Një automjet është përfshirë nga flakët rreth orës 13:50, në afërsi të Tunelit të Krrabës, përgjatë aksit rrugor kombëtar Tiranë–Elbasan.

Ende nuk dihen shkaqet e zjarrit, ndërsa autoritetet njoftojnë se fatmirësisht nuk ka të lënduar.

Fier, 22 Shtator 2025 — Një aksident rrugor ka ndodhur pasditen e sotme në segmentin rrugor Fier–Patos, ku një automjet është përplasur me një kamion të parkuar në anë të rrugës.

Sipas burimeve paraprake, dy shtetas kanë mbetur të plagosur si pasojë e përplasjes së fortë dhe janë transportuar menjëherë drejt spitalit për ndihmë mjekësore. Gjendja e tyre shëndetësore ende nuk dihet, ndërsa dëshmitarë në vendngjarje raportojnë se aksidenti ka qenë i rëndë në intensitet.

Në vendngjarje ndodhen forcat e Policisë Rrugore, të cilat kanë nisur hetimet për të zbardhur rrethanat e aksidentit. Dyshohet se shkak i përplasjes është bërë shpejtësia e lartë e automjetit, që ka humbur kontrollin përpara goditjes së kamionit të ndaluar.

Autoritetet u bëjnë thirrje drejtuesve të mjeteve të tregojnë kujdes të shtuar, veçanërisht në segmentet ku ndodhen mjete të ndaluara në mënyrë të papërshtatshme.

Hetimet janë në vijim.

Një aksident rrugor ka ndodhur pak minuta më parë në qendër të qytetit të Fierit.

Një automjet tip “Fiat”, i drejtuar nga një grua, ka përplasur një kalimtar teksa ky i fundit po kalonte në vijat e bardha.

I plagosuri është transportuar me urgjencë në Spitalin Rajonal të Fierit dhe ndodhet jashtë rrezikut për jetën.

Policia ndodhet në vendngjarje dhe ka nisur hetimet për të zbardhur shkaqet dhe rrethanat e aksidentit.

Një automjet është përfshirë nga flakët pasditen e kësaj të shtune në lagjen nr 9 në Korçë.

Sipas informacioneve paraprake nga policia makina ka qenë e parkuar në këtë lagje ndërsa dyshohet të këtë ndodhur për shkak një defekti.

Përveçse dëmeve materiale nuk raportohet për persona të lënduar.

Policia po punon rreth shkaqeve të ngjarjes.

Një incident ka ndodhur mbrëmjen e së dielës, në Rrugën e Arbrit, ku një automjet ka rrëshkitur nga bora e është përplasur me murin rrethues të një banese.

Ngjarja ka ndodhur në afërsi të fshatit Fshat në Klos.

Rruga e Arbrit mbetet nje nga akset me te veshtira per qarkullim ne rastet e motit te keq me reshje shiu, bore dhe ngrica.

Një aksident rrugor është regjistruar paraditen e sotme në afërsi të shkollës “7 Marsi” në Tiranë. Sipas raportimeve nga vendngjarja, një automjet ka përplasur një këmbësor, i cili ndodhej te vizat e bardha.

Ende nuk dihen detaje të sakta mbi gjendjen shëndetësore të këmbësorit, ndërsa shërbimet e emergjencës janë lajmëruar dhe kanë mbërritur në vendngjarje për t’i ofruar ndihmën e parë.

Policia ka nisur hetimet për të zbardhur shkaqet e aksidentit dhe për të përcaktuar përgjegjësinë e drejtuesit të mjetit. Ndërkohë, lëvizja e automjeteve në zonë ka pësuar ngadalësime për shkak të incidentit.

BELSH- Një aksident është regjistruar mbrëmjen e sotme në fshatin Kajan të bashkisë Belsh. Mësohet se një automjet ka përplasur një motor me drejtues Arben Shehun, banues në fshatin Kajan.

Pas aksidentit, drejtuesi i motorit është transportuar me ambulancë në drejtim të Elbasanit pasi ka pësuar plagë të shumta nga aksidenti.Gjithashtu bëhet me diej se i aksidentuari është jashtë rrezikut për jetën.

Një burrë ka raportuar në polici se dy të dyshuar kanë tentuar ta sulmojnë fizikisht.

Sipas policisë, njëri dyshohet se ka shtënë me armë zjarri në drejtim të veturës së ankuesit.

Rasti raportohet të ketë ndodhur në Prishtina, të enjten pasdite.

‘Ankuesi mashkull kosovar ka informuar se dy të dyshuar meshkuj kosovarë kanë tentuar ta sulmojnë fizikisht, ku njëri nga të dyshuarit ka shtënë edhe me armë zjarri në drejtim të veturës së viktimës. Në vendin e ngjarjes është gjetur dhe sekuestruar një gëzhojë. Rasti është duke u hetuar”, thuhet në raportin e policisë.

Një aksident tragjik ka ndodhur mbrëmjen e sotme në Durrës, ku një këmbësor ka humbur jetën. Ngjarja është regjistruar në segmentin rrugor Manëz-Kull, ku automjeti me targa AA334FU, i drejtuar nga Muharrem Jakupi, ka përplasur këmbësorin Seladin Ago.

Si pasojë e plagëve të marra, Ago ka ndërruar jetë në vendngjarje. Policia ka shoqëruar drejtuesin e automjetit për veprime të mëtejshme procedurale, ndërsa grupi hetimor po punon për zbardhjen e shkaqeve dhe dinamikës së aksidentit.

Një aksident rrugor me pasojë vdekjen ka ndodhur në afërsi të fshatit Kote në rrugën e lumit të Vlorës.

Një automjet është përplas me një motor dhe për pasojë një person ka humbur jetën. Policia dhe grupi hetimor ndodhen në vendin e ngjarjes.