Një aksident me dëme materiale është regjistruar në aksin rrugor Korçë-Pogradec në afërsi të fshatit Veliternë, ku një automjet ka dalë nga rruga.

Mësohet se në automjet udhëtonin drejtuesi së bashku me një pasagjer të cilët fatmirësisht nuk kanë pësuar gjë. Shkak i aksidentit dyshohet të ketë qenë shpejtësia e lartë dhe humbja e kontrollit të mjetit. Automjeti duket se paraprakisht ka goditur trafik ndarësen dhe më pas ka përfunduar në një tokë bujqësore disa metra poshtë rrugës.

Pritet që në vendngjarje të mbërrijë policia për të zbardhur shkaqet e aksidentit.

Një aksident tragjik ka ndodhur mbrëmjen e djeshme në Itali, ku një shqiptar ka humbur jetën mbrëmjen e djeshme në Modena.about:blank

Mediat italiane bëjnë të ditur se, bëhet fjalë për Saimir Gjoka, 38 vjeç. Mësohet se makina ku po udhëtonte Gjoka është përplasur me një tjetër makinë, duke dalë nga rruga.

Aksident fatal ndodhi në orët e vona të mbrëmjes së djeshme në seksionin e Modenës të A1, pranë Cognento. 38-vjeçari nga Shqipëria, Saimir Gjoka, ka gjetur vdekjen e menjëhershme pas përplasjes, i cili është nxjerrë nga zjarrfikësit, nga automjeti në të cilin ishte bllokuar.

55-vjeçari që udhëtonte me makinën tjetër ka mbetur i plagosur por lehtë.

Policia rrugore, e cila ka nisur hetimet, ka gjetur në makinën e shqiptarit një çantë plot me para dhe me sa duket edhe mallra të dyshimta.about:blank

Ndërkohë, edhe me ndihmën e dronëve, policia është në kërkim të pasagjerit tjetër të mjetit, i cili është arratisur pas përplasjes.

Një aksident ka ndodhur sot në Tiranë ku një automjet është përplasur me motorin e policisë.

Si pasojë e përplasjes kanë përfunduar në spital për të marrë ndihmë mjekësore dy punonjësit e policisë.

Grupi hetimor po punon për sqarimin e rrethanave të aksidentit.

Më datë 26.06.2023, në kryqëzimin e rrugës “Medar Shtylla” dhe “Prokop Mima”, janë përplasur automjeti me drejtues shtetasin P. U., me motomjetin e Policisë me drejtues shtetasin A. Ll.

Nga përplasja janë dëmtuar dy punonjësit e Policisë, drejtuesi i motomjetit inspektor A. Ll., dhe pasagjeri që ndodhej me të, inspektor E. P., të cilët ndodhen jashtë rrezikut për jetën.

Grupi hetimor po punon për sqarimin e rrethanave të aksidentit.