PATOS- Një zjarr ka shpërthyer mbasditen e sotme në një servis automjetesh në Patos. Konkretisht ngjarja ka ndodhur pranë vendit të quajtur, “Kthesa e Patosit”. Siç shihet edhe në pamje flakët janë përhapur masivisht dhe tymi ka mbuluar gjithë zonën.

Fatmirësisht deri më tani nuk raportohet për persona të plagosur, por vetëm dëme materiale. Ndërkohë në vendin e ngjarjes ka mbërritur ekipi i zjarrfikësve të Patosit për të bërë të mundur shuarjen e flakëve.

Rikthehet problematika e bllokimit të “Rrugës së Arbrit”.

Prej më shumë se dy orësh ky aks raportohet se ka pengim të qarkullimit dhe radhë të gjata automjetesh.

Gazetari Mahir Jangulli raporton nga situata se ngjarja ka ndodhur te vendi i quajtur “Shkalla e Tujanit”.

Arsyeja e bllokimit janë punimet në skrapatat anësore të rrugës, për të shmangur erozionin apo rrëshqitjet e dherave dhe shkaktuar ndonjë aksident.

Teksa çdo dy orë ka bllokim rruge dhe kjo situatë është bërë problematike dhe shqetësuese, për arsye se në atë aks kombëtar ka dhe urgjenca mjekësore që kalojnë dhe kërkojnë korsi të lirë

10 shoferë janë arrestuar në Tiranë kësaj jave. Disa prej tyre janë vënë në pranga për drejtimin e mjetit nën ndikimin e alkoolit apo lëndëve narkotike.

Të tjerë për dhënie makine pa leje drejtimi, korrupsion dhe shkelje të rregullave të qarkullimit.

Njoftimi i policisë:

Rezultatet javore të Komisariatit të Policisë Rrugore Tiranë (23.06.2024 – 29.06.2024)

Gjatë javës së fundit, janë zbatuar masa të rrepta në ruajtjen e rendit dhe sigurisë rrugore:

10 Arrestime dhe procedime penale:
4 persona për drejtim mjeti nën ndikimin e alkoolit.
2 persona për pa leje drejtimi.
2 persona për shkelje të rregullave të qarkullimit.
1 person u proceduan  për korupsion aktiv.
1 person për drejtim mjeti nën ndikim e lëndëve narkotike

Masat administrative:
14.785 masa administrative të vendosura, mesatarisht 2,112 në ditë.
57 masa për xhama të zinj.
2.217 masa për shpejtësi mbi normat e lejuara.
528 masa për përdorim celulari gjatë drejtimit.
1.045 masa për mos vendosjen e rripit të sigurimit.
18 masa për mosrespektim të sinjalit “Stop”.
1.330 masa për mosdhënie përparësi qytetarëve.
4.650 masa për qëndrim të gabuar.
970 masa për mospërdorim të kaskës mbrojtëse/jelekut fosforeshent, neni 169.

Pezullime dhe bllokime:
10 raste pezullim për drejtim nën ndikimin e alkoolit.
45 raste për tejkalim shpejtësie.
31 raste të ndryshme 
5 automjete u bllokuan, përfshirë 2 me targa të huaja.

Policia e Elbasanit ka vendosur masë administrative prej 3 mijë lekësh të reja për 11 drejtues automjetesh, të cilët shkelën rregullat e qarkullimit rrugor në autostradën Tiranë – Elbasan.

Policia po ashtu fton qytetarët që të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë dhe konform ligjit.

Reagim i Drejtorisë Vendore të Policisë Elbasan

Në lidhje me një video të publikuar në rrjete sociale, në të cilën shfaqen 11 automjete që shkelin rregullat e qarkullimit rrugor, në dalje të autostradës “Tiranë-Elbasan”, ju informojmë se:

Sektori i Policisë Rrugore ka kryer verifikimet dhe ka vënë masën administrative 3 000 lekë të rinj për secilin automjet, bazuar në pikën 2, neni 144, të Kodit Rrugor, i cili sanksionon mosrespektimin e sinjalistikës rrugore horizontale.

Drejtoria Vendore e Policisë Elbasan fton qytetarët që të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë dhe konform ligjit.

Bypass-i i Murrizit është bllokuar pasditen e kësaj të marte rreth orës 16:00 duke krijuar një varg kilometrik automjetesh.

Segmenti i bllokuar në rrugën e Arbrit çon automjetet drejt kryeqytetit, ndërsa ende nuk dihen shkaqet e bllokimit.

Mësohet se kjo nuk është hera e parë që ky segmente i rrugës së Arbrit përballet me bllokime të tilla.

Në Vlorë dhe Sarandë janë ndëshkuar drejtuesit e automjete të cilat kanë thyer rregullat e qarkullimit.

Policia thotë se për periudhën 4 deri më 24 mars janë arrestuar 6 drejtues mjetesh për drejtim mjeti në gjendje të dehur/pa leje drejtimi.

Gjatë kësaj periudhe janë vendosur në total 6654 masa administrative, konkretisht:

⁠3395 për qarkullim me shpejtësi tej normave të lejuara; 293 për mospërdorimin e rripit të sigurimit; 374 për parakalime të gabuara;76 për xhama të errësuar;2516 për shkelje të ndryshme të Kodit Rrugor.