Autoritetet amerikane të imigracionit kanë kryer një operacion të gjerë në një fabrikë të Hyundai në shtetin e Georgia, duke arrestuar mbi 450 persona, shumica të dyshuar si imigrantë të paligjshëm.

Bastisja u zhvillua në një impiant të madh prodhimi, i ndërtuar për automjete elektrike dhe funksional prej një viti. Sipas Departamentit të Sigurisë Kombëtare të SHBA-së, urdhri i kërkimit u ekzekutua për dyshime mbi praktika të paligjshme punësimi dhe krime të tjera federale.

Në operacion morën pjesë disa agjenci amerikane, përfshirë Zbatimin e Imigracionit dhe Doganave (ICE) dhe Byronë për Alkoolin, Duhanin, Armët dhe Eksplozivët (ATF). ATF njoftoi se bastisja u zhvillua në një zonë industriale prej 3,000 akrash në Qarkun Bryan, ku u arrestuan qindra të huaj.

Ministria e Jashtme e Koresë së Jugut konfirmoi se mes të ndaluarve ishin edhe shtetas koreano-jugorë, duke e cilësuar aksionin si një “shkelje të padrejtë të të drejtave të tyre”. Sipas Seulit, aktivitetet ekonomike të kompanive koreane dhe të drejtat e qytetarëve nuk duhet të preken gjatë operacioneve ligjzbatuese në SHBA.

Hetimet vazhdojnë, ndërsa autoritetet amerikane nuk kanë dhënë ende detaje për akuzat e plota ndaj fabrikës ose përfaqësuesve të saj.

Detaje të reja mësohen nga operacioni policor që po zhvillohet këtë mbrëmje në zonën e Shkozetit në Durrës.

Aktualisht janë shoqëruar disa persona, të cilët konsiderohen si persona me rrezikshmëri të lartë. Ndërsa dy persona janë arrestuar pasi u është gjetur armë zjarri me vete.

Sipas burimeve policore, dy personat e ndaluar janë përsëritës të kësaj vepre penale dhe po hetohet nëse janë të përfshirë në ngjarje të tjera kriminale.

Në këtë aksion janë angazhuar një numër i madh efektivësh nga sektorë të ndryshëm të Drejtorisë së Policisë së Qarkut Durrës.

TIRANË- Dy autorët të vrasjes së Renis Dobrës janë arrestuar nga policia disa ditë pas ngjarjes së rëndë. Mësohet se gjithashtu është shoqëruar në polici e dashura e një prej autorëve të arrestuar.

Vajza e shoqëruar është e dashura e Fatjon Bushgjokës. Ajo mësohet se u shoqërua gjatë operacionit për arrestimin e Fatjon Bushgjokës, i cili u vendos në pranga në Tiranë. Mësohet se ajo nuk është e implikuar në vrasje, por mund të pyetet mbi lëvizjet e tij. Gjithashtu në lidhje me ngjarjen janë shpallur në kërkim dz vëllezërit e Bushgjokës, Kristi dhe Aleksandër Bushgjoka.

Si ndodhi ngjarja

Babai i Renisit, kallzoi në komisariat pasi nuk ka mundur të lidhet me të birin për disa orë. Menjëherë pas kallëzmit në komisariat efektivët nisën kërkimet. Pas disa orëve kërkime u bë me dije se trupi i 23-vjeçarit Renis Dobra u gjet pranë liqenit të Shkopetit, në fshatin Madhesh të Matit. Automjeti me të cilin i riu kishte dalë nga shtëpia kishte rënë në ujë. Një grup i posaçëm hetimor në drejtimin e Prokurorisë po heton për një vrasje të mundshme, pasi në trupin e të ndjerit u gjetën gjurmë të mbytjes me litar, pasi ka shenja të dukshme në qafë.

Policia e Gramshit ka arrestuar shtetasit S. B., 41 vjeç dhe S. D., 53 vjeç, në lidhje me ngjarjen tragjike në fshatin Tërvol, ku humbi jetën H. D.

Gjatë hapjes së një pusi me fadromë, dyshohet se një masiv dheu ka rrëshkitur mbi viktimën, duke e zënë poshtë.

Arrestimet u kryen për veprat penale “Shkelja e rregullave të mbrojtjes në punë” dhe “Ndërtimi i paligjshëm”.

Policia belge njoftoi të martën, më 27 maj 2025, shkatërrimin e një rrjeti italo-shqiptar të trafikut të drogës që importonte kokainë nga Kolumbia në Evropë, veçanërisht nëpërmjet portit francez të Le Havre (Seine-Maritime).

Hetimi filloi në vitin 2022 me përgjimin nga policia belge të të dhënave të dyshimta të ndara në shërbimin e mesazheve të koduara Sky ECC.

Hetimi filloi në Itali, i udhëhequr nga Karabinierët e Borgo San Lorenzo, në rajonin e Firences.

Informacioni që ata i komunikuan Europolit nxori në pah elementë që konvergojnë me një hetim të kryer nga PJF e Brabantit Ëalloon.

Më pas, u vendos bashkëpunimi ndërkombëtar nëpërmjet Europolit me mbështetjen e rrjetit @ON, i financuar nga Bashkimi Evropian dhe i udhëhequr nga Direzione Investigava Antimafia (DIA) italiane.

Doli se dy organizata kriminale po “punonin” së bashku në këtë rast: një organizatë shqiptare që kishte kontakte në Kolumbi dhe importonte pastë kokaine në Evropë, veçanërisht nëpërmjet porteve të Antverp në Belgjikë dhe Le Havre në Francë, dhe një organizatë italiane me seli në Brabantin Ëalloon.

Kjo kompani ishte përgjegjëse për “logjistikën”: kokaina përpunohej në një laborator në Ëalloon Brabant, më pas fshihej në automjete për t’u dërguar në disa vende evropiane, kryesisht në Itali, Gjermani dhe Holandë.

Hetimi, i cili zgjati 684 ditë (më shumë se 15,500 orë punë), çoi në 11 kërkime dhe 14 arrestime për të çmontuar këtë rrjet.

Gjithashtu, zbuloi një skemë të sofistikuar pastrimi parash.

Për zyrtarët, këto rezultate tregojnë rëndësinë e bashkëpunimit ndërkombëtar në luftën kundër krimit të organizuar.

Gjatë hetimeve për këtë operacion janë sekuestruar sasi të konsiderueshme kokaine, përfshirë 667 kg kokainë në portin e Le Havre.

Lezhë, 12 prill 2025 – Policia e Lezhës ka identifikuar dhe ndaluar personat e përfshirë në një konflikt të dhunshëm të ndodhur mesditën e djeshme, më 11 prill, në qytetin e Lezhës. Ngjarja, e ndodhur rreth orës 12:02, nisi fillimisht si një përplasje fizike dhe më pas eskaloi në dhunë me mjete të forta dhe përplasje me automjet.

Në vijim të hetimeve të thelluara nga Specialistët për Hetimin e Krimeve të Komisariatit të Policisë Lezhë, në bashkëpunim me Forcën e Posaçme “Shqiponja” dhe Forcën Kombëtare të Sigurisë, Njësia Shkodër, u arrestuan në flagrancë dy shtetas:

Fatjon Gjini, 34 vjeç, për veprat penale “Plagosje e rëndë me dashje” kryer në bashkëpunim, “Veprime që pengojnë zbulimin e së vërtetës”, “Prishja e qetësisë publike” dhe “Deklaratë e rreme përpara oficerit të policisë gjyqësore”;

Ervin Nika, 37 vjeç, për veprat penale “Plagosje e rëndë me dashje” kryer në bashkëpunim, “Veprime që pengojnë zbulimin e së vërtetës” dhe “Prishja e qetësisë publike”.

Ndërkohë, janë shpallur në kërkim katër shtetas:

Redian Margjonaj, 20 vjeç, banues në Tale

Kevin Ndoka, 20 vjeç

A. D., 15 vjeç

A. M., 17 vjeç

Sipas Policisë, konflikti nisi pasi Fatjon Gjini dhe Ervin Nika goditën me mjete të forta Redian Margjonajn. Ky i fundit, bashkë me tre shokët e tij (të shpallur në kërkim), reaguan duke përplasur automjetin mbi Fatjon Gjinin dhe më pas e goditën atë me mjete të forta, duke i shkaktuar dëmtime fizike.

Policia e Lezhës po vijon punën për kapjen e personave në kërkim dhe për dokumentimin e plotë të kësaj ngjarjeje. Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.

Mijëra protestues të partisë ultra-nacionaliste “Ringjallja” në Bullgari dhunuan dhe tentuan të hynin në ndërtesat e Komisionit Evropian dhe Parlamentit Evropian. Protestuesit lyen me bojë të kuqe fasadën e ndërtesave dhe tentuan t’i vënë flakën hyrjes. Gjithashtu hodhën dhe fishekzjarre, vezë dhe balona të mbushuar me bojë të kuqe.

Menjëherë në vendngjarje arritën autoritet dhe policia dhe raportohet se të paktën 10 policë janë lënduar dhe 6 persona janë arrestuar.

Në një konferencë për mediat zv.shefi i departamentit rajonal të MPB-së, Stefan Ivanov tha se protesta para ndërtesës së Komisionit Evropian dhe Parlamentit Evropian nuk është autorizuar. Ai shtoi edhe se forcat policore kanë marrë masa për mbrojtjen e objekteve.

“Skena të furishme në Sofje, ku u vandalizua zyra e BE-së. Në Evropë, ne ushtrojmë të drejtën për të demonstruar në mënyrë paqësore. “Dhuna dhe vandalizmi nuk janë kurrë zgjidhje”, ka thënë presidentja e Komisionit Europian, Ursula von der Leyen.

Policia Rrugore në Pogradec ka zbardhur aksidentin e rëndë që ndodhi në aksin rrugor “Korçë-Pogradec”, ku një 40 vjeçar i identifikuar si Florant Palla u aksidentua për vdekje nga një automjet, ndërsa drejtuesi u largua nga vendi i ngjarjes bashkë me mjetin e tij.

Drejtuesi i automjetit, i arrestuar nga policia është Gentjan Capo, 38 vjeç.

Njoftimi zyrtar nga Policia

“Në vijim të informacionin paraprak të dhënë ditën e djeshme, ku në aksin rrugor “Korçë-Pogradec”, tek vendi i quajtur “Ura e Leshnicës”, u gjet i pajetë shtetasi F. P. 40 vjeç dhe paraprakisht u dyshua për aksident rrugor, grupi hetimor nën drejtimin Prokurorisë vijoi veprimet hetimore për identifikimin e drejtuesit të mjetit, që shkaktoi aksidentin.

Pas një pune intensive të bërë nga Sektori i Policisë Rrugore, që nga mbrëmja e djeshme me këqyrje te kamerave qe ndodheshin ne aksin rrugor Korçë-Pogradec, kontrolle me dron dhe dylbi të territorit te fshatrave dhe zonave të banuara përreth vendndodhjes se aksidentit dhe informacioneve të marra ne rruge operative, u bë e mundur që rreth rreth orës 16:40, të lokalizohej nëpërmjet dronit automjeti tip “Volkswagen” i përfshirë në këtë ngjarje rrugore.

Gjithashtu u identifikua dhe drejtuesi i automjetit shtetasit G. C., 38 vjeç, banues në fshatin Gështenjas, Pogradec,

Shërbimet e Policisë kapën dhe shoqëruan në Komisariat shtetasin G. C., i cili u arrestua për veprat penale ” Shkelja e rregullave të qarkullimit rrugor” dhe “Largim nga vendi i aksidentit”

Ndërsa automjeti u sekuestrua në cilësinë e provës materiale.

Materialet procedurale i kaluan Prokurorisë për veprime të mëtejshme”, njoftoi Policia.

Policia Rrugore në një javë, ka ndëshkuar me masë administrative mbi 22 mijë drejtues mjetesh, ndërsa mësohet se 56 janë arrestuar për drejtim të mjetit në gjendje të dehur dhe për drejtim të mjetit pa patentë.

Gjithashtu, janë pezulluar 161 leje drejtimi, për shpejtësi mbi normat e lejuara, për drejtim të mjetit në efektin e alkoolit/në gjendje të dehur dhe për qarkullim në sens të kundërt.

Policia Rrugore apelon për të gjithë drejtuesit e automjeteve dhe motomjeteve, për zbatim me rigorozitet të rregullave të qarkullimit rrugor, për qëndrim në radhë kur ka ngadalësim të lëvizjes së automjeteve në raste fluksi, për përdorim të rrugëve alternative, që t’u japin përparësi këmbësorëve dhe të mos kryejnë parakalime të gabuara apo manovra të rrezikshme, të mos përdorin celularin gjatë drejtimit të automjetit dhe të vendosin rripin e sigurimit.

Njoftimi i policisë:

Drejtoria e Policisë Rrugore/Masa të shtuara për të parandaluar aksidentet rrugore.

Nisur nga fluksi shumë i lartë i automjeteve që qarkullojnë në akset rrugore nacionale, zonat bregdetare, turistike, dhe në zonat e mëdha urbane, si dhe nga shkeljet e shumta të rregullave të qarkullimit rrugor të konstatuara nëpërmjet mjeteve inteligjente, Policia Rrugore ka intensifikuar masat me qëllim parandalimin e aksidenteve rrugore.

Si rezultat i monitorimit në të gjitha akset rrugore, 24/7, duke përdorur mjete inteligjente shpejtësimatëse, poliskanë, radarë automatikë, dronë të cilësisë së lartë, dragera dhe telescope, gjatë javës që lamë pas:

-janë pezulluar 161 leje drejtimi, për shpejtësi mbi normat e lejuara, për drejtim të mjetit në efektin e alkoolit/në gjendje të dehur dhe për qarkullim në sens të kundërt;

-janë arrestuar 56 drejtues mjetesh, për drejtim të mjetit në gjendje të dehur dhe për drejtim të mjetit pa leje drejtimi.

Gjithashtu, në të gjithë vendin janë vendosur 22 260 masa administrative, nga këto:

6212 për shpejtësi tej normave të lejuara;

1123 për përdorim të celularit gjatë drejtimit të mjetit;

1125 për mospërdorim të rripit të sigurimit;

2100 për parakalime të gabuara;

178 për mosvendosje të kaskës mbrojtëse;

108 për manovra të rrezikshme në rrugë;

213 për drejtim të mjetit në efektin e alkoolit;

9229 për parkim të gabuar;

1972 për shkelje të tjera të Kodit Rrugor.

Gjatë javës që kaloi, është goditur nga Policia Rrugore e Tiranës, 1 rast i tentativës për të korruptuar punonjësit e Policisë, me qëllim shmangien e masave administrative për shkeljen e konstatuar.

Policia Rrugore apelon për të gjithë drejtuesit e automjeteve dhe motomjeteve, për zbatim me rigorozitet të rregullave të qarkullimit rrugor, për qëndrim në radhë kur ka ngadalësim të lëvizjes së automjeteve në raste fluksi, për përdorim të rrugëve alternative, që t’iu japin përparësi këmbësorëve dhe të mos kryejnë parakalime të gabuara apo manovra të rrezikshme, të mos përdorin celularin gjatë drejtimit të automjetit dhe të vendosin rripin e sigurimit.

Me qëllim rritjen e parametrave të sigurisë rrugore, Policia e Shtetit fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor.

Një 34 vjeçar është arrestuar ndërsa tre të tjerë janë shpallur në kërkim pas një konflikti në Divjakë. Gjithashtu sipas policisë, ata janë konfliktuar me tre persona të tjerë në një lokal.

Njoftimi i Policisë:

Komisariati i Policisë Divjakë arrestoi shtetasin M. T., 34 vjeç dhe shpalli në kërkim shtetasit F. T., 38 vjeç, R. H., 33 vjeç dhe M. S., 19 vjeç, të katërt banues në Lushnjë, pasi dyshohet se për motive të dobëta, janë konfliktuar me 3 shtetas në një lokal në Divjakë. Punohet intensivisht për kapjen e shtetasve të shpallur në kërkim dhe për sqarimin e rrethanave të konfliktit.