen në gjykatë e  një raporti nga një ekspert i pavarur për kushtet e burgjeve në Shqipëri.

Të tillë raporte ekspertësh janë përdorur edhe në të shkuarën për të bllokuar por pa sukses, ekstradimet e shqiptarëve nga Anglia.

Gjykata e Lartë angleze Royal Court of Justice për këtë çështje është shprehur disa herë duke vendosur se “kushtet në burgjet shqiptare, përmbushin standardet për të ekstraduar nga territori Anglisë,  të kërkuarit nga drejtësia shqiptare”.

Gjykatësi Daniel Sternberg  vendosi vijimin e lirisë me kusht nën monitorimin elektronik për Bridgeman, ndërsa tre të bashkë-akuzuarit e tjerë do të vijojnë qëndrimin në paraburgim.

Po ashtu gjykatësi Sternberg kërkoi nga avokatët mbrojtës të dorëzojnë në gjykatë argumentat mbrojtës më 29 Gusht.

Ndërsa shteti shqiptarë kërkues i ekstradimit të këtyre personave, përmes përfaqësuesit nga Crown Prosecution Service, prokuroria angleze,  duhet të dorëzojë prapësimet ligjore më 10 Tetor.

Me realizimin nga palët të këtyre urdhëresave të gjykatësit Daniel Sternberg i hapet rruga shqyrtimit të kërkesës së Shqipërisë në mesin e Nëntorit.

Qëndron ende  në arrati britaniku tjetër Harry Simpson person me Kartelë të Kuqe Interpoli pasi një urdhër arresti nga Policia Shqiptare.

Sakaq në Marok është arrestuar pasi ishte i shpallur në kërkim nga Interpoli Ruben Saraiva njeriu që sipas policisë shqiptare është autori vrasjes në Shëngjin të Ardian Nikulajt. Edhe ndaj tij kanë nisur procedurat e ekstradimit.

TIRANË- Kërkimet për lokalizimin dhe arrestimin e portugezit Ruben Saraiva dhe të britanikut, Harry Simpson ende vazhdojnë. Por janë përqëndruar në katër shtete. Burime për “TV Klan” mëson se autoritetet shqiptare po mbajnë kontakte të vazhdueshme me policinë në Greqi, Portugali, Itali dhe Britaninë e Madhe. Portugezi, të paktën në rrugë ligjore, nuk ka dalë nga Greqia. Megjithatë nuk përjashtohet mundësia që ai të jetë larguar nga vendi helen ilegalisht. Ndërkohë që kërkohet edhe Simpson.

Si Saraiva, ashtu edhe Simpson, rezultojnë të dy me precedent penal në Britani dhe të përfshirë në trafik drogash dhe krime të tjera. Ndërkohë të shtunën në Londër, u vunë në pranga 4 autorët e tjerë të ngjarjes së rëndë, mes tyre Edmond Haxhia, i konsideruar si organizatori i vrasjes së Nikulajt. Ndaj tyre ka nisur një proces ekstradimi, megjithatë vendimi do të merret të më datë 5 maj.

Edmond Haxhia, Thomas Mithan, Steven Hunt, Harriet Bridgeman të akuzuar si bashkëpunëtorë e informatorë në lidhje me vrasjen janë vënë në pranga në Londër dhe brenda datës 5 maj, Shqipëria duhet të përkthejë në anglisht provat dhe t’ia dërgojë Britanisë së Madhe për të bërë të mundur ekstradimin e tyre. Ndërsa në kërkim vijojnë Ruben Saraiva dhe Harry Simson. Vrasja u zbardh vetëm një javë pasi ndodhi. Edmond Haxhia akuzohet se solli në Tiranë 4 britanikët e portugezin për të mbyllur hesapet e gjakmarrjes që kishte të hapura me fisin Nikulja, që nga viti 1997. Haxhia është kushëri me vëllezërit Lestakaj që jetojnë në Londër dhe akuzonin Nikulajn se u kishte vrarë xhaxhain dhe nipin.noa.al

• Më të lexuarat
• Pak para PRAIMIT, e pabesueshme çka po i ndodh Luizit jashtë!
• “Jeta m’i dha të gjitha e pastaj më rrëzoi”, Luizi prek…
• Kërkoi bashkëpunim, Luizi shfaqet papritur në këngën e fundit të Noizyt…
• Rezultatet: Ja kë votuan shqiptarët për të shpallur finalist të katërt…
• Ky është reagimi i Kiara Titos pas takimit të Luizit me nënën e…