Një ngjarje e rëndë ka ndodhur ditën e sotme në hyrje të qytetit të Lezhës, ku një person është plagosur me armë zjarri.
I plagosuri është paraqitur në Spitalin e Lezhës me një plagë në gjoks. Gjendja e tij shëndetësore ende nuk dihet me saktësi, ndërsa mjekët po i japin ndihmën e parë.

Ndërkohë, forcat e policisë kanë shkuar menjëherë në vendin e ngjarjes dhe kanë nisur hetimet për zbardhjen e rrethanave. Autoritetet po punojnë për identifikimin dhe kapjen e autorit ose autorëve të mundshëm të sulmit.

Ende nuk dihen motivet e kësaj ngjarjeje, ndërsa pritet një deklaratë zyrtare nga policia për detaje të mëtejshme.

Të shtëna me armë zjarri janë raportuar në qendër të Athinës.

Sipas mediave greke nga të shtënat me armë ka mbetur i plagosur një shqiptar. I plagosuri është transportuar në spital. Ndërkohë në vendin e ngjarjes janë gjetur shtatë gëzhoja. Autoritetet po hetiojnë për zbardhjen e plotë të ngjarjes.

Një burrë ka vdekur nga breshëri plumbash në Berlin gjatë natës dhe dy persona janë plagosur. Viktima njihet si reperi “Çalla”. Sulmi me armë ka ndodhur në atë që njihet si lagjia e semaforëve të kuq! Viktima 42-vjeçar u qëllua për vdekje dhe dy të tjerë u plagosën rëndë! Njëri prej tyre dyshohet se është plagosur aksidentalisht nga autorët që janë larguar më pas nga vendi i krimit me një automjet tip BMW.

Ngjarja ka ndodhur rreth orës 01:00 kur të shtënat shpërthyen në rrugën Bülowstrasse. Sipas dëshmitarëve, persona të paidentifikuar ende kanë qëlluar shtatë deri në dhjetë herë. Dyshohet se objektiv i atentatit ishte 42-vjeçari. Ekipet e emergjencës u munduan të mbajnë në jetë Caglar B., i cili u rrëzua para një dyqani pijesh alkoolike nga një breshër plumbash. Ai vdiq në ambulancë.

Katër persona u plagosën gjatë të shtënave me armë në Universitetin Shtetëror të Virxhinias herët në mëngjes të mërkurën, sipas policisë.

Autoritetet iu përgjigjën të shtënave në universitet, i cili është afërsisht 30 minuta me makinë në jug të Richmond, rreth orës 12:30 të së mërkurës, sipas policisë së qarkut Chesterfield në një deklaratë.

Katër persona u shtruan në spital me lëndime jashtë rrezikut për jetën.

Ka akuza në pritje kundër shumë të dyshuarve, sipas zyrtarëve të cituar nga Associated Press (AP). Nuk ka asnjë kërcënim të mëtejshëm për komunitetin, thanë zyrtarët.

Mësimet për semestrin e vjeshtës në universitet fillojnë javën e ardhshme, por këtë javë, studentët e parë dhe drejtuesit e studentëve janë në kampus herët, sipas Gwen Williams Dandridge, një zëdhënëse për universitetin.

Dandridge tha se asnjë nga viktimat apo të dyshuarit e të shtënave nuk është regjistruar në universitet për semestrin e ardhshëm.

Policia e qarkut dhe e universitetit po hetojnë të shtënat.

-Një ngjarje e rëndë ka ndodhur në Londër ku një vajzë nëntë vjeçare është qëlluar me armë. Bëhet me dije se vajza është në gjendje kritike pasi u qëllua nga një sulmues i panjohur teksa ishte me familjen e saj në një restorant turk në Londrën Lindore të mërkurën mbrëma.

Gjithashtu katër persona u plagosën kur personi i armatosur me një motoçikletë hapi zjarr mbi ta në lagjen e Hackney. Policia tha se vajza po luftonte për jetën, ndërsa tre burra të ulur jashtë të moshës 26, 37 dhe 42 ishin në një gjendje të qëndrueshme.

“Njëri prej tyre ka të bëjë me lëndime potencialisht kërcënuese për jetën. E di që njerëzit vendas do të jenë shumë të shqetësuar për këtë episod. Ne ndajmë shqetësimin e tyre dhe ka nisur një hetim urgjent për identifikimin dhe arrestimin e autorëve”, shtoi inspektori i policisë. ndërsa motoçikleta e përdorur në sulm u vodh dhe më pas u gjet aty pranë.

Policia e Shkodrës ka reaguar për plagosjen me armë në Shkodër.

Sipas bluve, i plagosur ka mbetur 24-vjeçari Jaser O, i cili ndodhet në spital nën kujdesin e mjekëve dhe jashtë rrezikut për jetën.

Shkak i ngjarjes mësohet të jetë një konflikt i çastit, ndërsa policia po punon për kapjen e autorit.

“Rreth orës 16:00, në lagjen Salo Halili, dyshohet se gjatë një konflikti të çastit është plagosur  në kofshë  me armë zjarri pistoletë shtetasi J. O., 24 vjeç, i cili  po merr ndihmë mjekësore në Spitalin Rajonal të Shkodrës dhe ndodhet jashtë rrezikut për jetën.

Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit”, njofton policia.

Grupi hetimor në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit.

Të paktën 2 persona kanë humbur jetën dhe 14 të tjerë janë plagosur në një incident sot me të shtëna në një festë në një lagje të Memphis, në SHBA. Ngjarja ndodhi teksa në një rrugë në qytet, po zhvillohej një festë, për të cilën nuk ishte marrë leje te autoritetet përkatëse. Policia deklaroi se në këtë festë ishin mbledhur 200-300 persona, teksa po kërkon të paktën dy të dyshuar.

“Ne besojmë se janë të paktën dy persona që kanë qëlluar me armë zjarri gjatë incidentit”, tha shefi i përkohshëm i policisë së Memphisit, Sherelyn Davis.

Të paktën 12 persona raportohet se kanë humbur jetën nga të shtënat me armë zjarri në periferi të Moskës, ndërsa 35 të tjerë janë plagosur.

Mediat raportojnë se dyshohet se kanë qenë tre persona të maskuar që kanë hapur zjarri në Crocus City Hall, një vend i njohur koncertesh në periferi të Moskës.

“Evakuimi i njerëzve po vazhdon”, thanë shërbimet e urgjencës për agjencinë e lajmeve TASS.

Pamjet e publikuara në rrjetet sociale tregojnë edhe një zjarr masiv që shpërtheu brenda ndërtesës.