Policia ka zbardhur ngjarjen ku ditën e djeshme mbeti i plagosur një 40-vjeçar në Vorë.

Sipas asaj që bëjnë të ditur uniformat blu, 40-vjeçari është vetëplagosur aksidentalisht në banesë me armën e zjarrit që posedonte pa leje dhe më pas shtiu disa herë që të inskenonte një atentat ndaj tij.

I arrestuari rezulton i dënuar më parë për armëmbajtje pa leje dhe për krime kundër pronës.

Gjithashtu në pranga ka rënë edhe një 43-vjeçar për moskallëzim krimi.

Materialet procedurale i kaluan Prokurorisë, për veprime të mëtejshme.

“Dokumentohen rrethanat e ngjarjes së ndodhur mëngjesin e djeshëm, në fshatin Marikaj. U vetëplagos aksidentalisht në banesë, me armën e zjarrit që e posedonte pa leje, dhe më pas shtiu disa herë, që të inskenonte një atentat ndaj tij, vihet në pranga 40-vjeçari. I arrestuari, i dënuar më parë për armëmbajtje pa leje dhe për krime kundër pronës. Vihet në pranga dhe një 43-vjeçar, për moskallëzim krimi.

Në vijim të veprimeve hetimore të kryera nga Komisariati i Policisë Vorë, në drejtimin e Prokurorisë, për zbardhjen e rrethanave të plagosjes me armë zjarri të një shtetasi, i cili ishte paraqitur në spital, për ndihmë mjekësore, u bë e mundur zbardhja dhe dokumentimi i rrethanave të ngjarjes. Në përfundim të veprimeve për rastin, u arrestuan shtetasit: E. A.(M.), 40 vjeç (shtetasi i dëmtuar) dhe S. K., 43 vjeç, të dy banues në fshatin Marikaj.

Nga hetimet dyshohet se 40-vjeçari është vetëplagosur aksidentalisht, në banesë, me një armë zjarri, të cilën e posedonte pa leje dhe më pas ka shtënë disa herë, që të inskenonte një atentat ndaj tij. Për të penguar zbulimin e së vërtetës, ky shtetas ka hequr DVR-në e një kamere të sigurisë pranë banesës së tij. Shtetasi S. K. e ka transportuar 40-vjeçarin në spital dhe gjatë veprimeve procedurale nga Policia, nuk ka kallëzuar për rrethanat e ngjarjes. 40-vjeçari vijon të jetë në kujdesin e mjekëve, jashtë rrezikut për jetën. Arma e zjarrit u gjet në banesën e këtij shtetasi dhe u sekuestrua në cilësinë e provës material”, njofton Policia.

Një atentat me armë zjarri ka ndodhur mbrëmjen e kësaj të enjteje në Tiranë, ku raportohet se një person ka mbetur i plagosur.

Raportohet se personi i plagosur është ndjekur nga autorët nga rrethrrotullimi i Shkozës. Dyshohet se autorët e atentatit kanë djegur makinën në Lundër.

Aktualisht, i plagosuri është dërguar në spital ku po merr ndihmën mjekësore.

Një shqiptar ka mbetur i plagosur rëndë nga disa të shtëna me armë zjarri në Neapoli të Selanikut.

Ngjarja ka ndodhur në orët e para të mëngjesit të së shtunës, kur viktima, i cili ishte i ulur me një shok të tij jashtë një dyqani, është qëlluar.

Ai ka marrë dy plumba në bark dhe është transportuar menjëherë në spitalin “Ipokrateio”. Autoritetet greke janë në kërkim të personit përgjegjës për këtë ngjarje të rëndë, ndërkohë që identiteti i shqiptarit dhe rrethanat e ngjarjes ende nuk janë zbardhur.

Një burrë ka raportuar në polici se dy të dyshuar kanë tentuar ta sulmojnë fizikisht.

Sipas policisë, njëri dyshohet se ka shtënë me armë zjarri në drejtim të veturës së ankuesit.

Rasti raportohet të ketë ndodhur në Prishtina, të enjten pasdite.

‘Ankuesi mashkull kosovar ka informuar se dy të dyshuar meshkuj kosovarë kanë tentuar ta sulmojnë fizikisht, ku njëri nga të dyshuarit ka shtënë edhe me armë zjarri në drejtim të veturës së viktimës. Në vendin e ngjarjes është gjetur dhe sekuestruar një gëzhojë. Rasti është duke u hetuar”, thuhet në raportin e policisë.

Sot në Gjykatën e Bielefeldit nisi gjyqi për vrasjen e ish-boksierit shqiptar, Besar Nimani (38 vjeç) por në momentin që filloi seanca, jashtë u dëgjuan të shtëna me armë zjarri. Krismat erdhën nga një automjet në lëvizje, raporton BILD.

Shënjestër e të shtënave kishin qenë babai dhe vëllai i autorit të vrasjes së Nimamit. I pari ka marrë një plumb në mushkëri dhe sipas autoriteteve ndodhet në gjendje kritike për jetën, ndërsa tjetri u qëllua në këmbë. Ndërkohë, dyshohet edhe për një të plagosur të tretë. Policia gjermane arrestoi autorin e të shtënave, ndërsa besohet se ai ka patur edhe bashkëpunëtor i cili ndodhet në kërkim.

Autori i dyshuar i krimit, Hüseyin Akkurt (38 vjeç), i cili u arrestua në Bruksel në mes të korrikut, është në gjyq. Ndërsa një i dyshuar i dytë është ende në arrati.

Policia ka ngritur pika kontrolli në hyrje-dalje të qytetit dhe po vazhdon kontrollet për kapjen e autorëve. Grupi hetimor është në drejtimin e Prokurorisë dhe po punon për zbardhjen e plotë të ngjarjes.

Njoftimi i Policisë:

Shtetasit A. M., dhe A. Dh, banues në Berat, kanë njoftuar Sallën Operative të Drejtorisë Vendore të Policisë Berat se dy persona që lëviznin me një automjet kanë qëlluar me armë zjarri në drejtim të tyre, në lagjen “Donika Kastrioti”, në afërsi të spitalit. Nga të shtënat nuk ka persona të lënduar.

Pas marrjes së njoftimit shërbimet e Policisë dhe grupi hetimor kanë shkuar menjëherë në vendngjarje dhe si rezultat i reagimit të shpejtë dhe punës paraprake hetimore është bërë e mundur identifikimin i dy autorëve që kanë qëlluar me armë zjarri por për arsye hetimi nuk mund të bëjmë me dije gjeneralitetet e tyre.

Shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e tyre.

Grupi hetimor në drejtimin e Prokurorisë po punon për zbardhjen e rrethanave dhe dokumentimin ligjor të rastit.

Një 24 vjeçar ka mbetur i plagosur rëndë mbrëmjen e sotme pas një atentati në rrugën “Egnatia” pranë Selanikut.

Ronaldo Pecaku, 24-vjeç, me origjinë nga Elbasani por lindur në Selanik e banues në Sozopoli të Halkidikisë, është qëlluar me armë zjarri teksa po udhëtonte me motor. Paraprakisht mendohet se ndaj tij është hapur zjarr nga një tjetër motor që po e ndiqte. Ngjarja ka ndodhur pak para kabinave të pagesës së rrugës në Oraiokastro.

Pecaku ka marrë një plumb në bark dhe i plagosur ka mundur të ecë edhe pak deri tek kabinat e Oraiokastros. Aty ka rënë dhe punonjës e kalimtarë kanë njoftuar ambulancën dhe policinë. 24-vjecari është transportuar drejt spitalit “Axepa”, ndërkohë që policia ka nisur hetimet.

Ronaldo Pecaku rezulton me precedentë penal, i arrestuar në korrik 2021 për vjedhje dhe i liruar para një muaji.

Një shtetas shqiptar ka mbetur i plagosur në Castelldefels të Barcelonës. Ngjarja ka ndodhur kur një person që po ecte përgjatë shëtitores së qytetit gjeti një burrë në tokë të plagosur rëndë dhe të mbuluar me gjak dhe thirri 112 për të lajmëruar shërbimet e urgjencës. Efektivët e Mossos d’Esquadra shkuan në vendngjarje dhe konfirmuan se viktima, një djalë i ri me kombësi shqiptare, ishte qëlluar me një armë zjarri të shkurtër tip pistoletë në këmbë, ndaj është kërkuar prania e shërbimeve shëndetësore.

Ai mori ndihmën e parë në vendngjarje dhe më vonë u transferua me një ambulancë EMS në një spital, ku iu desh t’i nënshtrohej një operacioni. Shëndeti i tij është jashtë rrezikut. Divizioni i Hetimeve Kriminale ( DIC ) i rajonit të Metropolit Jugor ka marrë përsipër rastin dhe po përpiqet të zbardhë faktet. Shqiptari nuk ka dashur të bashkëpunojë me agjentët dhe nuk ka shpjeguar asgjë se kush e qëlloi dhe çfarë arsyesh kishte për ta bërë këtë. Hetuesit, duke marrë parasysh rrethanat e ngjarjes dhe kombësinë e viktimës, po punojnë me hipotezën se mund të bëhet fjalë për një incident të ri me armë zjarri që lidhet me një hakmarrje për trafikun e paligjshëm të marijuanës.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një rast i vrasjes në tentativë ka ndodhur gjatë së mërkurës në Rahovec.

Lidhur me rastin tashmë kanë nisur hetimet.

Siç njofton policia, dy burra kanë njoftuar se derisa ishin duke bartur dru, në drejtim të tyre kanë shtënë me armë dy persona të panjohur, të maskuar dhe të veshur me uniforma ushtarake.

Organet e rendit i janë përgjigjur vendit të ngjarjes ku janë gjetur dhe sekuestruar 7 gëzhoja të kalibrit 7.62mm.

Nuk raportohet për të lënduar.

Një burrë ka njoftuar se derisa ka qenë me automjetin e tij, persona të panjohur me veturën e tyre në lëvizje kanë shtënë me armë zjarri në drejtim të tij.

Sipas policisë, dy plumba ia kanë qëlluar automjetin.

Rastin në fjalë, policia e ka cilësuar si “Tentim vrasje”.

“Ankuesi mashkull kosovar ka raportuar se derisa ka qenë me automjetin e tij, person-a të panjohur me veturën e tyre në lëvizje kanë shtënë me armë zjarri në drejtim të tij,  ku dy plumba  i kanë qëlluar automjetin. Përveç dëmeve të shkaktuara, nuk ka të lënduar. Në vendin e ngjarjes janë gjetur dhe konfiskuar katër gëzhoja. Rasti në procedurë hetimore”, thuhet në raport.