Dy shqiptarë janë arratisur nga burgu në Kassavetia të Greqisë mbrëmjen e së enjtes.

Dy të burgosurit, të dy 41 vjeç, janë dënuar me 20 vjet burg për krime të rënda, përfshirë vrasje, grabitje dhe zjarrvënie.

Megjithatë, që nga viti 2019 qëndronin në një zonë të pa rrethuar të burgut, për shkak të sjelljes së mirë.

Dhoma e tyre kontrollohej vetëm disa herë në ditë nga stafi. Të arratisurve u kishin dhënë pesë ditë pushim në vitin 2024.

Ata përfituan nga kthimi i tyre nga leja e fundit disa ditë më parë për të planifikuar dhe ekzekutuar arratisjen e tyre.

Arratisja e tyre u zbulua në orën 21:00 të së enjtes dhe menjëherë policia greke u mobilizua për kapjen e tyre pasi dy të arratisurit konsiderohen të rrezikshëm, për shkak të precedentëve të rëndë kriminalë, ndërkohë që vijojnë hetimet për gjetjen e shqiptarëve.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Dy të ndaluar nga policia janë arratisur nga dhomat e shoqërimit në Elbasan.

Ata raportohet se ishin ndaluar nga uniformat blu për vjedhje.

Mësohet se një prej tyre u kap pak kohë pasi u arratis nga dhomat e shoqërimit, teksa tjetri është arratisur.

Policia vijon punën për lokalizimin dhe kapje ne tij.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

TIRANË- Dosja.al ka mësuar nga burime ekskluzive se 11 persona, emigrantë të huaj të kapur ilegalisht në vendin tonë, janë arratisur nga qendra e pritjes në Karreç të Durrësit. Burimet e Dosja.al bëjnë me dije se emigrantët janë arratisur mbrëmjen e djeshme nga “Qendra e Mbyllur për të Huajt”.

Lidhur me këtë mësohet se AMP ka nisur një hetim brenda qendrës ku janë marrë në pyetje efektivët që kanë qënë në shërbim gjatë momentit kur ka ndodhur arratisja.

Kjo qendër është një strukturë në varësi të Drejtorisë së Migracionit, pjesë e Departamentit për Kufirin dhe Migracionin, në Drejtorinë e Përgjithshme të Policisë së Shtetit.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.