TIRANË- Një 26-vjeçar nga Bulqiza është ekstraduar sot nga Austria pasi ishte shpallur në kërkim ndërkombëtar.

Gjykata e Elbasanit, në vitin 2022, e ka dënuar të riun me 3 vjet e 4 muaj burgim, sepse në vitin 2021, u kap në aksin rrugor “Librazhd-Elbasan”, në vendin e quajtur “Ura e Lizës”, duke transportuar me furgon, në bashkëpunim me 4 persona të tjerë, 10 emigrantë nga Siria që kishin hyrë ilegalisht në Shqipëri dhe kishin destinacion shtetet e BE-së.

Pas ekstradimit, 26-vjeçari do t’i dorëzohet drejtorisë së Përgjithshme të Burgjeve, për të vuajtur pjesën e mbetur të dënimit me burgim, rreth 2 vjet.

NJOFTIMI I POLICISË:

Policia e Shtetit

Operacioni “Para drejtësisë”, ekstradohet nga Vjena, një i kërkuar ndërkombëtarisht, për llogari të Gjykatës së Elbasanit.

I ekstraduari, i dënuar me mbi 3 vjet burgim, për veprën penale “Ndihma për kalim të paligjshëm të kufijve”, kryer në bashkëpunim.

Si rezultat i koordinimit të veprimeve operacionale, ndërmjet Interpol Tiranës dhe homologëve në Austri, u finalizua procedura për ekstradimin në Shqipëri, të shtetasit N. A, 26 vjeç, i lindur në Bulqizë.

Ai ishte i kërkuar ndërkombëtarisht, pasi Gjykata e Elbasanit, në vitin 2022, e ka dënuar me 3 vjet e 4 muaj burgim, sepse në vitin 2021, u konstatua në aksin rrugor “Librazhd-Elbasan”, në vendin e quajtur “Ura e Lizës”, duke transportuar me furgon, në bashkëpunim me 4 shtetas të tjerë, 10 emigrantë nga Siria që kishin hyrë ilegalisht në Shqipëri dhe kishin destinacion shtetet e BE-së.

Shtetasi N. A, do t’i dorëzohet Drejtorisë së Përgjithshme të Burgjeve, për të vuajtur pjesën e mbetur të dënimit me burgim, rreth 2 vjet.noa.al/

Austria merr 3 pikët e para dhe tregon se është një pretendente e vërtetë në grupin e ferrit për të kaluar në fazën e 1/8, ndërsa Polonia pëson humbjen e dytë dhe është një hap pranë eliminimit.

Pas humbjes minimale 1-0 ndaj Francës, austriakët fituan bindshëm 3-1 në përballjen me Poloninë, që edhe njëherë tregoi se epoka e lojtarëve që ka në dispozicion tashmë ka përfunduar.

Austria shënoi e para në që në minutën e nëntë me Trauner, por polakët reaguan dhe kthyen baraspeshën në të 30-ën me Piantek.

Pjesa e parë u mbyll në barazim, por Austria tregoi se ishte më kërkuese dhe shtoi sulmet në portën e kundërshtarëve.

Në minutën e 66 vjen dhe goli i avantazhit me Baumgartner, teksa Arnautoviç vulosi fatin e këtij takimi nga pika e bardhë.

Në këtë ndeshje pati dhe për Lewandowskin, i cili përveç një kartoni të verdhë nuk la asnjë statistikë tjetër.

Autoritetet greke kanë vënë në pranga një 30-vjeçar shqiptar. Mësohet se arrestimi i të riut është bërë pasi ai ishte i shpallur në kërkim nga autoritetet austriake.

I riu shqiptar është identifikuar si Aredjo Buzi nga Fieri. Buzi ishte i shpallur në kërkim me urdhër europian arresti nga Austria për veprat penale “pjesëmarrje në organizatë kriminale” dhe “pastrim i produkteve të veprës penale”, të cilat sipas Kodit Penal të Austrisë dënohen me burgim deri në 3 vjet.

Arrestimi i tij ndodhi ësht në rrugën “28 Tetori” në Janinë ndërsa  autoritetet greke kanë nisur procedurat e ekstradimit të tij drejt Austrisë.