Armando Broja është rikthyer në stërvitje me Evertonin. Sulmuesi i Kombëtares shqiptare duket se ka lënë pas dëmtimin dhe brenda javës do të jetë i gatshëm për të dhënë kontributin e tij në Premier Ligë.

Është një video e publikuar nga vetë klubi anglez, teksa tregon Brojën duke u stërvitur normalisht me pjesën tjetër të ekipit. Një lajm ky mjaft i mirë për sulmuesin shqiptar, të cilin së shpejti do ta rishohim në aksion.

Megjithatë, Broja nuk do të jetë i gatshëm për ndeshjet përmbyllëse të Shqipërisë në Ligën e Kombeve. Kujtojmë që kuqeiznjtë do të përballen me Çekinë dhe Ukrainën, në stadiumin “Air Albania” më 16 dhe 19 nëntor.

Armando Broja duket se i ka dhënë zgjidhje të ardhmes së tij, me sulmuesin e Kombëtares shqiptare që do të qëndrojë në Premier League.

Eksperti i merkatos, Fabrizio Romano, ka treguar se 22-vjeçari shqiptar ka pranuar të huazohet te skuadra e Ipswich Town.

Pasi Chelsea u dorëzua ta shiste këtë verë, palët kanë rënë dakord që ai të huazohet dhe duket se Ipswich është zgjedhja e duhur, ku paga do të mbulohet nga “Blutë”.

Gjithashtu kanë rënë dakord që “Traktorët” do ta transferojnë menjëhrë Brojën verën e ardhshme për 30 milionë paund, nëse arrihet mbijetesa.

Çdo gjë pritet të konfirmohet shumë shpejt, me vizitat mjekësore që do të kryhen brenda këtyre 24 orëve.

Armando Broja është një nga talentet e Kombëtares që për të flitet gjithëmonë shumë. 22-vjeçari pritet të shkëlqejë në Euro 2024 me fanelën e kombëtares.

Broja dëshiron të bëhet një ikonë e Kombëtares dhe emri i tij të mos harrohet kurrë.

Sulmuesi kuqezi për “Gazetta dello Sport” thekson se diçka të tillë do të bëjë gjithmonë për babain dhe Shqipërinë.

“Jam shumë krenar kur luaj për Shqipërinë. Mund të bëhem një ikonë e të mos harrohem sa të jetë jeta…

Kur karriera ime të ketë perënduar dua që emri im të mos harrohet kurrë!

Këtë e bëj për Shqipërinë dhe babain”, ka deklaruar talenti i Kombëtares

Kombëtarja e Shqipërisë në futboll ka nisur grumbullimin për “Euro 2024”, e zhvendosur tashmë me përgatitje në Austri, gati për të zhvilluar dy miqësoret e fundit para finaleve të kompeticionit gjerman. Të hënën e kësaj jave, trajneri Syvlinho publikoi listën me 27 lojtarë kuqezinj, nga të cilët me gjasë do të skarcohet njëri, duke federuar 26 në UEFA për finalet e Europianit.

Në “Euro 2024”, kuqezinjtë e nisin kundër Italisë në “Signal Iduna Park” të Dortmundit më 15 qershor, ndërsa pjesë e grupit B janë edhe Kroacia e Spanja. Por cilët janë lojtarët që vlejnë më shumë në treg, të përzgjedhur nga Sylvinho për të përfaqësuar Shqipërinë në Gjermani?

Sipas faqes së specilizuar, “Transfermarkt”, vetëm katër lojrarë kanë vlerë 10 milionë euro e sipër te Shqipëria në tregun e futbollit aktual. Me shifrën e 10 milionë eurove vlerësohet qendërmbrojtësi i Atalanta, Berat Djimsiti, që do të jetë kapiten i kuqezinjve në “Euro 2024”.

Një rritje të ndjeshme të vlerës në vitin e fundit e ka pasur edhe ylli i ri i Besiktas, Ernest Muçi, i cili tashmë vlerësohet me 13 milionë euro. I dyti në listë me vlerën më të lartë është kampioni i Italisë me Interin, mesfushori Kristjan Asllani, që kuotohet 16 milionë euro. Lojtari më i shtrenjtë në listë është padyshim Armando Broja, që aktualisht vlerësohet 22 milionë euro.

Sulmuesi nën kontratë me Chelsea pritet të jetë lojtari kryesor i Shqipërisë në këtë Europian, pasi Sylvinho beson shumë tek ai, edhe pse vjen nga një sezon jo i mirë, teksa huazimi i tij te Fulham nuk shkoi sipas parashikimeve.

Lojtarë që kanë vlerë të lartë në treg janë edhe Marash Kumbulla me 7.5 milionë euro, Nedim Bajrami me 6 milionë euro dhe Rey Manaj me 5 milionë euro.

Sulmuesi i Kombëtares dhe Chelseas, Armando Broja ka reaguar në një postim të gjatë në kanalet e komunikimit, duke i quajtur të rreme lajmet për një “krisje” të tij në Kombëtare. 22-vjeçari e thotë qartë se ka qenë jashtë grumbullimit për shkak të dëmtimit që e ka mbajtur jashtë fushave për 11 muaj. Broja shkruan se tekniku nuk e ka përzgjedhur vetëm për shkak të dëmtimit që kishte pësuar dhe se kishte luajtur shumë pak në këtë periudhë.

Sulmuesi thotë se kanë qarkulluar lajme të rreme dhe se ai e do kombëtaren me gjithë zemër, madje në fund i ka uruar fitoren ne ndeshjen e nesërme me Ishujt Faroe në ‘Air Albania’.

“I gjithë ky lajm i rremë që qarkullon duke thënë se unë dhe menaxheri jemi zënë është gënjeshtër e plotë. Unë e dua kombëtaren me gjithë zemër. Isha shumë i mërzitur që mun desh të humbisja 1 vit të kombëtares për shkak të dëmtimit dhe më pëlqen të besoj se unë dhe menaxheri kemi një marrëdhënie shumë të mirë ku mund të flasim lirshëm dhe me respekt me njëri-tjetrin. Ai ka bërë një punë të mrekullueshme dhe jam personi më i lumtur që shoh Shqipërinë të kualifikohet për Gjermani. Kam shumë respekt për të gjithë stafin dhe lojtarët dhe menaxherin në Shqipëri. Ai nuk më zgjodhi mua jo sepse u prishëm bashkë, por thjesht sepse u lëndova dhe nuk isha në formë. Nuk kam luajtur asnjë ndeshje që nga grumbullimi i fundit. Inshallah me fitore nesër. Me respekt Armando Broja”, shkruan Broja. 

Edhe Armando Broja i është gëzuar kualifikimit të Kombëtares në Evropian.

I dëmtuar për një kohë të gjatë gati një vjeçare, sulmuesi nuk ka marrë pjesë në këto kualifikuese për tanët, teksa ka ndarë gëzimin.

Ai ka shpërndarë postimin dhe tregon se Shqipëria është në Euro.

Tashmë reality shoë “Big Brother VIP Albania” ka përfshirë edhe futbollistët që nuk mungojnë herë pas here në rrjetet sociale duke treguar banorin e preferuar. Luiz Ejlli është një nga ata që ka fansat më të shumtë dhe kjo shihet edhe nga mesazhet që herë pas herë i dërgojnë në mënyra të ndryshme.

Së fundmi, është edhe Armando Broja ai që ka surprizuar shkodranin. Te rubrika “Big Love”, aty ku banorët lexojnë mesazhet që i vijnë nga fansat e tyre, është sulmuesi i Chelsea-it dhe njëkohësisht i kombëtares shqiptare që shkruan. Ai mbështet publikisht Luizin bashkë me familjen e tij.

“Luiz të përshëndesim. Je më i miri. Të ndjekim çdo ditë. Familja Armando Broja Londër”, shkruhej në mesazhin drejtuar këngëtarit të njohur duke nxitur dhe reagimin pozitiv të këtij të fundit.

LEXO TË RADHË

“Bashkë ose asnjë në finale”/Çfarë po planifikon Luizi? Vendimi do shkaktojë zemërim tek fansat

197 km/orë dhe pa rrip sigurimi! E pëson keq i riu i “guximshëm”…

Pasi fitoi vetë BBV, Stresi kërkon mbështetjen për Luizin: Djal shembullor, po bën…