Një aksident rrugor është shënuar pranë rrethrrotullimit në zonën e Sheqit të Madh, ku një autobus pasagjerësh është përplasur me një automjet të Policisë Bashkiake.

Ngjarja ka ndodhur sot dhe ende nuk ka informacion zyrtar nëse nga përplasja ka persona të lënduar. Policia ndodhet në vendngjarje dhe ka nisur hetimet për të zbardhur shkaqet dhe rrethanat e aksidentit.

Pritet një njoftim zyrtar në vijim.

Të paktën tre persona kanë vdekur në një aksident që ka përfshirë një autobus në Norvegji, raportojnë mediat shtetërore.

Aksidenti ndodhi rreth orës 13:30 me orën lokale në distriktin Hadsel, në bregun veriperëndimor të vendit.

Autobusi doli nga rruga dhe përfundoi pjesërisht në liqenin Åsvatnet, sipas transmetuesit publik NRK.

Mendohet se në momentin e përplasjes ndodheshin 58 persona.

Kryqi i Kuq Norvegjez tha në mediat sociale se po dërgonte ekipe për të ndihmuar në një “aksident të rëndë autobusi” në rrugën E10, zonë e cila ka pasur raportime për reshje të dendura dëbore dhe erëra të forta.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një person ka vdekur pasi një person i armatosur mori peng një autobus të qytetit amerikan të Los Angelos, duke shkaktuar një ndjekje policore nëpër qytet për më shumë se një orë përpara se të arrestohej i dyshuari.

Një person i plagosur u gjet në autobus në orët e para të së mërkurës, i cili më pas vdiq në një spital lokal, tha zëvendës shefi i Departamentit të Policisë, Donald Graham.

Shoferi i autobusit dhe një pasagjer u shpëtuan pasi policia e ndali autobusin duke shfrytëzuar shiritat që shpojnë goma, përpara se të intervenonte ekipi i SWAT-it.

Një aksident tragjik ka ndodhur në Peru ku si pasojë 29 persoan kanë humbur jetën. Bëhet me dije se autobuzi ra mbi 650 metra në një luginë teksa po udhëtonte nga kryeqyteti Lima për në qytetin jugor Ayacucho. Operacionet e kërkim-shpëtimit janë duke u zhvilluar, tha Ministria e Brendshme e vendit në X, duke shtuar se 13 persona janë plagosur. Autoritetet thanë se ngjarja ka ndodhur rreth orës 5 të mëngjesit me orën lokale dhe shkaku nuk dihet. Të gjithë të plagosurit po trajtohen në spitalet e afërta.

Rrugët malore të Perusë kanë pasur disa aksidente vdekjeprurëse në vitet e fundit. Në prill 2021, një aksident autobusi ndodhi në departamentin Áncash të Perusë, rreth 280 milje nga Lima, duke lënë 20 të vdekur dhe 14 të plagosur. Në shkurt 2022, 20 persona të tjerë vdiqën dhe 33 u plagosën pasi një autobus doli nga shinat dhe ra në një luginë 330 këmbësh në provincën Pataz, në Perunë veriore.