U kap në flagrancë gjatë tentativës për të vjedhur 1 automjet në lagjen “Beqir Dardha”, vihet në pranga 56-vjeçari. Sekuestrohet sendi metalik i përdorur për të hapur derën e automjetit.

Shërbimet e Komisariatit të Policisë Elbasan, sapo janë njoftuar për një tentativë vjedhjeje të një automjeti tip “Mercedes Benz ML”, në lagjen “Beqir Dardha”, kanë organizuar punën dhe kanë shkuar në vendngjarje.

Materialet procedurale iu referuan Prokurorisë pranë Gjykatës së Juridiksionit të Përgjithshëm Elbasan, për veprime të mëtejshme

Një aktakuzë u bë publike dje në një gjykatë federale në Brooklyn, duke akuzuar Fatjon Shytanin, një shtetas shqiptar që jeton në Bronx, për drejtimin e një operacioni kontrabande për të sjellë emigrantë të paligjshëm nga Kanadaja në Shtetet e Bashkuara.

Ai u arrestua të dielën dhe u paraqit në gjykatë pasditen e djeshme përpara gjyqtares Lois Bloom.

Ky rast është pjesë e përpjekjeve të qeverisë amerikane për të luftuar krimet e lidhura me imigracionin dhe mund të rezultojë në një dënim deri në 10 vjet burgim nëse Shytani shpallet fajtor.

Autoritetet kanë theksuar rëndësinë e bashkëpunimit mes agjencive të ndryshme të zbatimit të ligjit në SHBA, Kanada dhe Shqipëri për këtë hetim.

Prokurori i Shteteve të Bashkuara për Distriktin Lindor të Nju Jorkut, John J. Durham, dhe Christopher G. Raia, Drejtor Ndihmës i FBI-së në Zyrën e Nju Jorkut, njoftuan arrestimin.

“Siç pretendohet, Shytani komplotoi për të kontrabanduar emigrantë të paligjshëm në Shtetet e Bashkuara për përfitim financiar, por u pengua nga puna e shkëlqyer e partnerëve tanë të zbatimit të ligjit”, sipas deklaratës për shtyp.

Ky rast thekson përpjekjet e qeverisë federale për të luftuar krimet e lidhura me imigracionin, pasi Shytani përballet me një dënim të rëndë që mund të shkojë deri në 10 vjet burgim nëse shpallet fajtor për kontrabandë dhe komplot për transport të paligjshëm.

Në një operacion të fshehtë, Shytani pranoi një pagesë prej 14,000 dollarësh nga një agjent i maskuar si klient që kërkonte të kontrabandonte partnerin e tij nga Kosova në Shtetet e Bashkuara. Transaksioni përfshinte marrëveshje të detajuara për kalimin ilegal të kufirit SHBA-Kanada, por Shytani u mashtrua nga agjentët e fshehtë që ishin pjesë e operacionit.

“Fatjon Shytani, një shtetas shqiptar, dyshohet se ka lehtësuar hyrjen e paligjshme të shtetasve të huaj në Shtetet e Bashkuara në këmbim të pagesave me para,” tha Raia në njoftimin zyrtar të Prokurorit të SHBA-së.

Ky rast është pjesë e kontekstit më të gjerë të Operacionit Take Back America, një nismë që synon të luftojë imigracionin e paligjshëm dhe krimin transnacional.

Prokurorët Ndihmës të Shteteve të Bashkuara, Andrew Roddin, Stephanie Pak dhe Kate Mathews, po drejtojnë ndjekjen penale kundër Shytanit, veprimet e dyshuara të të cilit minojnë procesin e imigracionit dhe paraqesin rreziqe për sigurinë kombëtare./Justice

Një 44-vjeçar i shpallur në kërkim nga SPAK është arrestuar sot në Tiranë. Mësohet se shtetasi me iniciale R.Ç., akuzohet nga Prokuroria e Posaçme për veprën penale korrupsion aktiv.

“Specialistët për Hetimin e Krimeve Ekonomiko-Financiare bënë ekzekutimin e vendimit të Gjykatës së Posaçme të Shkallës së Parë për Korrupsionin dhe Krimin e Organizuar Tiranë për shtetasin në kërkim R. Ç., 44 vjeç, banues në Tiranë.

Për këtë shtetas, Gjykata e Posaçme e Shkallës së Parë për Korrupsionin dhe Krimin e Organizuar ka vendosur masën e sigurisë “Arrest me burg” si i dyshuar për kryerjen e veprave penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë” dhe “Ushtrimi i ndikimit të paligjshëm ndaj personave që ushtrojnë funksione publike”.

Materialet procedurale i kaluan SPAK-ut, për ndjekje të mëtejshme”, njofton policia.

Policia shtetit ka kryer një operacion ne Kurbin.

Burimet mediatike janë angazhur forcat operacionale ku dhe kanë arrestuar një shtetas të shpallur në kerkim nderkombetar

Bëhet fjalë për shtetasin Ylli Zherri, pasi ndaj tij është caktuar masa e sigurisë arrest në burg nga Gjykata Varezes Itali, për organizatë kriminale, trafikim i lëndëve narkotike.

Një 24-vjeçar me iniciale A.B. është vënë në pranga për veprën penale “moskallëzimi i krimit” pasi nuk ka dhënë deklarim të plotë në Polici në lidhje me rrethanat e plagosjes së tij me armë zjarri në këmbë ditën e djeshme në Shkodër.

“Ky shtetas gjatë veprimeve hetimore për zbardhjen e rrethanave dhe dokumentimin ligjor të ngjarjes nuk dha deklarime të plota në lidhje me rrethanat dhe autorin e plagosjes së tij në këmbë me armë zjarri”, njofton policia.

Në vijim të veprimeve, Policia ka shpallur në kërkim 22-vjeçarin me iniciale E. Sh., për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Plagosja e rëndë nga pakujdesia”, i cili dyshohet se ka plagosur nga pakujdesia shokun e tij, 24-vjeçarin me iniciale A. B.

“Vijon puna për kapjen e 22-vjeçarit. Materialet procedurale i kaluan Prokurorisë për veprime të mëtejshme”, njofton policia.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

TIRANË- Agjencia e Mbikëqyrjes policore ka bërë me dije se ka vënë në pranga dy punonjës policie. Mësohet se i arrestuari i parë është inspektori me inicialet L.T i cili u vendos në pranga pasi shkaktoi një aksident nën efektin e alkoolit. I arrestuari është me detyrë në Patrullën e Përgjithshme në Komisariatin e Policisë Mirditë. Ai akuzohet për veprën penale “Drejtim i mjetit në mënyrë të parregullt”.

Punonjësi i dytë i policisë i vënë në pranga është inspektori me inicialet J. R. me detyrë Trupë shërbimi në Komisariatin e Policisë Gjirokastrës. Mësohet se ai është vënë në pranga pasi ka shkelur urdhin e mbrojtjes ndërsa i ka vjedhur ish-bashkëshortes një një valixhe ku ndodheshin një sasi prej 5 milionë lekësh. Nga kontrolli i banesës së tij në qytetin e Gjirokastrës, u gjetën dhe u sekuestruan një sasi prej 287 fishekësh pistolete të tipit TT, një dorezë metalike, një krehër me 7 fishekë dhe 1 palë pranga.

Njoftimi i plotë i MP-së:

AMP arreston në flagrancë dy punonjës policie. Agjencia e Mbikëqyrjes policore (Rajoni Shkodër – Lezhë) ka arrestuar në flagrancë punonjësin e policisë Inspektor L.T., me detyrë Paturllë e Përgjithshme në Komisariatin e Policisë Mirditë, i dyshuar për kryerjen e veprës penale “Drejtim i mjetit në mënyrë të parregullt”.

Punonjësi i policisë gjatë drejtimit të mjetit në “Rugën e Kombit” është përplasur me një automjet tjetër duke shkaktuar dëme materiale. Nga verifikimi me testin matës të alkolit rezultoi pozitiv. Gjithashtu Agjencia e Mbikëqyrjes Policore (Rajoni Vlorë-Gjirokastër) ka arrestuar në flagrancë punonjësin e policisë Inspektor J. R., me detyrë Trupë shërbimi në Komisariatin e Policisë Gjirokastrës, i dyshuar për veprat penale “Vjedhja”, “Dhuna në familje”, “Mbajtja pa leje dhe prodhimi i armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.

Ish- bashkëshortja ka denoncuar punonjësin e policisë për shkelje të urdhërit të mbrojtjes, duke i vajtur në banesë dhe gjithashtu i ka marrë një valixhe ku ndodheshin një sasi prej 5 milionë lekësh. Pas marrjes së kallëzimit, u kryen veprimet hetimore dhe nga kontrolli në banesën e shtetasit SH. A. (kunati i punonjësit të policisë J. R.) u gjend valixhja dhe një portofol me shumën prej 8 000 Euro, të cilat u sekuestruan në cilësinë e provës materiale.

Në vazhdim të veprimeve nga kontrolli i banesës së tij në qytetin e Gjirokastrës, u gjetën dhe u sekuestruan një sasi prej 287 fishekësh pistolete të tipit TT, një dorezë metalike, një krehër me 7 fishekë dhe 1 palë pranga. AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave mbikëqyrëse, duke telefonuar në numrin e gjelbër 0800 9090, ose duke dërguar Email në adresën ankesa@amp.gov.al.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Vidhnin varëse floriri në Tiranë, policia arreston dy të rinjtë. Finalizohet nga Komisariati i Policisë Nr. 1, operacioni policor i koduar “Necklace”.

I vodhën varësen e floririt një shtetaseje, identifikohen dhe arrestohen dy autorët e dyshuar.

‘Shërbimet e Komisariatit të Policisë Nr. 1, pas marrjes së njoftimit se dy persona i kishin vjedhur varësen një shtetaseje, në Rrugën e Elbasanit, menjëherë kanë organizuar dhe finalizuar operacionin policor të koduar “Necklace”, për identifikimin dhe kapjen e autorëve të dyshuar.

Si rezultat i punës dhe veprimeve të shpejta hetimore, nga specialistët për Hetimin e Krimeve në Komisariatin e Policisë Nr. 1, u identifikuan, kapën dhe ndaluan shtetasit D. M., 23 vjeç, dhe L. M., 21 vjeç, të dy banues në Tiranë.

Këta shtetas, në bashkëpunim me njëri-tjetrin, më datë 15.08.2024, në Rrugën e Elbasanit, i kanë vjedhur varësen një shtetaseje dhe më pas janë larguar.

Në cilësinë e provës materiale u sekuestruan varësja e vjedhur, një aparat celular dhe veshjet që këta shtetas kanë përdorur gjatë kryerjes së vjedhjes.

Materialet i kaluan Prokurorisë, për veprime të mëtejshme procedurale’, njofton policia.

Një plagosje me thikë ka ndodhur këtë pasdite në Tiranë. Një person ka qëlluar me thikë një tjetër në Bulevardin e Ri.

Policia ka bërë të mundur arrestimin e autorit, Armando Jakupi 42 vjeç, i cili ka plagosur shtetasin A.Z., 26 vjeç. Ky i fundit ndodhet në spital në kujdesin e mjekëve.

Autori i ngjarjes i kapur nga efektivët e Komisariatit nr.3 dyshohet se ka qenë në efektin e alkoolit dhe sipas policisë plagosja ka ndodhur për motive të dobëta.

‘Shërbimet e Komisariatit të Policisë Nr. 3, pas marrjes së njoftimit se në rrugën “Reshit Petrela”, sot rreth orës 20:00, kishte ndodhur një konflikt gjatë të cilit ishte dëmtuar me mjet prerës një shtetas, kanë organizuar menjëherë punën për kapjen e autorit dhe vënien e tij përpara përgjegjësisë ligjore.

Si rezultat i veprimeve të shpejta policore, u kap dhe u arrestua shtetasi A. J., 42 vjeç, banues në Tiranë.

Nga veprimet hetimore dyshohet se 42-vjeçari, gjatë një konflikti për motive të dobëta, ka plagosur me mjet prerës shtetasin A. Z., 26 vjeç, i cili ndodhet në spital, nën kujdesin e mjekëve.

Materialet i kaluan Prokurorisë për veprime të mëtejshme’, njofton policia.

Dy shqiptarë janë arrestuar mëngjesin e djeshëm në Itali. Ata kishin zgjedhur parkingun nëntokësor të një zonë tregtare në Torri di Quartesolo si një pikë takimi për trafikun e tyre të drogës të cilët u arrestuan nga agjentët e Seksionit të Narkotikëve të Skuadrës Fluturuese të Vicenzës. Mësohet se shqiptarët e arrestuar janë G. E 45 vjeç dhe A. I 34 vjeç. Operacioni u zhvillua mëngjesin e djeshëm, gjatë një operacioni kontrolli që synonte luftimin dhe shtypjen e trafikut të drogës në Vicenza dhe provincë.

Hetuesit e Skuadrës Fluturuese vunë re dy makina që vinin në një distancë të shkurtër nga njëra-tjetra dhe parkonin afër njëra-tjetrës në një zonë të izoluar të parkingut nëntokësor, dhe pak më pas dy burrat, pas një bisede të shkurtër, filluan të shkëmbejnë një sërë pakosh të vogla. Prandaj oficerët ndërhynë, ndaluan dhe identifikuan dy burrat dhe më pas verifikuan përmbajtjen e asaj që ata kishin tentuar të shkëmbenin.

Pas analizave specifike të kryera nga Policia Shkencore e Komisariatit të Policisë Vicenza, u konstatua se pakot përmbanin lëndë narkotike të llojit kokainë, me një peshë totale bruto rreth 13 kilogramë. Një sasi dukshëm e madhe lënde narkotike, aq sa agjentët e narkotikëve vendosën të vijojnë me kontrollet personale dhe në shtëpi të të dy të arrestuarve, të cilët u shfaqën dukshëm të pakënaqur nga kontrolli.

Në shtëpinë e njërit prej të dyve, me vendbanim në provincë, janë gjetur dhe sekuestruar rreth 36.000 euro, të ndara në kartëmonedha të prerjeve të ndryshme. Operatorët e Skuadrës Fluturuese arrestuan në flagrancë dy shqiptarët për veprën penale të mbajtjes së lëndëve narkotike të destinuara për shitje.

Ndërsa sulmoi Prokurorinë e Posaçme, Kreu i Partisë së Lirisë, Ilir Meta tha se partia që drejton kërkon një reformë në drejtësi që arreston Edi Ramën.

“Jemi për reformën në drejtësi që arreston Edi Ramën. Sepse Edi Ramën e ka paralajmëruar drejtori i prokurimeve me firmë dhe vulë që vendimet janë të paligjshme për 17 vendimet që futi në qeveri. Kurrë në qeverinë time nuk është miratuar ndonjë pr/ligj nëse ndonjë ministër ka qenë kundër.

Të vetmet që janë shtyrë katër herë janë fasadat e fasadaxhiut sepse nuk dinte të bënte dhe kur nuk dinte të bënte letrat atëherë, mendoni ju se çfarë bën sot me këto kukullat që as nuk i llogarit fare”,