Policia e Lezhës ka arrestuar 3 persona pasi shkaktonin zhurma shqetësuese dhe drejtonin motomjetet në gjendje të dehur.

Kontrollet janë intensifikuar gjatë fundjavës nga strukturat e sigurisë publike të DVP Lezhë, për monitorimin e zhurmave të shkaktuara nga muzika dhe motomjetet. Gjatë masave janë kryer 22 matje të nivelit të zhurmës nga muzika, të cilat kanë rezultuar brenda kufijve të lejuar.

Në bazë të ankesave të qytetarëve dhe pushuesve, shërbimet e Forcës së Posaçme “Shqiponja” të DVP Lezhë, në bashkëpunim me patrullat e Shëngjinit dhe Policinë Rrugore, kanë ndëshkuar gjithsej 25 drejtues motomjetesh për zhurma shqetësuese në zonën turistike.

Në kuadër të këtyre kontrolleve, janë arrestuar në flagrancë:
• Q. Sh., 30 vjeç
• L. Sh., 25 vjeç
• F. G., 24 vjeç

Të tre u kapën duke drejtuar motomjetet në gjendje të dehur, ndërsa mjetet e tyre u sekuestruan si provë materiale.

Policia apelon tek qytetarët dhe pushuesit për respektimin e rregullave të zhurmës dhe drejtimit të sigurt të mjeteve, veçanërisht në zonat turistike.

Janë arrestuar në flagrancë një 15-vjeçar, banues në Korçë dhe një 14-vjeçar, banues në Tiranë, pasi në bashkëpunim me njëri-tjetrin dyshohet se janë autorë të vjedhjes në tre biznese, ngjarje të ndodhura javën e fundit, në lagjen nr. 9, të qytetit të Korçës.

Ata konkretisht në një servis celularësh kanë vjedhur 2 celularë, në një byrektore kanë vjedhur 30000 lekë dhe në një lokal bar-kafe kanë vjedhur 14000 lekë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Njoftimi i policisë:

DVP Korçë

Specialistët për Hetimin e Krimeve të Komisariatit të Policisë Korçë arrestuan në flagrancë një 15-vjeçar, banues në Korçë dhe një 14-vjeçar, banues në Tiranë, pasi në bashkëpunim me njëri-tjetrin dyshohet se janë autorë të vjedhjes në tre biznese, ngjarje të ndodhura javën e fundit, në lagjen nr. 9, të qytetit të Korçës. Konkretisht në një servis celularësh kanë vjedhur 2 celularë, në një byrektore kanë vjedhur 30000 lekë dhe në një lokal bar-kafe kanë vjedhur 14000 lekë. Të dy shtetasit e mitur janë pyetur në prani të prindërve, psikologes dhe avokatit. Në cilësinë e provës materiale u sekuestruan tre celularë dhe një kaçavidë, të cilën dyshohet se këta shtetas e përdornin për të kryer vjedhjet.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.