Brigjet lindore të Australisë janë goditur nga dallgë të mëdha dhe kushte të rrezikshme detare që kanë sjellë pasoja tragjike. Të paktën pesë persona kanë humbur jetën, ndërsa dy të tjerë rezultojnë ende të zhdukur.

Tragjedia filloi të premten kur një grup personash mbetën në det në zonën bregdetare të San Remos, në shtetin e Victorias. Sipas policisë, një grua arriti të kthehej në breg, por një tjetër grua dhe një burrë nuk ia dolën. Trupi i gruas u gjet i pajetë, ndërsa burri ende mungon.

Ndërkohë, në Uellsin e Ri Jugor, një tjetër incident i rëndë ndodhi pranë Tathras, ku të shtunën u gjet trupi i një burri. Një ditë më parë, një peshkatar 58-vjeçar dhe dy burra të tjerë u raportuan të vdekur në të njëjtën zonë. Ekipet e shpëtimit vazhdojnë kërkimet për një burrë tjetër që dyshohet se është zhdukur pranë Sidneit.

Kushtet e motit janë përkeqësuar ndjeshëm përgjatë vijës bregdetare lindore, me paralajmërime për dallgë të mëdha dhe rryma të forta, duke rritur rrezikun për banorët dhe vizitorët që frekuentojnë zonat e plazhit.

Kryeministrja e Victorias, Jacinta Allan, e quajti këtë një “fillim të tmerrshëm të fundjavës së Pashkëve” dhe u bëri thirrje qytetarëve të tregojnë kujdes maksimal.

“Ne i shprehim ngushëllimet më të sinqerta familjeve të viktimave dhe u kërkojmë të gjithëve që të ndjekin udhëzimet e autoriteteve për sigurinë në plazhe,” tha Allan në një deklaratë për mediat.

Autoritetet vendase dhe ekipet e emergjencës po punojnë pa ndërprerje për të gjetur të zhdukurit dhe për të garantuar sigurinë e qytetarëve në zonat bregdetare.

Një grua ka vdekur dhe më shumë se 120,000 kanë mbetur pa energji elektrike pasi erërat e forta dhe shiu i dendur goditën Australinë jugore, thanë autoritetet të hënën.

Pati dëme të mëdha në shtetet e Victoria dhe Tasmania, ndërsa një grua 63-vjeçare vdiq pasi një pemë ra në një kabinë në një park pushimesh në kufirin midis Victoria dhe Neë South Ëales, thanë shërbimet e urgjencës.

Shërbimet e Emergjencave Shtetërore të Viktorias morën mbi 2,800 thirrje gjatë natës, kryesisht për pemë të rrëzuara dhe dëmtime ndërtesash, shtoi ajo.

Të paktën 121,000 persona mbetën pa energji të hënën, tha Jacinta Allan, drejtuesja e Victoria.

Paralajmërimet e motit mbeten në fuqi për pjesën më të madhe të bregut juglindor të shtetit, pasi erërat me shpejtësi prej gati 150 km në orë goditën shtetin gjatë natës, shkruan Reuters.

Drejtori i agjencisë së zbulimit në Australi tha të dielën se disa shtete mike po udhëheqin një operacion për ndërhyrje nga jashtë në vendin e tij, duke shtuar se nëse bëheshin publik emrat e këtyre shteteve, atëherë njerëzit do të habiteshin.

Vitin e kaluar autoritetet në Kanberra thane se Irani ishte përfshirë në ndërhyrje, duket shtuar se shërbimet e zbulimit kishin arritur që të pengonin “individë” që të kryenin operacione survejimi në shtëpinë e një shtetasi iraniano-australian.

“Po ashtu, edhe vende të tjera, po përpiqen në mënyë të fshehtë të ndërhyjnë në sistemin politik të Australisë dhe në komunitetet e diasporës”, tha Mike Burgess, drejtor i përgjithshëm i zbulimit australian.

“Së paku tre deri në katër vende janë përfshirë në mënyrë aktive në ndërhyrjen nga jashtë tek komuniteti i diasporës në Australi. Disa vende do t’u habisnin. Disa janë miqtë tanë”, tha ai gjatë një interviste me rrjetin televiziv publik ABC.

Ai nuk identifikoi vendet e tjera të përfshira ndërsa konfirmoi dyshimet e qeverisë për përfshirje të Iranit.VOA