Policia ka zbardhur dy raste të zjarrvënieve të qëllimshme në Konispol dhe Dukat, duke çuar në arrestimin e një 25-vjeçari dhe ndjekjen penale të dy të tjerëve.

Në Konispol, u arrestua në flagrancë R.L., 25 vjeç, banues në fshatin Shalës, i cili jo vetëm që theu masën e “arrestit në shtëpi”, por edhe dogji një sipërfaqe prej 8 hektarësh me barishte dhe shkurre në fshatin Janjar. Bashkëpunëtor i tij dyshohet të jetë 51-vjeçari S.I., banues po në Janjar, i cili po procedohet në gjendje të lirë.

Sipas hetimeve, ngjarja ka ndodhur më 27 korrik, rreth orës 23:30, ku të dy dyshohen se kanë ndezur zjarr në një kullotë, duke shkaktuar dëme serioze në mjedis.

Ndërkohë, në Dukat, Policia e Orikumit ka identifikuar një 15-vjeçar si të dyshuar për zjarrvënie në zonën e quajtur “Fëngu i Bozhanajve”. Edhe në këtë rast, zjarri ka përfshirë një sipërfaqe toke me shkurre dhe bimësi të ndryshme. Është nisur procedim penal ndaj të miturit.

Materialet i janë referuar Prokurorive përkatëse për veprime të mëtejshme.

Drejtoria Vendore e Policisë Vlorë u bën thirrje qytetarëve të mos ndezin zjarre në asnjë rrethanë dhe t’i denoncojnë rastet në numrin 112. Autoritetet garantojnë reagim të menjëhershëm dhe mbrojtjen e anonimatit të denoncuesve.

GJKKO ka lënë në fuqi masën e sigurisë “arrest shtëpie” për kryetarin e Partisë Demokratike, Sali Berisha.

Mësohet se GJKKO ka rrëzuar kërkesën e Berishës për ndryshimin e masës së sigurisë.

Edhe për dhëndrin e ish-kryeministrit, Jamarbër Malltezi, Gjykata e Posaçme ka rrëzuar rekursin, duke e lënë gjithashtu në “arrest shtëpie”.