Socialistët vijojnë me mbledhje për përgatitjet dhe planin për zgjedhjet parlamentare që do të mbahen në pranverën e vitit të ardhshëm, teksa mbrëmjen e sotme është mbledhur Asambleja e PS-së për Tiranën.
Mbledhja e mbajtur me dyer të mbyllura ka zgjatur për rreth 1 orë e 40 minuta, ku kryeministri Edi Rama ka ndarë detyra dhe u ka dhënë porosi të tijëve.

Mësohet se nr.1 i Qeverisë u ka kërkuar anëtarëve të Asamblesë, sidomos të rinjëve, një angazhim më të madh në terren, koordinim me strukturat, përdorimin më shumë të rrjeteve sociale, sidomos TikTok-ut, si dhe afrimin e prurjeve të reja në PS.
Gjithashtu, është folur edhe për ndarjen e “skuadrave” për drejtuesit politik të PS-së në këtë qark. Në takimin e sotëm mësohet se nuk ka qenë e pranishme kryetarja e Kuvendit, Elisa Spiropali për shkak të agjendën së saj, teksa kanë qenë prezent Erion Veliaj dhe Ogerta Manastirliu.

Rama u ka ndarë detyrat dhe tre drejtuesve politik, ku Elisa Spiropali do të fokusohet tek bashkitë e tjera të Qarkut të Tiranës, si Vora, Kamza, Rrogozhina dhe Kavaja, përsa i përket përgatitjes së fushatës për zgjedhjet e ardhshme.
Ndërsa, Ogerta Manastirliu do të ketë në përgjegjësi koordinimin me strukturat e PS-së në Tiranë. Erion Veliaj do të jetë përgjegjësi kryesor përsa i përket fushatës dhe përgatitjes së skuadrave së PS-së në Tiranë.
Burime bëjnë me dije se kryeministri Edi Rama ua ka bërë të qartë anëtarëve të Asamblesë se kanë si synim një rezultat më të mirë se ai i vitit 2021 në Qarkun e Tiranës.

Taulant Balla i sapoemëruar nga kryeministri Edi Rama, si Drejtues Politik për Diasporën ka reaguar për herë të parë.

Siaps tij diaspora shqiptare është një ndër kontribuesit më të mëdhenj të ekonomisë kombëtare në këto 30 vite.

Balla theksoi gjithashtu se shqiptarët jashtë kufijve do të votojnë për herë të parë falë vulosjes së Kodit Zgjedhor të miratuar nga Kuvendi.

“Shqiptarët e Diasasporës janë kontributorët më të mëdhenj të ekonomisë kombëtare prej 30 vitesh. Shqiptarët jashtë kufijve do të votojnë falë vulosjes së Kodit Zgjedhor të miratuar nga Kuvendi. Sfida është më e vështirë për zgjedhjet e pranverës ”, tha Balla.

Ndërkohë falenderoi gjithë shqiptarët e diasporës për takimet e pranverës.

Gjithashtu Balla tha sendihej i lumtur që do të ribashkohet me anëatrët e Asamblesë Kombëtare të zgjedhur ngas trukturat e PS.