Sali Berisha viziton Majën e Çorovodës: “Udhëtim drejt rinisë sime”

Ish-kryeministri Sali Berisha ka zhvilluar më 14 gusht një udhëtim në Majën e Çorovodës, në kufirin mes Kosovës dhe Sanxhakut, të cilin e përshkroi si “rikthim në rininë time”.

Pas një mëngjesi me prodhime bjeshke, Berisha, së bashku me miq e bashkëpunëtorë, përshkoi rreth 10 mijë hapa deri në lartësinë 1800 metra, duke refuzuar ndihmën me makinë në të përpjetat e forta.

Në majë, ai vizitoi një liqen të vogël dhe një fermë kuajsh, si dhe një memorial për viktimat e ekzekutuara nga forcat serbe gjatë luftës. Berisha kujtoi pasionin e tij të hershëm për kalin dhe jetën “alpine” në Alpe, ndërsa falënderoi mikpritësit për organizimin e udhëtimit në këtë zonë të bukur dhe me histori tragjike.

Ja reportazhi i plotë i shkruar nga Berisha

Udhëtim drejt rinisë time! 

Të dashur miq, pas darkës festive, më datë 14 gusht, pas një mëngjesi me prodhime bjeshke së bashku me mikpritësin Ganiun, familjarët e tij dhe miqtë gjermanë, si dhe me Abi Malltezin dhe Genti Strazimirin, nisëm udhëtimin drejt Majës së Çorovodës, rreth 1800 m lartësi. Këtë udhëtim e quajta “udhëtimi drejt rinisë time”, ose më saktë, rikthim në rininë time.

Deri në moshën 27-vjeçare, çdo verë e kam kaluar në bjeshkë, në Alpe. Udhëtimet e gjata, ngjitjet në maja, herë edhe të thepisura, si alpinist popullor dhe noti në ujërat e kristalta të lumenjve, që shpesh vinin nga shkrirja e borës, së bashku me leximin plot pasion të librave, mbushnin ditët e jetës sime “alpine”. Kisha ngjitur çdo majë që rrokte syri, nga Shkelzeni te Lugu i Gusanit, përballë Gjerovicës.

Kurse tani po nisesha drejt një maje që nuk e kisha parë kurrë, por që më tërhiqte si magnet, njësoj si majat e bjeshkëve të mia. Teknikën e kisha, por duhej edhe forca. Udha kalonte nëpër një luginë të rrethuar nga të dy anët me bredha madhështorë. Në të dy anët e saj, banorët kishin ndërtuar vila druri të bukura për pushime verore. Refuzova makinën sa herë që m’u sugjerua në të përpjetat e forta.

Gjatë ecjes bëmë dy pushime rreth 15 minutëshe dhe, pas afro 10 mijë hapash ngjitjeje, arritëm në majën e Çorovodës, në 1800 metra lartësi, ku ndahet kufiri midis Kosovës dhe Serbisë (Sanxhakut). Pamja që hapej nga njëra anë Kosova, nga tjetra Sanxhaku ishte e pafund dhe madhështore. Në majë ndodhej edhe një liqen i vogël, i cili, edhe në këtë verë të thatë, kishte ujë dhe e zbukuronte si një diamant në kurorën e saj. Aty ishte edhe një fermë kuajsh të racave të ndryshme, shumë mirë të mbajtur dhe të bukur.

Nga Istogu e Peja, të rinj vinin këtu me motorçikleta dhe shëtisnin me kuajt. Disa nga miqtë e mi zgjodhën kuajt që dëshironin dhe kalëruan për t’u zbavitur. I zoti i fermës solli edhe për mua një kalë të bukur, allçë, me një larë të bardhë në ballë. U afrova, por me “shpirt të ndezur dhe zemër të thyer”, siç thotë Edgar Allan Poe, dhe e përkëdhela. Shpirti ato çaste u ndez vërtet, sepse u rizgjua tek unë pasioni i fëmijërisë për kalin, të cilin e doja shumë dhe e kalëroja në bjeshkë por edhe ne shtepi ( vërri) me ose pa shalë, me ose pa samar, në livadhe që ishin një vrap kali. Por zemra ime ishte e thyer, sepse, megjithë pasionin dhe mundësitë që kisha pasur në rini dhe me pasnuk kisha kalëruar më kurrë më. Vetëtimthi mendova se nuk e meritoja kënaqësinë dhe as jehonën e lajmit, ndaj u ktheva dhe u ula aty ku isha. U ktheva me zemër të thyer.

Në majën e Çorovodës kishte edhe një muranë për një të rënë nga barbarët serbë. Në fakt, Lugu i Butë ishte edhe Lugu i Gjakut. Në luftën e fundit, hordhitë e ushtrisë serbe, nga maja e Çorovodës, ishin dyndur në Lugun e Butë dhe, në një akt barbarie e gjenocidi, kishin arrestuar në stanet e tyre ose në pyll 53 gra, fëmijë, burra të moshuar e invalidë, dhe i kishin ekzekutuar vetëm pse ishin të etnisë shqiptare.

Në orën 17:00 u nisëm nga maja e Çorovodës dhe u kthyem në shtëpinë e mikpritësve tanë. U mbyll kështu një udhëtim me mbresa të thella që nuk do ta harroj kurrë. Ndaj, edhe një herë, falënderoj Ganiun dhe të gjithë familjen e rrethin e tij për mundësinë që krijuan dhe organizimin e përsosur të atij udhëtimi në një zonë kaq të bukur, por edhe epike. Malet, bjeshkët janë epike!

Një marrëdhënie serioze nënkupton bashkimin e dy jetëve në një dhe kur kjo ndodh, të dyja palët në një moment duhet të bëjnë kompromise të caktuara.

Sigurisht që ka kompromise më të vogla e më të mëdha, por edhe gjëra për të cilat nuk duhet të ketë kompromis në një marrëdhënie.

Përveç shëndetit dhe sigurisë tuaj, të cilat nuk duhet t’i bëni kurrë kompromise, më poshtë janë dhjetë kompromise me të cilat nuk duhet të pranoni në një lidhje.

1. Nuk ka kompromis për ëndrrat dhe qëllimet tuaja

Sidomos kur je i ri, duhet të shkosh pas ëndrrave dhe qëllimeve të tua me energji. Një partner i pjekur që ju respekton do të respektojë qëllimet tuaja dhe do t’ju mbështesë në arritjen e tyre. Nëse hiqni dorë nga ëndrrat tuaja për shkak të dikujt, mund të inatoseni më vonë, gjë që do të krijojë probleme në marrëdhënien ose martesën tuaj.

2. Asnjë kompromis për vlerat tuaja

Nëse e dini prej kohësh cilat janë prioritetet tuaja në jetë dhe vlerat që vlerësoni, mos ndryshoni vetëm për të kënaqur palën tjetër. Qoftë shëndeti, karriera, feja… mos bëni kompromise që mendoni se nuk dëshironi t’i bëni. Prisni një person që do t’i kuptojë dhe respektojë.

3. Asnjë kompromis për stilin e jetesës

Prej kohësh e dini që doni të bëni dy fëmijë dhe që dëshironi të jetoni në një mjedis më të qetë dhe përfunduat me një person që nuk do fare fëmijë dhe mendon vetëm të jetojë në qendër të qytetit. Edhe pse në fillim mund të mendoni se mund të pajtoheni me këtë opsion të dytë, fakti është se në një marrëdhënie të tillë njëra palë do të jetë gjithmonë e mjerë. Kjo është arsyeja pse është më mirë të ndaloni së vonuari të pashmangshmes dhe t’i jepni fund marrëdhënies. Nuk ka kuptim që asnjëri prej jush të humbasë kohë nëse tashmë jeni të sigurt se vizionet tuaja të jetës nuk do të përputhen kurrë.

4. Nuk ka kompromis për familjen dhe miqtë

Kujdes nga çdo partner që do t’ju pengojë të shihni familjen dhe miqtë tuaj. Miqësitë e shëndetshme dhe, në përgjithësi, marrëdhëniet familjare na ndihmojnë të ndërtojmë marrëdhënie më të shëndetshme dhe një jetë më të lumtur. Pra, ikni nga një partner që mendon se nuk keni nevojë për askënd përveç tij në jetën tuaj.

5. Nuk ka kompromis për atë që vleni

Partnerët tanë duhet të jenë me ne pa masë. Ajo që ata nuk duhet të bëjnë është të na bëjnë të ndihemi keq me veten. Mos toleroni asnjë formë abuzimi në marrëdhënien tuaj. Komunikimi jo i shëndetshëm, në të cilin vlera juaj është zvogëluar, mund të dëmtojë seriozisht vetëvlerësimin tuaj. Prandaj, sapo të ndjeni se pala tjetër po përpiqet të zvogëlojë vlerën tuaj, përfundoni marrëdhënien.

6. Nuk ka kompromis në lidhje me jetën seksuale

Nëse ju dhe partneri juaj bini dakord për rëndësinë e intimitetit fizik dhe emocional, atëherë gjithçka është në rregull. Megjithatë, nëse nuk jeni dakord për rëndësinë e seksit dhe nevojat tuaja në dhomën e gjumit nuk plotësohen, me kalimin e kohës do të bëhet gjithnjë e më e vështirë dhe do të ketë një ndërprerje të marrëdhënieve të mira dhe hidhërim. Problemet seksuale që nuk zgjidhen në kohë mund të rrezikojnë lidhjen dhe madje të çojnë në tradhti. Kështu që bisedoni me partnerin tuaj për problemet që mund t’ju shqetësojnë.

7. Nuk ka kompromis mbi parimet tuaja

Për shembull, nëse jeni një person që beson se dikush që është në një lidhje nuk duhet të flirtojë me njerëz të tjerë edhe nëse kjo vetëm ushqen egon, atëherë mos hiqni dorë nga parimi juaj. Partneri juaj ndoshta do të përpiqet t’ju bindë se të gjitha janë marrëzi të padëmshme dhe se ai do të kthehet tek ju në fund të ditës, por flirti është një shenjë se ai ka nevojë për dikë tjetër për të përmbushur nevojat e tij, edhe nëse është “thjesht” ushqim i egos. Mos e duroni, përveç nëse ju vetë mendoni se një flirt i tillë është në rregull.

8. Nuk ka kompromis për llojin e marrëdhënies që dëshironi

Nuk është në rregull që partneri juaj t’ju bëjë të bëni gjëra që nuk dëshironi t’i bëni. Mos u pajto me asgjë që të bën të mos ndihesh rehat.

9. Nuk ka kompromis për nevojën për komunikim

Nëse partneri juaj duket se ju injoron çdo herë që dëshironi të flisni, me kalimin e kohës problemi mund të bëhet një kërcënim i madh dhe serioz për marrëdhënien. Në çdo rast, një marrëdhënie pa komunikim cilësor është diçka me të cilën nuk duhet të bini kurrë dakord.

10. Nuk ka asnjë kompromis për sigurinë financiare

Nëse jeni në një lidhje me një partner që ka zakone të këqija për sa i përket financave që nuk janë aspak të përputhshme me tuajat – duhet ta zgjidhni atë problem në kohë. Në raport me një person që vetëm shpenzon dhe nuk kontribuon, problemet vetëm do të grumbullohen. Uluni dhe bisedoni për të zgjidhur problemin para se të shkatërrojë marrëdhënien tuaj