ANGLI – Armando Broja ka debutuar në mënyrën më të mirë të mundshme me Burnleyn, duke asistuar pas 5 minutash lojë në ndeshjen e Kupës së Ligës kundër Derby County.

Sulmuesi i Kombëtares shqiptare u zgjodh titullar në këtë duel, pasi në dy takimet e para në kampionat, ai nuk ishte as në stol.

23-vjeçari kuqezi mori një top në zonë, lëvizi bukur dhe asistoi për shokun e ntij të skuadrës, Aaron Ramsey, i cili e çoi topin në rrjetë me anë të një goditje të saktë.

Në minutën e 63-të, sulmuesi i Kombëtares shqiptare, Armando Broja, u zëvendësua nga 35-vjeçari veteran Ashley Barnes. Ndeshja përfundoi 2-1, pas golit të Sonne në kohën shtesë (90’+1), dhe Burnley u kualifikua për në turin tjetër të Kupës së Ligës.

Emri i Armando Brojës është nga më të lakuarit në botën e futbollit, por edhe për romancat e tij me vajza të bukur të huaja dhe shqiptare.

Sulmuesi i Kombëtares shqiptare pas pushimeve në Miami me partneren, mbrëmjen e djeshme ka mbërritur për herë të parë në Përmet, vendlindjen e së dashurës së tij Sindi Bundo.

Më herët ka qenë vetë Broja, i cili ka konfirmuar lidhjen, ndërsa me sa kuptohet çifti e ka zyrtarizuar lidhjen. Rikujtojmë gjithashtu se një javë më parë ai publikoi në rrjetin e tij social Instagram disa foto me partneren e tij teksa shijonin pushimet e tyre në SHBA.