Detaje të reja janë zbuluar për atentatin në Lundër, ku katër persona u plagosën rëndë.

Grupi hetimor ka shkuar në katër lokacione të ndryshme, ku kamerat e sigurisë kanë regjistruar lëvizjet e dyshuara të autorëve.

Gjithashtu, janë marrë të dhëna nga qelizat e antenave telefonike për të ndjekur telefonatat e kryera në zonat ku kanë lëvizur autorët dhe për të identifikuar pronarët e numrave të përfshirë.

Sa i takon ngjarjes me 4 të lënduar në Lundër, dalin detaje të reja. Grupi hetimor ka mbi 10 profile ADN mikse të gjetura në sendet që dyshohet se i përkisnin autorëve të atentatit.

Megjithatë këto profile mbetet për t’u verifikuar edhe më me detaje. 2 prej tyre janë profile të plota, çka do të thotë se ka shpresat për hetuesit në zbulimin e identitetit të autorëve.

Sendet që janë gjetur pranë vendit ku ndodhi atentati janë pinca, një shall dhe mjete të tjera pune.

Detaje të reja në lidhje me atentatin ndaj 4 të rinjve mbrëmjen e dy ditëve më parë.

Në vijim të kontrolleve të pandërprera dhe të veprimeve hetimore që po kryhen nga grupi i posaçëm hetimor, në drejtimin e Prokurorisë, me qëllim zbardhjen e rrethanave të ngjarjes së ndodhur më datë 17.04.2025, në Lundër, ku u qëllua me armë zjarri në drejtim të një automjeti me të cilin qarkullonin 4 shtetas, shërbimet e Policisë, ditën e sotme, kanë gjetur në afërsi të fshatit Fikas, Mullet, një motomjet të djegur, i cili dyshohet se është përdorur nga autorët e kësaj ngjarjeje.

Grupi hetimor, në drejtimin e Prokurorisë, vijon punën për zbardhjen e rrethanave të ngjarjes dhe sigurimin e çdo prove që do të çojë në identifikimin dhe kapjen e autorëve.

Janë zbardhur emrat e personave të plagosur nga atentati me armë zjarri në Tiranë, të cilët u transportuan në spitalin e Traumës në Tiranë.

Bëhet fjhalë për shtetasit shtetasit Arens Stafa, 34 vjeç, Marko Bardhi Demiraj, 17 vjeç, të cilët janë të dëmtuar në dorë dhe krah, Dior Demiraj, 11 vjeç dhe Kian Mullaj, 19 vjeç.

“Tiranë/Informacion paraprak. Më datë 17.04.2025, rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër, shtetasit A. S., 34 vjeç, K. M., 19 vjeç, dhe dy të mitur të moshës rreth 11 vjeç dhe 17 vjeç. Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Për këtë ngjarje do të kemi informacion më të zgjeruar pas sqarimit të plotë të rrethanave të rastit”, njofton policia.

Në kërkim janë shpallur Dejvi Mullai 24 vjeç, Fabion Kurti 24 vjeç dhe Enedjo Kaci 30 vjeç të tre TIRANË – Policia ka dalë me një reazim zyrtar lidhur me ngjarjen që u regjistrua mesnatën e kaluar ku u qëllua disa herë me armë zjarri drejt një makinë në lëvizje në zonën e Kamzës.

Policia thotë se janë identifikuar dhe shpallur në kërkim 3 persona që dyshohet se janë të implikuar në ngjarje. Në kërkim janë shpallur Dejvi Mullai 24 vjeç, Fabion Kurti 24 vjeç dhe Enedjo Kaci 30 vjeç të tre banues në Kamëz, të cilët për arsye ende të paqarta kanë qëlluar me armë drejt mjetit në lëvizje por fatmirësisht nuk pati të lënduar.

Policia sqaron se gjatë kontrollit të zonës janë gjetur dy automjete të braktisura, të cilat dyshohet se janë përdorur nga autorët për tu larguar nga vendi i ngjarjes. Nuk dihet ende destinacioni që kanë ndjekur autorët, grupi hetimor ka nisur hetimet për gjetjen e automjetit, lokalizmin dhe kapjen e tre të shpallurve në kërkim.

Njoftimi i Policisë:

Vijon intensivisht kontrollet për kapjen e personave të shpallur në kërkim të dyshuar si autorë të ngjarjes.

Në lidhje me informacionin paraprak të dhënë mbrëmjen e djeshme, për një automjet në lëvizje nga brenda të cilit është qëlluar me armë zjarri në drejtim të një automjeti tjetër, ju informojmë se:

Falë veprimeve të shpejta hetimore dhe një pune të pandërprerë është bërë i mundur identifikimi dhe shpallja në kërkim i autorëve të dyshuar të ngjarjes, konkretisht shtetasit D. M., 24 vjeç, F. K., 24 vjeç dhe E. K., 30 vjeç, të tre banues në Kamëz.

Gjithashtu, gjatë kontrollit të zonës janë gjetur dy automjete të braktisura, të cilat dyshohet se janë përdorur nga autorët për tu larguar nga vendi i ngjarjes.

Po nga veprimet e para hetimore rezulton se 3 autorët e dyshuar të ngjarjes dyshohet se janë larguar me një automjet tjetër i cili është identifikuar nga ana jonë dhe vijon puna për gjetjen e automjetit , lokalizmin dhe kapjen e tre shtetasve të shpallur në kërkim.

Dy shtetas nga Berati, A. M. dhe A. Dh., raportuan në polici se dy persona që lëviznin me një automjet kishin qëlluar me armë zjarri në drejtim të tyre në lagjen “Donika Kastrioti”, pranë spitalit.

Fatmirësisht, nuk ka pasur të lënduar nga incidenti. Policia ka ndërhyrë menjëherë dhe, pas hetimeve të shpejta, janë identifikuar autorët e dyshuar, por për arsye hetimi, detajet e tyre nuk janë publikuar.

Policia ka ngritur pika kontrolli në hyrje-dalje të qytetit dhe po vazhdon kontrollet për kapjen e autorëve. Grupi hetimor është në drejtimin e Prokurorisë dhe po punon për zbardhjen e plotë të ngjarjes.

Njoftimi i Policisë:

Shtetasit A. M., dhe A. Dh, banues në Berat, kanë njoftuar Sallën Operative të Drejtorisë Vendore të Policisë Berat se dy persona që lëviznin me një automjet kanë qëlluar me armë zjarri në drejtim të tyre, në lagjen “Donika Kastrioti”, në afërsi të spitalit. Nga të shtënat nuk ka persona të lënduar.

Pas marrjes së njoftimit shërbimet e Policisë dhe grupi hetimor kanë shkuar menjëherë në vendngjarje dhe si rezultat i reagimit të shpejtë dhe punës paraprake hetimore është bërë e mundur identifikimin i dy autorëve që kanë qëlluar me armë zjarri por për arsye hetimi nuk mund të bëjmë me dije gjeneralitetet e tyre.

Shërbimet e Policisë kanë ngritur pika kontrolli në hyrje-dalje të qytetit dhe vijojnë kontrollin në zonë për kapjen e tyre.

Grupi hetimor në drejtimin e Prokurorisë po punon për zbardhjen e rrethanave dhe dokumentimin ligjor të rastit.

Policia e Bulqizës ka dhënë informacion për të shtënat me armë që u regjistruan në këtë qytet.

Sipas informacioneve, objektiv i atentatit ka qenë shtetasi Luan Tërnova.

Tërnova sapo dilte nga xhamia ku kishte kryer faljen e namazit të së premtes kur u qëllua nga një person i paidentifikuar.

Më pas policia gjeti mjetin e djegur në aksin rrugor Qafa e Buallit-Klos që dyshohet se u përket autorëve.

‘Mesditën e sotme, shtetasi L.T, ka njoftuar sallën operative se në qytetin e Bulqizës, një person i paidentifikuar ka qëlluar me armë zjarri, por pa shkaktuar dëmtime.

Nga kontrolli i territorit, në aksin rrugor Qafa e Buallit-Klos, është gjetur i djegur një motomjet që dyshohet të jetë përdorur nga autori i këtij rasti.

Grupi hetimor nën drejtimin e Prokurorisë, po kryen hetimet për zbardhjen dhe rrethanat e këtij rasti.

Në përfundim të veprimeve të para hetimore do të japim informacion më të plotë’, njofton policia vendore.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Mbrëmjen e së mërkurës në Vlorë, mbi 60 plumba kallashnikovi u zbrazën në një atentat mafioz ku objektiv ishte Kevin Hajrulla. Si pasojë e breshërisë, mbetën të plagosur 30-vjeçari Kevin Hajrulla dhe 35-vjeçari Armand Spahiu, një tregtar ambulant fruta-perimesh.

Për këtë ngjarje ka folur gazetari Eni Ferhati, i cili theksoi se të gjitha elementët që kanë shoqëruar ngjarjen krijojnë bindjen se kemi të bëjmë me një atentat të mirëorganizuar.

Në lidhje me pistën e mundshme, Ferhati shpjegoi se, përkundër faktit që Kevin Hajrulla nuk ka precedentë penalë, hakmarrjet e kaluar mund të jenë një nga motivet e ngjarjes. Ai gjithashtu theksoi se mënyra e organizimit të atentatit tregon se mund të kishim pasur një bilanc më të rëndë, ku, siç ndodhi, persona të pafajshëm mund të ishin në rrezik, si në rastin e tregtarit të plagosur.

‘Nga mënyra e organizimit të ngjarjes apo elementët që e kanë shoqëruar me djegien e automjetit, dy automatikë kallashnikov që janë gjetur në automjetin e vjedhur, është krijuar bindja se kemi të bëjmë më një atentat të mirëorganizuar. Emri në shënjestër të atentatit na çon te një personazh i njohur në Vlorë Ines Hajrulla, i cili i ka shpëtuar dy atentateve në të kaluarën si dhe një emër që lidhet me një proces gjyqësor në SPAK nga ku janë arrestuar personat që kanë siguruar kushtet dhe mjetet për të kryer vrasjes e tij që nuk u realizua. Nëse do ti referohemi shënjestrës së atentatit, Kevin Hajrullës, ai nuk rezulton të jetë një person me ngarkesa kriminale apo me precedent penal. Ai nuk është se i ruhej një atentati të mundshëm dhe nuk e priste. Sa i përket motiveve kemi të bëjmë dhe më një hakmarrje të mundshme për shkak të ngjarjeve të kaluara apo probleme të ushtrimit të influencës të grupeve kriminale në Vlorë’, tha gazetari.

Dy persona kanë mbetur të plagosur me armë zjarri në qytetin e Vlorës.

Paraprakisht raportohet se janë plagosur Kevin Hajrulla, rreth 30 vjeç dhe Armand Spahiu rreth 35 vjeç. Ky i fundit dyshohet se nuk ka qenë shënjestër e atentatit, por ka mbetur i plagosur aksidentalisht.

Ai ndodhej afër një dyqani me fruta perime.

Sakaq, ngjarja ka ndodhur në lagjen “24 maji” të qytetit të Vlorës.

Policia dhe grupi hetimor kanë rrethuar zonën dhe po punojnë për zbardhjen e rrethanave të krimit

Janë zbardhur detaje të reja nga atentati i bërë ndaj dy shqiptarëve mesditen e sotme në Athinë. Një prej tyre humbi jetën në vendngjarje, ndërsa tjetri ka mbetur i plagosur rëndë. Ende nuk dihen identitetet e tyre.

Ngjarja mësohet se ka ndodhur në kryqëzimin e rrugëve Aristotelous dhe Komotinit, ndërsa sipas mediave greke, viktima ka marrë plumb në kokë.

Vrasja ndodhi në sy të dhjetëra njerëzve që lëviznin në zonë, nga autorët ende të panjohur të cilët thuhet se iu afruan viktimave duke i qëlluar nga një distancë e shkurtër përpara se të largoheshin.

Policia po kryen hetimet për identifikimin e viktimave dhe rrethanat e ngjarjes së vrasjes në këtë zonë të Atikës veriperëndimore.