Presidenti amerikan, Donald Trump në Samitin e NATO-s në Hagë është shprehur me bindje se lufta mes Izraelit dhe Iranit ka përfunduar, duke theksuar se të dy palët janë “të lodhura dhe të rraskapitura” nga konflikti.

“Unë jam marrë me të dyja palët dhe ata janë të lodhur, të rraskapitur,” deklaroi Trump. “Kanë luftuar shumë ashpër, shumë egërsisht dhe me dhunë. Të dyja palët ishin të kënaqura të ktheheshin në shtëpi dhe të tërhiqeshin.”

Megjithatë, Trump shtoi se ka ende pasiguri për të ardhmen: “Ndoshta një ditë mund të fillojë sërish, ndoshta shumë shpejt.”

Duke komentuar përfundimin e konfliktit, ai theksoi se “lufta ishte shumë e ashpër” dhe pretendoi se ajo përfundoi kur SHBA goditi objektivat bërthamore të Iranit. Ai e quajti këtë ndërhyrje si vendimtare për ndalimin e përshkallëzimit të mëtejshëm.

Armëpushimi mes Izraelit dhe Hamasit ka qenë i brishtë, me palët që shpesh ishin gati të rinisnin luftën.

Pas shkëmbimit të dytë të pengjeve të shtunën, ky armëpushim u vu në rrezik. Izraeli akuzoi Hamasin për mbajtjen e një pengu, ndërkohë që izraelitët penguan një grup civilësh të ktheheshin në shtëpitë e tyre në Gaza, duke shkelur gjithashtu marrëveshjen.

Të dyja palët kanë ngritur akuza ndaj njëra-tjetrës për mosrespektimin e marrëveshjes, duke vënë në pikëpyetje qëndrueshmërinë e armëpushimit që u arrit pas 15 muajsh luftë.