DRENOVË- Shërbimi i Kontrollit të Brendshëm të Burgjeve ka vënë në pranga shefin e Policisë së burgut të Drenovës, Mariglen Kadiun.

Burime nga Burgu i Drenovës tregojnë se arrestimi i tij ka të bëjë me ngjarjet e fundit ne burgun e Peqinit, ku pas një konflikti mes të burgosurve, mbeti i vdekur Arben Lleshi dhe u plagos Indrit Shaqja. Kadiu e kishte marrë detyrën e Shefit të Policisë në burgun e Drenovës rreth 8 muaj më parë.

Kujtojmë se 12 persona janë vënë në pranga pas rastit të rëndë në burgun e Peqini. Një ndër të arrestuarit është edhe drejtori i komanduar i burgut, Kamber Hoxha.