Fier – Zbulohet një bazë kriminale në lagjen “Kastriot”, ku mbahej arsenal armësh, pjesë armësh dhe municioni, me qëllim shitjen te kontigjenti kriminal për kryerjen e krimeve kundër personit.

Sekuestrohen 13 armë zjarri (3 prej tyre të modifikuara për shënjestër optike dhe për silenciator), 2 silenciatorë, dhjetëra karikatorë dhe sasi e konsiderueshme municioni luftarak.

Shërbimet e Komisariatit të Policisë Fier janë informuar nga gazetarë të emisionit investigativ “Piranjat”, se 1 shtetas me të cilin ata kishin komunikuar në kuadër të punës së tyre, posedonte pa leje, 1 armë zjarri.

Pas informacionit, strukturat hetimore dhe operacionale të Policisë së Fierit kanë organizuar punën për të zbardhur autorësinë dhe rrethanat e rastit.

Si rezultat i kësaj pune, u lokalizua shtetasi i dyshuar, konkretisht Milasin Ramaj, 38 vjeç, banues në Fier, i cili u ndalua teksa lëvizte me automjet, në lagjen “Kastriot”.

Nga kontrolli në automjet, iu gjet dhe iu sekuestrua 1 armë zjarri pistoletë që posedohej pa leje dhe një shumë parash rreth 3 mijë e 500 euro.

Në vijim, shërbimet e Policisë kanë kryer hetime të thelluara mbi veprimtarinë kriminale të 38-vjeçarit, dhe si rezultat kanë mundësuar zbulimin e një banese (aktualisht të pabanuar), në lagjen “Kastriot”, të cilën ky shtetas e përdorte si bazë armësh, pjesësh armësh dhe municioni, dyshohet për t’ua shitur grupeve kriminale.

Nga kontrolli në këtë ambient, janë gjetur dhe sekuestruar: –

10 armë zjarri automatikë, 3 nga të cilët, të modifikuar me shënjestër optike dhe me vend filetimi për silenciator;

-1 armë zjarri pistoletë;

-1 armë zjarri pistoletë automatike;

-2 silenciatorë;

-9 karikatorë automatiku;

-3 karikatorë pushke;

-2 krehra pistolete;

-sasi fishekësh të kalibrave të ndryshëm.

Në përfundim të veprimeve të para procedurale, specialistët për Hetimin e Krimeve të Komisariatit të Policisë Fier arrestuan në flagrancë shtetasin M. R., dhe ndërkohë vijojnë të kryejnë hetime, në koordinim me Prokurorinë e Fierit, për të identifikuar dhe nxjerrë përpara drejtësisë, shtetas të tjerë që mund të jenë implikuar në këtë veprimtari kriminale.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme. /noa.al

Policia e Tiranës ka arrestuar 48-vjeçarin me iniciale A. B. pasi shiste doza kokaine dhe posedonte sende të kundërligjshme në banesë.

Policia sekuestroi lëndën e dyshuar narkotike kokainë, 1 armë e ftohtë, dhe municion luftarak.

Njoftimi:

Shërbimet e Komisariatit të Policisë Nr. 1, në vijim të punës për goditjen e paligjshmërisë, bazuar dhe në informacionet e siguruara, se një shtetas posedonte sende të jashtëligjshme në banesën e tij, kanë organizuar punën me qëllim dokumentimin e rastit.

Gjatë kontrollit të banesës të shtetasit A. B, në rrugën “Lidhja e Prizrenit”, shërbimet e Policisë gjetën dhe sekuestruan, në cilësinë e provës materiale, lëndë e dyshuar narkotike kokainë, 1 armë e ftohtë, dhe municion luftarak.

Në përfundim të veprimeve proceduriale u bë arrestimi i shtetasit A. B., 48 vjeç, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi, mbajtja, blerja, apo shitja pa lejë e armëve të ftohta”, “Prodhim dhe shitje e narkotikëve”.

Materialet i kaluan Prokurorisë, për veprime të mëtejshme procedurale.

37-vjeçari me iniciale S.M është paraqitur në spital i plagosur dhe ndodhet nën kujdesin e mjekëve. Ndërkohë grupi hetimor po punon për sqarimin e rrethanave të ngjarjes dhe dokumentimin e plotë ligjor VLORË- Të shtëna me armë zjarri janë raportuar në qytetin e Vlorës. Si pasojë e të shtënave me armë një persona ka mbetur i plagosur. Bëhet me dije se i plagosuri ka marrë një plumb në këmbë dhe ndodhet në spitalin e Vlorës.

37-vjeçari me iniciale S.M është paraqitur në spital i plagosur dhe ndodhet nën kujdesin e mjekëve. Ndërkohë grupi hetimor po punon për sqarimin e rrethanave të ngjarjes dhe dokumentimin e plotë ligjor të saj.

Njoftimi i Policisë:

Vlorë/Informacion paraprak

Sot, në spitalin e Vlorës ka mbërritur për ndihmë mjekësore, i dyshuar i plagosur me armë zjarri në pjesën e kembës, në rrethana ende të paqarta, shtetasi S. M., 37 vjeç, banues në Selenicë. Aktualisht, 37-vjeçari ndodhet nën kujdesin e mjekëve. Grupi hetimor po punon për sqarimin e rrethanave të ngjarjes dhe dokumentimin e plotë ligjor të saj.

Pesë të mitur, të moshave 15 dhe 17 vjeç,  janë arrestuar nga policia e Tiranës pas një sherri me armë të ftohta me tre të tjerë, të cilët përfunduan në spital. Ngjarja ka ndodhur një ditë më parë rreth orës 19:50 në rrugën “Ali Begeja”, ku të plagosur mbetën Ahmed Agolli 22-vjeç, dhe dy 19-vjeçarët Hendri Rasa dhe Klaus Miha, dhe të cilët ndodhen jashtë rrezikut për jetën.

Raportohet se sherri mes të rinjve ka nisur një natë para sulmit. Adoleshentët po konsumonin cigare hashashi para një lokali dhe të plagosurit u kanë kërkuar të largohen nga aty.

“Specialistët për Hetimin e Krimeve të Komisariatit të Policisë Nr. 4: arrestuan 5 të mitur të moshave 15 dhe 17 vjeç, pasi më datë 10.09.2025, rreth orës 19:50, në rrugën “Ali Begeja”, dyshohet se kanë goditur me armë të ftohta, shtetasit A. A., 22 vjeç, H. R., 19 vjeç dhe K. M., 19 vjeç, të cilët morën ndihmë mjekësore në spital, jashtë rrezikut për jetën. Në vijim të veprimeve procedurale për rastin, u gjetën në vendngjarje dhe u sekuestruan në cilësinë e provës materiale, 2 armë të ftohta, të dyshuara të përdorura gjatë konfliktit”, njoftoi policia

Tentativë grabitjeje në Shkodër – i maskuar me skafandër hyn në argjendari dhe ikën duke lënë motorin

Shkodër – Rreth orës 11:30 të paradites së sotme, në lagjen “Vasil Shanto”, është regjistruar një ngjarje e pazakontë pranë një argjendarie.

Një shtetas ende i paidentifikuar, i cili qarkullonte me një motomjet, ka ndaluar para dyqanit dhe, me një skafandër në kokë, është futur brenda. Pronari i argjendarisë i ka kërkuar që të hiqte mbulesën, por ai ka refuzuar dhe është larguar me vrap, duke braktisur motomjetin përpara dyqanit.

Sipas informacioneve paraprake, dyshohet se jashtë argjendarisë, autori i ka drejtuar një armë zjarri pronarit, për ta penguar që ta ndiqte.

Forcat e Policisë kanë mbërritur menjëherë në vendngjarje dhe po vijojnë kontrollet intensive në zonë me qëllim kapjen e tij.

Ndërkohë, grupi hetimor, nën drejtimin e Prokurorisë, po punon për identifikimin e autorit dhe dokumentimin e plotë të rrethanave të kësaj tentative grabitjeje. /noa.al

Ky është momenti kur Klejvis Caka, 26 vjeç largohet me vrap pasi ka plagosur me armë zjarri 28-vjeçarin, Jukled Abazi në zonën e Freksut në kryeqytet, mbrëmjen e së shtunës.

Në këto pamjet e fiksuara nga kamerat e sigurisë në zonë, autori tashmë i shpallur në kërkim në dorë ka pistoletën me të cilën qëlloi 28-vjeçarin.

Për ngjarjen në pranga përfundoi Xhonatan Qerimi, ndërsa u shpall në kërkim miku i tij, Andi Gurra që e shihni në këtë foto teksa largohet nga vendngjarja. Të dy ata akuzohen se kanë ndihmuar autorin pas ngjarjes.

28-vjeçari, Jukled Abazi po lëvizte me automjetin e tij tip Mercedes Benz kur u qëllua me armë zjarri nga Klejvis Caka. Pas plagosjes i riu braktisi makinën e tij dhe u dërgua në Spitalin e traumës nga i kunati i tij.

Bulqizë – Arrestohet një 20-vjeçar që qarkullonte i armatosur me pistoletë dhe municion luftarak

Bulqizë, 2 gusht 2025 – Një 20-vjeçar nga fshati Peshk, Njësia Administrative Martanesh, është ndaluar nga policia në aksin rrugor Krastë–Bulqizë, pasi u kap në flagrancë duke qarkulluar me armë zjarri pa leje.

Sipas burimeve zyrtare, gjatë kontrollit të ushtruar në automjetin tip “Benz” kamionçinë që drejtonte i riu, shërbimet e Policisë kanë gjetur një armë zjarri pistoletë e llojit “Zastava”, së bashku me një krehër që përmbante 10 fishekë. Arma ishte fshehur në automjet.

Shtetasi Orgest Grrica, 20 vjeç, u arrestua në vendngjarje dhe ndaj tij do të ndiqen procedurat ligjore për veprën penale të armëmbajtjes pa leje.

Arma, fishekët dhe automjeti janë sekuestruar si prova materiale. Rasti i referohet Prokurorisë pranë Gjykatës së Shkallës së Parë të Juridiksionit të Përgjithshëm Dibër për hetime të mëtejshme.

Ky është një tjetër rast i rrezikshëm i qarkullimit të armatosur në zona rurale, që vë në rrezik sigurinë publike. /noa.al

Policia e Lezhës ka arrestuar Klaudio Vuksanin, një 21-vjeçar i cili lëvizte i armatosur në shëtitoren e Shëngjinit me armë zjarri me fishek në fole gati për qitje.

Sipas njoftimit të policisë së Lezhës, shërbimet e Forcës së Posaçme “Shqiponja”, në bashkëpunim me shërbimet e Komisariatit të Policisë Lezhë, bazuar në të dhënat e siguruara për një shtetas që lëvizte me armë zjarri, në Shëngjin, kanë organizuar dhe finalizuar operacionin policor të koduar “Siguria”.

Gjatë operacionit, në shëtitoren e plazhit të Shëngjinit, shërbimet e Policisë kanë lokalizuar shtetasin K. V., që po mbante një armë zjarri. Në momentin e ndërhyrjes së Policisë, ai ka tentuar të largohet, por është kapur dhe neutralizuar.

Gjatë kontrollit, atij iu gjetën 1 armë zjarri automatike tip “Scorpion”, me fishek në fole, dhe 2 krehra me municion luftarak për këtë armë.

Në vijim të veprimeve, shtetasi K. V., 21 vjeç, banues në Lezhë, u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Materialet procedurale iu referuan Prokurorisë së Lezhës, për veprime të mëtejshme.

Të shtëna me armë zjarri janë raportuar ditën e sotme në lagjen nr. 4 të Sarandës, pranë stadiumit të qytetit. Sipas informacioneve paraprake, nga kjo ngjarje të paktën dy persona kanë mbetur të plagosur.

Gjithashtu bëhet me dije se në spital janë paraqitur po dy persona të cilët kanë marrë ndihmën e parë pas plagëve të shkaktuara. Ndërkohë, forca të shumta policie ndodhen në vendngjarje dhe kanë rrethuar zonën, ndërsa po punojnë për identifikimin e autorëve dhe zbardhjen e rrethanave të incidentit.

Një ngjarje e rëndë është regjistruar më 5 qershor në Prishtinë, ku një burrë ka rënë viktimë e një grabitjeje të armatosur.

Sipas njoftimit të policisë së Kosovës, persona të paidentifikuar e kanë kërcënuar me armë viktimën, më pas e kanë lidhur me një kabllo elektrike dhe kanë arritur t’i marrin 150 euro në para, si dhe një kamerë.

Policia ka nisur hetimet për zbardhjen e plotë të rrethanave të ngjarjes dhe kapjen e autorëve.