Në kuadër të operacionit të koduar “STOP”, shërbimet e Komisariati i Policisë Nr. 4 në bashkëpunim me Seksionin për Hetimin e Narkotikëve pranë Drejtoria Vendore e Policisë Tiranë kanë finalizuar një ndërhyrje në një hyrje pallati në rrugën “Xhanfize Keko”, ku u arrestuan në flagrancë dy shtetas që dyshohen se shpërndanin lëndë narkotike.

Të arrestuarit janë Denis Brakaj (Krasniqi) 35 vjeç, banues në Tiranë dhe Elker Xibraku, 30 vjeç, të dy banues në Tiranë

Gjatë kontrollit në ambientin ku ndodheshin të dy shtetasit u sekuestruan 8 pako me lëndë të dyshuar narkotike kanabis në formë xhelatine. Ndërkohë, gjatë kontrollit në banesën e shtetasit D. B.(K), forcat e policisë gjetën dhe sekuestruan rreth 802 gramë lëndë të dyshuar narkotike kanabis, si dhe 3 armë të ftohta (thika).

Në bashkëpunim me Prokurorinë, hetimet për këtë rast vijojnë për dokumentimin e plotë të ngjarjes dhe për identifikimin e shtetasve të tjerë të përfshirë në këtë aktivitet kriminal. Materialet procedurale janë kaluar për veprime të mëtejshme.

Një çift bashkëshortësh në Lezhë është arrestuar pasi kanë gënjyer në dëshminë e tyre gjatë gjyqit në Gjykatën e Lezhës për një vrasje të ndodhur në vitin 1997.

Në pranga u vunë burri A.P. 57 vjeç dhe gruaja e tij V.P. 53 vjeçe, të cilët në seancën e djeshme në gjykatë dhanë dëshmi tjetër në krahasim me deklarimet e tyre të mëparshme.

Ata po dëshmonin në një proces gjyqësor për vrasjen e vitit 1997 në fshatin Rrasfik të Mirditës, ku vëllai i 53-vjeçares që dha dëshmi të rreme, vrau motrën e tij dhe bashkëshorten e saj.

DOKUMENTI/ Djali i kryebashkiakut të Pogradecit, leje për KULLË 16-katëshe në mes të Tiranës! Aktualisht ai është i dënuar me burgim të përjetshëm për vrasje me paramendim dhe armëmbajtje pa leje.

Njoftimi i Policisë së Lezhës:

Arrestohen 2 shtetas (bashkëshortë), pasi dhanë dëshmi të rreme, dje, gjatë një procesi gjyqësor në lidhje me vrasjen e 2 shtetasve, në vitin 1997, në Mirditë.

Specialistët e Seksionit për Hetimin e Krimeve të Komisariatit të Policisë Lezhë, si rezultat i veprimeve hetimore të kryera në drejtimin e Prokurorisë së Lezhës, vunë në pranga shtetasit:

V. P., 53 vjeçe, dhe A. P., 57 vjeç, banues në Lezhë, bashkëshortë, për veprën penale “Dëshmia e rreme”.

Arrestimi i këtyre shtetasve u bë pasi dje, gjatë një procesi gjyqësor në Gjykatën e Lezhës, kanë dhënë dëshmi që bien në kontradiktë me dëshmitë e tyre të mëparshme, në lidhje me rrethanat e ngjarjes së ndodhur në vitin 1997, në fshatin Rrasfik, Mirditë, ku shtetasi Gj. L. (vëllai i shtetases V. P.), ka vrarë me armë zjarri, motrën dhe bashkëshortin e saj, gjatë një konflikti për motive të dobëta. Autori i kësaj ngjarjeje po vuan dënimin me burgim të përjetshëm, për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe municionit”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

Një organizatë e mirëstrukturuar kriminale, e specializuar në kultivimin dhe trafikimin e kanabisit, u godit nga autoritetet greke në një operacion me “FBI-në” greke, që çoi në arrestimin e pesë shqiptarëve, të moshave 73, 39, 36, 35 dhe 34 vjeç.

Sipas mediave greke, organizata kishte arritur të gjenerojë të ardhura mbi 8 milionë euro, duke ndërtuar një rrjet të sofistikuar me role të qarta dhe logjistikë të plotë.

Vëmendje të veçantë ka tërhequr një shtetas shqiptar, mes të arrestuarve, i cili është i njohur për autoritetet greke që prej vitit 2012.

Mediat greke shkruajnë se ai kishte hyrë me armë në një banesë në zonën e Nea Erithraia (në Athinë), ku kishte mbajtur peng pronarët e shtëpisë. Në përplasjen me policinë, kishte qëlluar me armë dhe kishte plagosur rëndë një efektiv të forcave të ndërhyrjes së shpejtë.

Strukturat e Drejtorisë Vendore të Policisë Elbasan, në bashkëpunim me Komisariatin e Policisë Librazhd dhe Forcën e Posaçme “Shqiponja”, finalizuan me sukses operacionin policor të koduar “Hijet”, duke bërë të mundur kapjen dhe arrestimin në kohë rekord të dy shtetasve të dyshuar për një vjedhje me dhunë të ndodhur në një karburant në Librazhd.

Ngjarja ndodhi mbrëmjen e datës 15 shtator 2025, rreth orës 23:00, kur dy persona të maskuar, nën kërcënimin e një sendi të ngjashëm me armë zjarri, grabitën xhiron ditore të një karburanti në hyrje të qytetit të Librazhdit. Autorët u larguan menjëherë nga vendngjarja me një automjet me targa të mbuluara.

Falë reagimit të shpejtë dhe veprimeve të koordinuara të strukturave hetimore dhe operacionale të Policisë, pak minuta pas krimit u bë i mundur identifikimi dhe ndalimi i autorëve të dyshuar: shtetasit D. I., 23 vjeç, dhe D. S., 19 vjeç, të dy banues në Elbasan.

Gjatë operacionit u sekuestruan si prova materiale:

sendi i përdorur për kërcënim (i ngjashëm me armë zjarri),

maskat dhe veshjet e përdorura gjatë grabitjes,

automjeti me targa të mbuluara,

shuma e vjedhur e parave,

si dhe celularët në përdorim nga autorët.

Hetimet paraprake tregojnë se pas kryerjes së grabitjes, autorët kanë tentuar të fshehin gjurmët duke hedhur sendet e përdorura në një zonë me shkurre në fshatin Mirakë, ku më pas u gjetën dhe u sekuestruan nga Policia.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Elbasan, ku ndaj të arrestuarve rëndojnë akuzat për veprat penale “Vjedhje me armë”, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe municionit”.

Policia e Shtetit garanton qytetarët për angazhimin maksimal në parandalimin dhe goditjen e çdo paligjshmërie, si dhe fton ata të denoncojnë çdo rast të ngjashëm në numrin 112 apo në Komisariatin më të afërt.

DVP Elbasan/ Finalizohet operacioni policor i koduar “Hijet”

Të maskuar dhe nën kërcënimin e një sendi të ngjashëm me armë zjarri, vodhën me dhunë lekët e xhiros ditore në një karburant, por falë reagimit të menjëhershëm të strukturave të Drejtorisë Vendore të Policisë Elbasan, në bashkëpunim me Komisariatin e Policisë Librazhd, u identifikuan, kapën dhe u arrestuan menjëherë pas krimit, dy autorët e dyshuar.

Sekuestrohen sendi që u përdor për kanosje, maskat dhe veshje të tjera të përdorura gjatë krimit, paratë e vjedhura, automjeti me targa të mbuluara që përdorën dy shtetasit, si dhe celularët në përdorim nga këta shtetas.

Menjëherë pas njoftimit të marrë për vjedhjen me dhunë të ndodhur në një karburant në Librazhd, nga Seksioni për Hetimin e Krimeve ndaj Pasurisë, në bashkëpunim me Sektorin për Hetimin e Krimeve të Rënda, Komisariatin e Policisë Librazhd dhe Forcën e Posaçme “Shqiponja”, si rezultat i administrimit të shpejtë të informacionit të siguruar në rrugë operative dhe koordinimit në kohë reale të shërbimeve, u organizua dhe u finalizua operacioni policor i koduar “Hijet”.

Në kuadër të operacionit, pak minuta pas ngjarjes, u bë e mundur identifikimi, kapja dhe vënia në pranga e dy autorëve të dyshuar: shtetasit D. I., 23 vjeç, dhe D. S., 19 vjeç, të dy banues në Elbasan.

Nga veprimet hetimore dyshohet se më datë 15.09.2025, rreth orës 23:00, shtetasit D. S. dhe D. I., të cilët qarkullonin me një automjet me targa të mbuluara, kanë shkuar në karburantin në hyrje të Librazhdit. Të maskuar dhe me një send të ngjashëm me armë zjarri pistoletë, ata kanë kanosur punonjësin e subjektit, i kanë marrë xhiron ditore dhe janë larguar me shpejtësi.

Pasi janë larguar nga vendngjarja, për të fshehur autorësinë, kanë hedhur në shkurret e fshatit Mirakë sendin e përdorur për kanosje, maskat dhe veshjet e tyre.

Gjatë operacionit, shërbimet e Policisë kanë bërë të mundur gjetjen e këtyre sendeve, të cilat u sekuestruan në cilësinë e provës materiale, së bashku me lekët e vjedhura, celularët dhe automjetin e shtetasve të arrestuar.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprat penale “Vjedhje me armë”, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe municionit”.

Paskuqan, Tiranë – Një konflikt familjar ka përfunduar në gjak këtë të mërkurë paradite.
Dy të rinj, Zenel dhe Alfrons Miftari, mbetën të plagosur me thikë pas një sherri me vëllain e tyre të madh, Elis Miftari. Ky i fundit dyshohet se i ka goditur disa herë me mjetin prerës dhe më pas ka tentuar të largohet nga vendi i ngjarjes.

Shërbimet e Komisariatit Nr. 5 ndërhynë menjëherë pas marrjes së njoftimit, duke bërë të mundur identifikimin dhe ndalimin e 29-vjeçarit Elis Miftari. Ai është shoqëruar në polici, ndërsa grupi hetimor po kryen veprimet procedurale për akuzat e rënda që pritet të përballet.

Dy vëllezërit e plagosur, Zenel (27 vjeç) dhe Alfrons (20 vjeç), u dërguan në spital dhe ndodhen nën kujdesin e mjekëve. Sipas burimeve, ata janë jashtë rrezikut për jetën. Materialet e çështjes i kaluan Prokurorisë për veprime të mëtejshme.

“Rreth orës 11:00, në rrugën e Paskuqanit, dyshohet se pas një konflikti të çastit, për motive të dobëta, shtetasi E. M., 29 vjeç, ka plagosur me mjet prerës (thikë), vëllëzërit e tij shtetasit Z. M., 27 vjeç dhe A. M., 20 vjeç.

Pas marrjes së njoftimit, shërbimet e Komisariatit të Policisë Nr. 5, kanë shkuar menjëherë në vendngjarje ku si rezultat i veprimeve të shpejta kanë bërë të mundur identifikimin dhe kapjen e autorit të dyshuar, shtetasit E. M., dhe shoqërimin e tij, në Komisariat, për veprime të mëtejshme procedurale”, njofton Policia.

Motër e vëlla, binjakë, kanë rënë në prangat e policisë së Beratit, pasi akuzohen se shisnin kokainë në qytetin e Dimalit.

Burime zyrtare bënë me dije se pas hekurave ranë shtetasit F. T., 21 vjeç dhe F. T., 21 vjeçe, banues në Dimal.

DVP Berat/Finalizohet operacioni policor antidrogë, i koduar “Dimal 2″.

Shitnin doza Kokaine në qytetin e Dimalit, arrestohen në flagrancë 2 shtetas (vëlla e motër).

Sekuestrohen një sasi Kokaine e ndarë në doza, gati për shitje, 1 peshore elektronike, shuma parash, 1 automjet dhe 1 celular.

Si rezultat i administrimit të shpejtë të informacioneve të siguruara në rrugë operative, për një rast të shitjes së drogave të forta, në doza, në Dimal, specialistët e Seksionit për Hetimin e Narkotikëve, në bashkëpunim me shërbimet e Forcës Operacionale, finalizuan operacionin e koduar “Dimal 2”.

Në kuadër të operacionit u arrestuan shtetasit F. T., 21 vjeç dhe F. T., 21 vjeçe, vëlla e motër, të dy banues në qytetin e Dimalit, pasi dyshohet se shitnin doza Kokaine në këtë qytet.

Gjatë kontrollit në automjetin që përdornin këta shtetas dhe kontrollit në banesën e tyre, u gjetën doza Kokaine, 1 peshore elektronike, shuma parash dhe 1 celular, të cilat u sekuestruan në cilësinë e provës materiale, bashkë me automjetin.

Materialet procedurale iu referuan Prokurorisë së Beratit, për veprime të mëtejshme.

Fier, 27 Gusht 2025 – Policia e Shtetit ka finalizuar tre operacione të njëpasnjëshme, të koduara “Operacionalja 61”, “Operacionalja 62” dhe “Operacionalja 63”, duke vënë në pranga tre persona të shpallur në kërkim ndërkombëtar nga autoritetet italiane.

Të arrestuarit janë:

K. Sh., 24 vjeç, banues në Fier;

A. M., 29 vjeç, banues në Fier;

E. F., 22 vjeç, banues në Fier.

Sipas Policisë, këta shtetas akuzohen si anëtarë të një organizate kriminale që merrej me trafikimin e lëndëve narkotike në Itali. Ata ishin shpallur në kërkim pas vendimit të Gjykatës së Riminit, e cila iu ka caktuar masën e sigurisë “Arrest në burg” për veprat penale “Organizata kriminale” dhe “Trafikimi i narkotikëve”.

Hetimet e autoriteteve italiane tregojnë se gjatë periudhës qershor–dhjetor 2024, të dyshuarit, në bashkëpunim me persona të tjerë, kanë blerë dhe shpërndarë sasi të mëdha droge në qytetin e Riminit. Për këtë aktivitet kriminal, ata përballen me një dënim maksimal prej 10 vjetësh burgim.

Aktualisht, Interpol Tirana, në bashkëpunim 

Policia e Sarandës ka identifikuar dhe arrestuar autorët e një sherri të dhunshëm të ndodhur një ditë më parë në qytetin bregdetar, ku mbetën të plagosur rëndë një nënë dhe djali i saj.

Ngjarja u shënua në një parkim në lagjen nr. 4, ku 6 persona u përfshinë në konflikt. Sipas hetimeve, nënë e bir, N.A. dhe E.A., u goditën me grushte, shkopinj dhe sende të forta, duke pësuar plagë të shumta. Ata u transportuan menjëherë me autoambulancë në spitalin e Sarandës dhe fatmirësisht ndodhen jashtë rrezikut për jetën.

Policia fillimisht shoqëroi 4 persona, ndërsa më pas arrestoi në flagrancë dy prej tyre – vëllezërit Romeo Laze (45 vjeç) dhe Fabion Laze (39 vjeç), të cilët akuzohen për veprën penale “plagosje e rëndë me dashje në bashkëpunim”.

Dy vëllezërit janë persona me precedentë të shumtë penalë në Sarandë.

Në vitin 2011 u akuzuan për plagosjen e dy vëllezërve Avdiu.

Në vitin 2014, Fabion Laze u arrestua për “prodhim dhe shitje të lëndëve narkotike”.

Në vitin 2015, Romeo Laze u arrestua për “dhunë në familje” dhe “dëmtime të tjera me dashje”.

Në vitin 2021, Romeo u arrestua sërish për trafik droge.

Në shkurt 2025, Prokuroria e Sarandës i sekuestroi 2 pasuri, 2 automjete dhe një biznes.

Fabion Laze, gjithashtu, ka precedentë penalë edhe jashtë vendit në fushën e narkotikëve

Shqiperia po perballet me nje situate te renduar nga zjarret nderkohe qe autoritetet kane reaguar duke nisur arrestimet.

Pjese e tyre ishin edhe keto pamje qe publikoi kryeministri Edi Rama dhe qe tregojne nje rast zjarrvenie te qellimshem ne Berat.

Tetë zjarrvënës janë arrestuar nga policia në disa qytete të ndryshme, pasi veprimet e tyre shkaktuan djegien e disa hektarëve tokë arë, pemëve të ullirit dhe bimësisë së ndryshme. Në disa raste, u rrezikuan edhe banesat dhe jetët e qytetarëve.

Në Krujë, policia identifikoi dhe arrestoi një 19-vjeçar me precedent për drogë, i cili, megjithëse ishte me masë arrest në shtëpi, e shkel këtë masë dhe i vuri zjarrin një sipërfaqe toke në fshatin Barkanesh, pas një konflikti me fqinjët për motive pronësie.

Po ashtu, dy persona të tjerë u arrestuan pasi ndezën zjarre në Parkun Kombëtar të Vjosës dhe në Lushnjë.

Nga policia e Fierit, një 61-vjeçar nga fshati Cakran akuzohet për veprat penale “Shkatërrim i pronës me zjarr” dhe “Dëmtimi i habitateve në zonat e mbrojtura mjedisore”, pasi dyshohet se ndezi zjarr në luginën e lumit Vjosa.

Si pasojë e përhapjes së flakëve u dogj një sipërfaqe e konsiderueshme toke arë, 300 pemë ulliri dhe bimësi e ndryshme e parkut kombëtar.

Ndërsa në fshatin Dushk të Lushnjës, një 58-vjeçar ndezi zjarr në tokën e tij, duke djegur sipërfaqe toke dhe penguar zjarrfikësit për të shuar flakët.

Në Berat, policia arrestoi katër persona pasi ndezën zjarr në lagjen “Uznovë” dhe në fshatrat Osmëzezë dhe Drenovicë.

Nga video e publikuar nga uniformat blu shihet se një nga zjarrvënësit është kapur nga kamerat e sigurisë, teksa ecën në rrugë dhe kthen kokën për të kontrolluar nëse ka ndonjë person që mund ta shohë.

Si pasojë e zjarreve u rrezikuan banesa dhe sera, si dhe u dogjën sipërfaqe toke dhe pemë frutore. Në pranga u vunë Shefqet Dodoveci, Zaçe Merkaj, Safet Manaj dhe Lefter Begaj.

Nga ana tjeter, Bashkim Lika, 62-vjeç, u arrestua nga policia në Memaliaj, pasi vendosi zjarr në zonën e pyllëzuar të fshatit Iliras. Si pasojë e përhapjes së flakëve u dogj territori i fshatit Koshtan, rreth 400 pemë frutore dhe 3 banesa, aktualisht të pabanuara.

Policia ka arrestuar dy persona të dyshuar si autorë të zjarrvënieve që shkaktuan dëme në Divjakë dhe Mallakastër.

Në Divjakë u ndalua 65-vjeçari Koçi Allkanjari, banues në fshatin Korije, i cili kishte ndezur zjarr për të djegur mbeturina në një tokë me qira. Flakët dolën jashtë kontrollit dhe dogjën 170 rrënjë ulliri në pronësi të një shtetasi tjetër.