Dy shtetas kosovarë kanë rënë të pranga të autoriteteve të dyshuar si të përfshirë në veprimtarinë kriminale të trafikimit të armëve të zjarrit. Të arrestuar janë Shkëlqim Qenaj dhe Avudall Mallaki.

Dy kosovarët janë ndaluar nga policia në zonën e quajtur si “Ura e Hasit” teksa me vete ne automjet kishin 8 armë zjarri pistoleta, të cilët dyshohet se i kishin trafikuar nga Kosova në Shqipëri nëpërmjet kufirit jeshil me qëllim për t’ia shitur 2 personave të tjerë.

Blerësit janë identifikuar nga policia, por gjeneralitetet e tyre nuk bëhen me dije për mediat për shkak të hetimit, ndërsa vijon puna për kapjen e tyre.

Një aksident i shumëfishtë ka ndodhur paraditen e sotme në autostradën Tiranë – Durrës, pranë fshatit Marikaj.

Në aksident janë përfshirë disa automjete, ndërsa njëri prej tyre është shkrumbuar nga flakët.

Ende nuk dihen shkaqet e aksidentet dhe nëse ka persona të lënduar. Detaje të tjera priten ne vijim.

Një incident i rrezikshëm është shënuar në aksin kombëtar Elbasan–Tuneli i Kërrabës–Tiranë, pranë fshatit Dopaj, ku një automjet është përfshirë nga flakët teksa ishte në lëvizje.

Sipas burimeve paraprake, zjarri ka shpërthyer papritur në pjesën e përparme të mjetit, duke detyruar drejtuesin të ndalojë menjëherë dhe të largohet në kohë. Fatmirësisht, nuk ka persona të lënduar. Mjeti është përfshirë thuajse plotësisht nga flakët, ndërsa forcat zjarrfikëse dhe patrullat e policisë mbërritën me shpejtësi në vendngjarje.

Ata arritën të neutralizojnë zjarrin dhe të sigurojnë zonën, duke shmangur çdo rrezik për mjetet e tjera që qarkullonin në atë moment.

Dyshohet se shkak i zjarrit mund të ketë qenë një defekt teknik në sistemin elektrik të automjetit, por hetimet vijojnë për të përcaktuar me saktësi rrethanat e ngjarjes.

Një automjet tip “Land Rover” u përfshi nga flakët mëngjesin e sotëm në aksin Fier-Lushnje, në zonën e quajtur “Vajkan”.

Fatmirësisht, shoferi dhe një pasagjer arritën të dalin në kohë nga makina, e cila u shkatërrua pothuajse komplet nga zjarri.

Gjithashtu, policia dhe grupi hetimor po punojnë për të zbuluar shkakun e incidentit, ndërsa paraprakisht dyshohet se zjarri ka nisur nga një defekt në motor.

Një shpërthim me eksploziv ka ndodhur në orët e para të mëngjesit të së dielës në një automjet në lagjen “Vrana Konti” në qytetin e Krujës.

Policia njofton se automjeti është në pronësi të shtetasit, Elton Kani.

Gjykata turke urdhëron që Imamoglu të mbahet në paraburgim, kryebashkiaku i Stambollit mohon akuzat! Njoftimi i plotë:

Rreth orës 03:20, në rrugën “Vrana Konti” dyshohet se në automjetin tip “Opel Corsa” në përdorim nga shtetasi E. K., 25 vjeç, është vendosur një sasi e vogël lëndë plasëse, ku janë shkaktuar vetëm dëme në pjesën e parë të automjetit.

Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorit/ve si dhe dokumentimin e plotë të ngjarjes.

Një aksident tragjik ka ndodhur mbrëmjen e së hënës në fshatin Thumanë, Krujë, ku një këmbësor 36-vjeçar ka humbur jetën pasi është përplasur nga një automjet.

Sipas njoftimit të policisë, ngjarja ka ndodhur rreth orës 19:15, kur automjeti i drejtuar nga shtetasi D. S., 32 vjeç, ka aksidentuar këmbësorin G. Gj., i cili nuk ka mundur t’u mbijetojë plagëve.

Drejtuesi i mjetit është shoqëruar nga autoritetet për veprime të mëtejshme procedurale, ndërkohë që grupi hetimor po punon për zbardhjen e plotë të rrethanave të aksidentit.

Një ngjarje e rëndë ka ndodhur në fshatin Dragoç në Shkodër.

Një person, i identifikuar si shtetasi Fatmir Mataj, rreth 33 vjeç është gjetur i vrarë në automjetin e tij nga banorët e zonës.

Ende nuk dihen detaje në lidhje me ngjarjen, por policia ndodhet në vendngjarje.

Një aksident i ndodhur rreth orës 20:40 në lagjen nr. 17/1 të Durrësit ka lënë dy të mitur të plagosur. Një automjet, i drejtuar nga një 19-vjeçar, E. B., është përplasur me një monopatinë në të cilën udhëtonin dy adoleshentë 16-vjeçarë.

Dëmtimi i të miturve ka qenë i rëndë, dhe ata janë dërguar në spital, ku po marrin ndihmën e nevojshme mjekësore.

Pas ngjarjes, E. B. ka shkuar në Komisariatin e Policisë për të sqaruar rrethanat e aksidentit. Grupi hetimor ka mbërritur në vendngjarje dhe ka nisur punën për të zbardhur shkaqet e incidentit. Policia është e angazhuar për të bërë gjithçka të mundur për të sqaruar këtë aksident të rëndë.

Aksident në rrugën Tiranë-Elbasan, nga informacionet paraprake bëhet me dije se tre makina janë përplasur dhe njëra është kthyer përmbys.

Deri më tani nuk raportohet për persona të lënduar, dhe dyshohet se shkak i aksidentit ka qenë lagështira në rrugë. Si pasojë e përplasjes është krijuar radhe kilometrike në drejtim për Elbasan.

Një aksident rrugor ka ndodhur mesditën e sotme në Marikaj të Vorës. Mësohet se në aksident janë përfshirë tre makina.

Bëhet me dije se njëri prej automjeteve ka përfunduar i përmbysur në mes të rrugës. Nga ngjarja është krijuar trafik i rënduar.