Një autobus është përfshirë nga flakët sot pasdite rreth orës 16:16 në vendin e quajtur ‘Qafa e Duhlës’ në rajonin e Prizrenit. Autobusi ka marrë flakë derisa ishte në lëvizje.

“Menjëherë pas pranimit të informatës, njësitet e policisë dhe zjarrfikësit kanë dalë në vendin e ngjarjes. Zjarri është lokalizuar dhe shuar me sukses”, thotë zëdhënësi i Policisë së Prizrenit, Shaqiri Bytyqi.

Ai ka shtuar se sipas të dhënave fillestare si pasojë e zjarrit janë shkaktuar vetëm dëme materiale, ndërsa persona të lënduar nuk ka. “Rasti është duke u hetuar nga njësitet përkatëse policore për të përcaktuar shkaqet”, ka thënë Bytyqi.

Një autobus i linjës urbane Durrës-Plazh ka marrë flakë në ecje ditën e sotme, duke vënë në rrezik jetën e shumë prej udhëtarëve që ndodheshin në të.

Një defekt në sistemin e frenimit dhe tymi janë konstatuar shpejt dhe drejtuesi i mjetit ka ndaluar

Ndërhyrja e shpejtë e shërbimit zjarrfikës të qytetit i ka dhënë fund përhapjes së flakëve. Autobusi ndodhej pranë stacionit të trenit kur u konstatua tymi dhe më pas zjarri.

Të paktën 10 persona kanë mbetur të plagosur, dy prej tyre në gjendje të rëndë, pas përmbysjes së një autobusi në Santa Susanna, rreth 53 kilometra në verilindje të Barcelonës.

Sipas Sistemit të Emergjencave Mjekësore të Katalonjës (SEM), autobusi doli nga rruga në autostradën C-32. Në vendngjarje u dërguan tetë ambulanca, dy helikopterë dhe disa ekipe zjarrfikësish. Në autobusin e aksidentuar ndodheshin 53 pasagjerë. Të plagosurit janë transportuar në spitalet më të afërta, ndërsa dy prej tyre ndodhen në gjendje të rëndë. Autoritetet nuk kanë dhënë detaje të mëtejshme mbi identitetin apo moshën e të lënduarve.

Pamje të publikuara nga shërbimi zjarrfikës i Katalonjës tregojnë pjesëtarë të ekipit të ndërhyrjes brenda autobusit të përmbysur. Ata njoftuan se mjeti është stabilizuar dhe kanë nisur punimet për pastrimin e zonës. Kompania e transportit ka dërguar një tjetër autobus për të marrë pasagjerët që nuk kanë pësuar lëndime.

Sipas SEM, pasagjerët janë sistemuar përkohësisht në një qendër sportive në Pineda de Mar, ku po u ofrohet edhe mbështetje psikologjike. Zjarrfikësit thanë se shumica e pasagjerëve kanë arritur të dalin vetë nga autobusi dhe të ngjiten në një kodër pranë rrugës për t’u larguar nga vendi i aksidentit.

SRI LANKA- Pesëmbëdhjetë persona kanë humbur jetën në Sri Lanka, pasi një autobus pasagjerësh doli nga një shkëmb 300 metra i lartë. Një zëdhënës i policisë tha se 16 persona të tjerë janë plagosur, përfshirë pesë fëmijë.

Aksidenti ndodhi në një rrugë malore pranë qytetit Wellawaya, rreth 280 km në lindje të kryeqytetit Colombo, të enjten në mbrëmje. Zëdhënësi tha se një hetim fillestar i policisë ka zbuluar se autobusi po udhëtonte me shpejtësi të lartë kur shoferi i tij humbi kontrollin.

Ai shtoi se autobusi u përplas me një automjet tjetër dhe me kangjellat mbrojtëse të rrugës, përpara se të rrëzohej nga shkëmbi, shkruan Sky News.

Pamjet televizive lokale treguan autobusin e dëmtuar rëndë në fund të greminës, ndërsa ekipet e shpëtimit, përfshirë ushtarë, oficerë policie dhe vullnetarë , nxorën të plagosurit gjatë gjithë natës.

Aksidentet vdekjeprurëse me autobusë janë të zakonshme në Sri Lanka , veçanërisht në rajonet malore të vendit ishullor, shpesh për shkak të rrugëve të ngushta dhe të mirëmbajtura dobët, si dhe drejtimit të pakujdesshëm të automjeteve

Një aksident i rëndë ndodhi të premten në mbrëmje në shtetin Mato Grosso të Brazilit, ku një autobus u përplas me një kamion, duke shkaktuar 11 të vdekur dhe 46 të plagosur.

Pamjet nga vendi i ngjarjes treguan autobusin që shpërtheu në flakë pas përplasjes. Ndër të plagosurit, 12 persona janë në gjendje të rëndë, duke përfshirë edhe shoferin e kamionit, 26 janë në gjendje të qëndrueshme dhe 8 kanë pësuar lëndime të lehta.

Shkaqet e aksidentit mbeten ende të panjohura.

Aksidenti ndodhi në autostradën BR-163, që njihet për numrin e lartë të aksidenteve; vetëm gjatë vitit 2024, janë regjistruar 1,304 aksidente, prej tyre 65 fatale. Në gjashtë muajt e parë të këtij viti, 40 persona kanë humbur jetën në këtë autostradë.

Një autobus ka marrë zjarr sot në aksin rrugor Kardhiq–Delvinë, pranë tunelit të Skërficës. Menjëherë pas marrjes së njoftimit, në vendngjarje u nisën dy automjete zjarrfikëse.

Zjarri kishte përfshirë pjesën e motorit të autobusit, ndërsa drejtuesi i mjetit kishte ndërhyrë fillimisht me mjete zjarrfikëse dore për të frenuar përhapjen. Forcat zjarrfikëse arritën të shuanin plotësisht flakët dhe të siguronin zonën.

Fatmirësisht nuk pati persona të lënduar, ndërsa dëmet të kufizuara vetëm në pjesën e motorit të autobusit.

Një aksident i rëndë ka ndodhur në autostradën A19 në Mecklenburg-Pomerania Perëndimore, në Gjermaninë veriore, ku një autobus i kompanisë Flixbus doli nga rruga dhe u përmbys, duke shkaktuar panik mes pasagjerëve.

Sipas autoriteteve gjermane, të paktën 20 persona kanë mbetur të plagosur, ndërsa një prej tyre është në gjendje kritike. Një pasagjer mbeti i bllokuar për rreth dy orë brenda autobusit përpara se të shpëtohej nga ekipet e emergjencës.

Autobusi po udhëtonte nga Kopenhaga drejt Vjenës dhe kishte gjithsej 53 pasagjerë dhe dy shoferë në bord. Aksidenti ndodhi në afërsi të kryqëzimit Röbel, në drejtim të Berlinit.

Sipas informacioneve paraprake, autobusi ka devijuar fillimisht në të djathtë të rrugës dhe më pas është përmbysur. Shkaku i saktë i aksidentit mbetet ende i paqartë dhe policia ka nisur hetimet për të zbardhur ngjarjen.

Pamjet nga vendi i ngjarjes tregojnë përmasat dramatike të përmbysjes, ndërsa ekipet e shpëtimit kanë punuar me orë për të nxjerrë të lënduarit dhe për të siguruar zonën.

LIBI – Derbi libian në Tripoli midis Al-Ahli dhe Al-Ittihad, pjesë e kampionatit kombëtar, u shndërrua në një makth të mërkurën. Ndeshja u ndërpre, dhe më pas u ndërpre përfundimisht para përfundimit të pjesës së parë, pas disa incidenteve që ndodhën brenda dhe jashtë fushës. Ky episod i fundit e zhyt futbollin libian edhe më thellë në krizë.

Përleshjet filluan në minutën e 39-të. Marokeni Nawfel Zerhouni hapi serinë e golave ​​për mysafirët nga Al-Ittihad me një goditje dënimi. Por shpërtheu një përleshje midis lojtarëve të të dyja ekipeve, duke bërë që gjyqtari të pezullonte ndeshjen, përpara se ta ndalonte atë disa minuta më vonë.

Pas dyerve të mbyllura, tifozët e të dyja ekipeve pushtuan tribunat e stadiumit për t’u përfshirë në përleshje të dhunshme. Fusha shpejt u shndërrua në një skenë kaosi.

Shumë ifozë janë plagosur rëndë, autobusi është djegur…

Arbitri portugez, lojtarët dhe stafi i të dyja ekipeve u detyruan shpejt të largoheshin nga fusha për të kërkuar siguri. Por kaosi u përhap edhe jashtë stadiumit. Raportohet se ndaj tifozëve të Al-Ahli u qëllua me municion luftarak dhe autobusi i Al-Ittihad u dogj.

Disa tifozë të Al-Ahli thuhet se u plagosën, disa prej tyre “seriozisht”, siç njoftoi klubi në llogarinë e tij X. Sipas mediave lokale, gjyqtari portugez Fabio José Costa u plagos gjatë incidentit. Përleshjet thuhet se vazhduan gjatë gjithë mbrëmjes së vonë në kryeqytetin libian.

Duke pasur parasysh rëndësinë e ngjarjeve, të dy klubet lëshuan deklarata zyrtare duke dënuar këto akte dhune dhe duke bërë thirrje për qetësi dhe respekt për vlerat sportive. Al-Ahli dhe Al-Ittihad gjithashtu bënë thirrje për një hetim të plotë për të vlerësuar këto incidente dhe për të identifikuar ata që janë përgjegjës.

LLOGARA- Një aksident ka ndodhur mbasditen e sotme në njërën nga kthesat e Llogarasë. Mësohet se një autobus është përplasur me një kamion. Fatmirësisht, nuk raportohet për persona të plagosur, por ka vetëm dëme materiale.

Sipasojë e aksidentit trafiku në zonë është rënduar ndjeshëm, duke krijuar radhë prej disa kilometrash. Gjithashtu situata është përkeqësuar edhe nga fakti që tuneli i Llogarasë vijon të jetë i mbyllur për shkak të punimeve.

Sot, rreth orës 11:40, pranë tunelit të Skërficës, dyshohet se, si pasojë e një defekti në motor, ka marrë flakë në ecje një autobus me udhëtarë, i linjës Sarandë-Tiranë, me drejtues shtetasin G. A.

Fatmirësisht nuk raportohet për persona të lënduar, por vetëm për dëme materiale. Dyshohet se zjarri është shkaktuar nga një shkëndijë elektrike.

Grupi hetimor ndodhet në vendngjarje dhe po punon për zbardhjen e plotë të rrethanave të rastit.